TRUE BA ANG nabalitaan naming pati sa negosyo, e, kinakalaban na rin ni Katrina Halili si Dra. Vicki Belo?
Paano ba naman, um-order siya ng dalawang Diamond Peel Machine, dalawang Radio Frequency Machine, magnifying mirror para sa facial, reclining bed at isang set ng home theater.
Lahat nang ‘yon ay nasa kanyang house sa New Manila, pero ang tanong: Magbubukas ba siya ng isang beauty clinic gaya ng Belo Clinic?
“Naku, wala akong kinakalabang negosyo kasi ‘yung mga beauty machines na ‘yon, e, for personal use. Kung minsan, nag-i-invite ako ng mga friends ko para may ‘classmate’ ako habang nagpapa-beauty. Kung minsan, sinisingil ko rin sila kasi nagko-comsume kami ng kuryente, ‘di ba?” depensa agad sa amin ni Kat.
Ay, oo nga naman! Pero kung sakali, sigurado kaming hindi susubukan ni Hayden Kho ang kanyang personalized beauty clinic dahil baka imbes na toner ang ilagay sa kanyang face, e, asido. Hek-hek-hek!!!
Sa last hearing, puro pang-aasar na facial expressions ang ipinakita ni Dra. Belo dahil ang sabi, hindi raw totoo ang kanyang sinalaysay at alam daw ng doktora ang totoong kuwento.
“Ganu’n ba? E, ‘di mas maganda kung si Dra. Belo na lang ang magsalaysay para mas kumpleto ang kuwento, ‘di ba?” pang-aasar pa ni Kat.
‘Nga pala. Ang sabi pa, lagi raw suot ni Hayden ang ring na ibinigay niya lalo na kapag nagsasalita siya sa korte para ma-distract ang kanyang train of thoughts. Uy, may ring pala siyang ibinigay kay Hayden, huh!
“Naku, hindi ko na matandaan kung meron akong ibinigay na ring sa kanya. Pero kung sakali, mas tinutulungan niya akong mag-recall ng kuwento,” isa pang sarcastic line na pinakawalan ni Kat.
Deadma na lang si Kat sa balitang nasa Arizona ngayon si Hayden. Deadma na rin siya muna sa isyung nalusutan ni Hayden ang hold order ng Immigration. Basta’t as of the moment, e, naghahanda siya sa next hearing nila sa June 5.
ANOTHER BREAKING STORY ang lumabas from Focus Entertainment.
Kumpirmadong iniwan na ng anim na original Sex Bomb girls ang grupo at narito ang kanilang mga dahilan ng hindi pag-renew ng kontrata.
Hindi pagpapakasal at negosyo raw ang dahilan ni Jopay Paguia kaya umalis siya sa SB. Ang pagso-solo naman ang ibinigay na dahilan ni Evette Pabalan. Pag-aaral naman ang reason ni Shane Gonzales at desisyon ng Focus Entertainment ang hindi pag-renew ng contract kina Jackie Rivas and Cynthia Yapchingco. Ang pagiging unfair daw ni Mother Joy Cancio sa pagma-manage sa mga girls ang dahilan kung bakit umalis na sa kanyang poder si Danielle Ramirez.
Heto ang sagot ni Mother Joy:
Never daw siyang nagkait sa pagsubok ng mga girls na mag-solo sa labas ng management. Ang pangunahing layunin ng Focus E ay ang mabigyan sila ng trabaho at ang pagsikat ay nasa kamay na ng mga girls depende sa kanilang kasipagan at sa will ni God. Kahit wala na sila sa Focus E, hangad pa rin daw ni Mother Joy ang kanilang tagumpay.
Ang official na pumalit sa kanila ay sina Jomarie Gutierrez, Jaja Barro, Louise Bolton and Myka Bautista na taon na rin ang binilang sa pagte-train sa Focus E.
Sa Sabado ng 3 P.M., opisyal din silang ipakikilala sa May 15 sa Robinson’s Metro East Activity Center kasama ang Daisies, Danz Focus at ang bagong Sex Bomb Girls kasama si Rochelle Pangilinan kaya hindi true ang tsikang pati si Rok, e, humiwalay na, ukie?
For reactions, please e-mail [email protected]
Sour-MINT
by Joey Sarmiento
