Kasal… Sakali

NAGPAKASAL AKO SA isang Pinoy ilang taon na rin ang nakalipas. Nang umuwi po siya galing sa ibang bansa, napagkasun-duan naming ipa-annul ang aming kasal at ngayon po ay annulled na iyon. Ngunit bago pa po maibaba ang approval, nagpakasal ako sa isang foreigner at hanggang ngayon ay nagsasama kami. Alam ko na null and void ang kasal ko sa foreigner. Kailangan po bang ipawalang-bisa ko rin saka kami magpakasal uli o hindi po ba nakasama na iyon sa annulment case namin ng una kong napangasawa?

Ano po ba ang dapat kong gawin? Anu-ano ang papeles na kakailanganin ko at saan ako mag-uumpisa ng proseso?

Salamat po.  Angelita

TAMA KAYO NANG nabanggit ninyo sa inyong salaysay na walang bisa o “null and void” ang inyong pangalawang kasal sa “foreigner” na hanggang ngayon ay inyong kinakasama. Ito ay sa kadahilanang nang nagpakasal kayo sa nasabing “foreigner” ay hindi pa naibababa ng korte ang desisyon sa petisyon para sa pagpapawalang bisa o sa pagdeklara na walang bisa sa inyong kasal sa inyong unang asawa. Ayon sa batas, ang isang taong nauna nang ikinasal sa iba ay kinakailangang kumuha ng pahintulot ng korte bago muling magpa-kasal.  Kung wala pang deklarasyon ang korte na nagsasaad na wala ngang bisa ang naunang kasal ngunit nagpakasal nang muli, ang pangalawang kasal ay wala ring bisa sa mata ng batas (Article 40, Family Code). Ayon pa rin sa nabanggit na batas, ipinagbabawal na magpakasal nang pangalawang beses sa magkaibang tao habang may bisa pa ang naunang kasal at ang pangalawang kasal ay itinuturing ng batas na walang bisa mula sa simula o “void ab initio” [Article 35(4), Family Code].

Kung nais ninyong kilalanin ng batas ang inyong kasal sa “foreigner” na inyong kinakasama ngayon, kailangan kayong muling magpakasal. Ngunit mas mainam na bago ninyo ito gawin, maglagak kayo ng petisyon sa korte upang madeklarang wala ngang bisa mula sa simula ang inyong naging kasal. Kapag nagkaroon na ng deklarasyon ang korte tungkol dito, maaari na kayong magpakasal muli at ito ay kikilalanin na ng batas.

Upang masimulan ang prosesong pagpapadeklarang walang bisa ang inyong kasal, kinakailangan ninyo ang tulong at serbisyo ng isang abogado sa paggawa at paglagak ng kaukulang petisyon at pagharap sa mga pagdinig sa korte. Kinakailangan rin ninyong ipresinta sa korte ang inyong mga ebidensiya na wala ngang bisa ang inyong naunang kasal. Kabilang sa mga dokumentong dapat ninyong ipresinta ay ang desisyon ng korte ukol sa pagpapawalang-bisa ng inyong kasal sa inyong unang asawa at ang “Marriage Certificate” ninyo at ng pangalawang ninyong asawa. Samakatuwid, kapag inyong napatunayan sa harap ng husgado na kayo ay nagpakasal ng pangalawang beses nang hindi pa naibababa ang desisyon na nagpapawalang bisa sa inyong unang kasal, walang rason kung bakit hindi magbibigay ng deklarasyon ang korte na walang bisa mula sa simula ang inyong pangalawang kasal.

Atorni First
By Atorni Acosta

loading...

2 thoughts on “Kasal… Sakali

  1. gud am atty,ako po ay nag pakasal noon 1980 at tumagal lang po ito ng 1983,, at nawala na po sukat ang asawa kung ito,, 2 po ang naging anak ko babae at lalki,,kaya nag disisyon po ako mag abroad para mabuhay ko ang mga anak ko,, 1983 ng feb nakaalis po ako ng bansa,, at nag balik lang ako ng march 1989 na po,, nakaipon at nakapag pundar din po kahit papano,,nakapagpagawa po ako ng sarili kong bahay,at napag patyo din po ako ng apt,,hangang sa dumating na naman po na muli ako nag mahal,,dahil stable na ako,, gusto ko mag karoon ng kasama sa buhay,,muli umibig at nag mahal 19o91 na makilala ko ang lalaking ito,, at nagpasya na mag sama kami,,ayun na nga po nag sama kami,bago pokami tuluyan mag sama,, nag usap po ang both parents namin at sinabi ng magulang ko sa parent nya na may anak at aswa po ako,,at iniwan kmi ng ma habang pnahon,,ang sagot na parents nya di naman daw sila makikisama at anak naman daw nila,,kaya po non oras na iyon nag sama na po kami,dito sa sarili kopong bahay,at walang kasalang naganap,, makalipas lang po ang ilang buwan limabas an po tunay niyang ugalii,, sinasaktan na po nya ako,, till nagagalit ang magulang ko at lagi sinasabi wala syang karapatan na saktan ka,, dahil di naman ikaw palamunin nya,,sa pag sasama po namin nag kaanak po kami ng 2,,1993 iyong lalaki at ang bunso eh 1998 po,,patuloy po kaming nag sama,, from 1993 wala na po siyang trabaho hanggang makaiisip na lang ako mag negosyo,,katulong ko lang po siya sa  negosyo,,till dumating po ang time na sobra na siya sa pananakit hinampas po niya ako sa likod ng itak mabuti na alng po do iyon talimpalapad po ang pagpalo nya,pinakita ko po sa nanay nya,at kinausap po sya, don po ako nag disisyon mag abroad muli,, at lumapit po ako sa isang tao ,na handa po ako tulunga para makalayo na sa kanya,ito po ay taon 2001,, nakaalis naman ko,, sa sawing palad po nahuli po ako at pake daw po ang papaeles ko,, kya po bumalik ako ng pinas,, tinawag ko po sya at nag pasundo ako dito sa asawa ko,nasa sasakyan pa lang po sinasaktan na nya ako,tinutukan niya ako ng baril till makarating kmi sa bahay namin don sa lugar nila sa probinsya ang bahay pong ito ay kami 2 ang nagpatayo,,ang lupa po ay mana na nya sa magulng nya,,bogbog sarado po ako,,at wasak ang mukha ko,magang maga po ito ,till tinawagan nya ang mga magulang ko dito sa manila at pina sundo nya ko,,sinundo ako ng magulang ko at dinala sa ospital,, ang dahilan nya may lalaki daw po ako,, oo umamin na lang po ako ,,dahil  ang sabi nya di kita sasaktan umamin ka lang atdi ka masasaktan mali po pala isang tanong isang sagot sampal, suntok, palo ng baril,tiniis ko pong lahat ang sakit,tiii dumating na mga magulng ko,naospital po ako ng 3 weeks,, after a month nagpunta sya dito sabahay at nagmamakaawa na patawarin ko na sya,, talagang ayaw ko na po makisama,,kinausap lang po ako ng anak ko panganay na nigyan ko pa sya ng isa pang pagkakataon,dahil nakakaawa daw po ang mga kapatid nya, ayun nga po nag sama uli kami alang alang sa mga anak ko, then 2002 inaya nya po akong magpakasal kami sa manila sa civil,, nakasal naman po kami,then feb 2003 nakaalis po sya patungo ibang bansa,till 2008 ng nov, nag papadala po sya pang tuition ng mga bat 20 t,,mag kakasya po ba ito private po pumasok mga bata,kaya po ako din po ang nagpupuno sa kakulanga,umalis po siya di papumapasok ang bunso namin ng magkita silang mag ama grade 5 na sya at top student, till mag gradueate sya ng elementary na valedictoruian,,,ang masakit po nito nag file sya ng noil n void ang kasal namin non 2009 april,dahil sa may kinasama syang matandang babae non sya ay nasa ibang bansa at ito lahat ang gumagastos sa pag file ng annulment,,non time po atty, nag file sya ng kaso wala po ako sa pinas sumubok po uli ako mag abroad at nakaalis naman po ako sept2008, wala po ako dito nag hehearing na po sila,, ng dahl sa kso na yan napiltan po ako umuwi, naka uwi po ako ng2009 oct po,nagkita at nag usap kami,, sabi nya for formality lang daw po ito para makabalik sya muli sa ibang bansa dahil magpapakasal sila ng m,atanda iyong kinasama nya non,ang masama pa po atyy. patuloy po kaming nagsasama dito sa bahay ko,,on going ang kaso,,at ng dumating po ako di po nya ako pinayagan umattend ng hearring dahil tatagal daw po ang pag didisisyon,at mula po ng umwi ako, ,ako na po lahat ng gumagasto sa bahay, tuition lang kanya,,sabi ko nga po sa kanya papasok ba ang bata ngdi kumakain,at wala baon,laht po talaga ako na inasahan nya,, katwirayn nya wala syang trabaho,sbi ko nga po di ka baldado para di ka magtrabaho,lagi at lagi kaming nag aaway,till last april 23 po umuwi sa kanila sa probinsya,,bumalik sia ng mar 28,,nagtalo kami dahil wala man lang syang pasalubong sa mga bata,hangang kug san san na nauwi an amin pag tatalo,, at umalis syang muli mar 29 ,, ni ha ,ni ho wala man lang di man lang nya kamikinukumusta,, tilnag desisyon po ako puntahan ang korte,, at kasama ko bunso ko ,, don ko po napag alaman na didisisyunan na po pala ang kaso at pimag aaralan na ng judge , kaya nag pakilala napo no pa ako po iyon asawa,, eh bakit daw po s ko sinagot sbi ko wala ako sa pinas,,puro po kasinungalinga sinabi nya sa cross examination nya,kumuha po ako ng transcript,at ito pinanghahawakan ko,,atty, ano po dpat ko gawin,oo kasalanan ko lang po ay iyon una ko kasal ng1980,, at nagpakasal uli ng 2002,at atty wala ponakalagay ang support sa mga bata,,wala na po ba kaming humingi ng suporta,at kinausap ko din po ang atty nya,, at sinabiko po ang tooo ngyayari,bale last wed po iyon ng puntahan ko ang atty, nya,atty tulunga po nyo ako,anopo ang dapat kung gawin kasi po baka panigan ng korte sya at alam ko po noil n void kasal namin tangap ko iyon eh panopo mga anak ko ako lang poba talaga magsasakripisyo,alam kopo magpapakasal sya s amatanda na iyon,,gusto ko po humingi ng damages at support iyon lang po kailanga ko,,,dahil hirap na din po ako sa mga gastusin,, at saka may karapatan pa po ba mga anak ko sa mga lupa at bahay sa probinsya,, iyon minana niya sa magulang nya,,hope atty matulunga nyo ako,,,maraming salamat po,, waitko po sagot nyo,, god bless you,,,,

Leave a Reply

Your email address will not be published.