Kasal-kasalan?

Dear Atty. Acosta,

Gusto ko lang po sanang malaman sa aking pagsasalaysay kung valid po ba o hindi ang aming kasal. Taong 2002, month of October ay nagpakasal kami ng aking asawa sa edad kong 24 at siya ay 18 years old, sa isang lungsod ng probinsya na walang consent ang aking mga magulang sa naganap na kasal. Maliban sa kanyang magulang, kinasal kami ng mayor ng lungsod ngunit natapos ang aming kasal na hindi kami kumuha ng marriage license at kahit umatend ng ano mang seminar. Bukod pa roon, sa nabanggit na silid ng mayor ay hindi kami nagtungo dahil ang biyenan kong babae lamang po ang pumasok sa silid. Ilang minuto lamang po ang paghihintay namin ay lumabas agad ang aking biyenan at sinabing kasal na kami at may lagda na ni mayor ang aming form. Kahit anino at basbas ni mayor ay hindi po namin natamo. Wala pong formal na requirement ang naitakda na basta na lang po kami ikinasal.

Taong 2008 ay madalas ang aming pagtatalo hanggang sa nauwi sa hiwalayan. Bagamat noong May, 2008 ay nag-file kami para kumuha ng Marriage Certificate sa NSO ngunit wala kaming nakuha dahil wala sa record ang aming kasal. Kahit na kami ay hiwalay na ay pinaayos ko pa din po sa asawa ko ang aming kasal at hanggang sa nakakuha kami ng marriage license. Mula Sept 2002 – Oct 2002 at hanggang December ay 4 months pa lang po ang tinakbo ng pagkakaayos ng aming kasal.

May girlfriend po ako ngayon at nagbabalak kaming magpakasal. Nais ko pong malaman kung valid ba o hindi ang aming kasal.

Miguel

Dear Miguel,

Hindi malinaw sa iyong pagsasalaysay kung papaano napaayos ng iyong asawa ang inyong kasal na sinasabi mong apat na buwan pa lamang ang nakakalipas. Kung ang ginawa ng iyong asawa para ito ay maayos ay ang pagpaparehistro nito sa tanggapan ng “Local Civil Registrar”, sang-ayon sa iyong paglalahad, ang iyong kasal sa iyong asawa ay walang bisa o hindi balido. Ito ay sapagkat walang seremonya ng kasal na naganap, kung saan kayong dalawa ay nanumpa at nagsabing tinatanggap ninyo ang isa’t isa bilang mag-asawa sa harap ng “Mayor” na dapat ay magkakasal sa inyo. Isa pa, sinabi mo rin sa iyong pagsasalaysay na wala kayong “Marriage License” noong mga panahon na iyon.

Ang mga bagay na nabanggit ay kabilang sa mga importanteng sangkap para sa isang mabisa at balidong kasalan. Ayon sa batas, kailangang mayroong “Marriage License” ang dalawang taong magpapakasal bago maganap ang kasalan, kung sila ay wala nito, ang kanilang kasal ay walang bisa. (Article 3 (2), Family Code)

Ganun pa man, ang “Marriage License” ay hindi na kailangan kung ang isa sa magpapakasal ay nasa bingit na ng kamatayan (Article 27, Family Code) o ang isa sa kanila ay nakatira sa isang liblib o malayong lugar at walang pamamaraan ng transportasyon para makapunta sa pinakamalapit na opisina ng “Local Civil Registrar” (Article 28, Family Code) o sila ay nagsasama na bilang mag-asawa ng hindi bababa sa limang taon bago pa ikasal, subalit kailangang walang legal na hadlang para sila magpakasal sa loob ng kanilang pagsasama. (Article 34, Family Code)

Gayundin, kung walang seremonyang magaganap na kung saan magdedeklara ang dalawang ikakasal na tinatanggap nila ang isa’t-isa bilang mag-asawa sa harap ng taong may kapangyarihan o otorisadong magkasal at sinaksihan ng dalawa o higit pang mga testigo, ang kasal ay wala ding bisa. (Article 3 (3), Family Code).

Ganun pa man, kung ang iyong kasal ay nakarehistro na sa tanggapan ng “Local Civil Registrar”, wala kang kapangyarihan para ideklara o sabihing walang bisa ang iyong kasal, tanging ang korte lamang ang may kakayahang gawin ito. Kung ikaw ay nagbabalak na magpakasal muli, kakailanganin mo munang maghain ng petisyon sa korte para ideklarang walang bisa ang iyong kasal. Kung hindi mo ito gagawin, mawawalan ng saysay ang muli mong pagpapakasal sapagkat ito ay walang bisa. Sinasabi ng batas na maaaring gamitin bilang basehan ng pagpapakasal muli ng isang taong may nauna nang kasal kung sinabi o pinag-utos ng hukuman na ito ay walang bisa. (Article 40, Family Code).

Shooting Range

Atorni First
By Atorni Acosta

Related Post

loading...

3 thoughts on “Kasal-kasalan?

  1. magandang araw po Atty. Acosta…itatanung ko lng po sana kung ang naging kasal namin ng aking naging asawa..kasi po nung 2001 kinasal kami sa bahay nila wala po kaming nilakad na mga documents para sa aming kasal tulad po ng mga pag attend ng mga seminar para sa ikakasal at wala din po kaming kinuhang marriage lincense at ung pung pirma ng magulang ko ako lang po ang pumirma kasi po walang umattend sa pamilya ko nung time na ikakasal na kami sana po mabigyan nyo ng pansin ang aking katanungan naguguluhan na po kasi ako kumuha po ako ng atty. para maifile ang annualment namin ng dati kong asawa nagpakasal po kami nung 2001-2006 naghiwalay po kami sa kadahilanang nasa ibang bansa po ako ng mga panahon na iyun … nagbuhay binata po sya tapos nagsasama pa ng gf nya sa bahay nmin sinasama din nya po ang anak nmin sa lakad nila kaya nagpasya po akong makipaghiwalay na lang sa kanya na sinanghayunan naman po nya..ngayon po nung makakuha po ako ng atty. pinakilala po sya nung kapit bahay namin sa amin ngayon po tinanung nya ko kung magkanu kakayanain kong ibabayad sabi ko po 100 thousand lang po kaya ko.Sumang ayon naman po sya nung naibigay ko na po ung kabayaran bago nya daw po ifile kailangan kong dagdagan ang kabayaran kung di ko daw po dadagdagan hitayin ko na lng kung kelan sya magkakapera para maifile nya ang kaso ko.(.kasi po sinabi po nung kapitbahay ko na syang napakilala sa amin.) Nalaman daw po nya na nasa amerika pala ang kapatid mo bat di ka humingi ng tulong sa kanya sabi ko wala naman pong kinalaman ang kapatid ko dito di ko na po kakayanin na dagdaganan ang 100k nagalit po sya bahala ka sige maghinatay ka na lang kung kelan ko maipafile ito sabi nya po sa akin nung huli kaming makapag usap..dapat ko po bang dagdagan yung kabayaran para mo maiprocess na ang kaso ko?

  2. Dear Atty Acosta,

    I have a boy friend right now and he is married in church. But nag hiwalay na sila ng wife Nya Kasi isa itong lesbian’ at sumama na sa ibang babae.

    They got married 2010 a church wedding but they never process the marriage certificate “it was never register as they separated 2 months after the wedding. he tried to call NSO to ask for cenomar at nakakuha sya. That’s means he is single? 

    We arie planning to get married and I wanna know if church certificate are valid? 
    Or should he under go annualment? Pls enlighten me! 
    I really need your help! 

    Sincerely,
    Bean 

  3. Maam Atorni Acosta…gusto ko lang po itanung kung magkano po aabuting gastusin para sa pawalan sala ang kasal namin…at saka po matagal na rin po kami hindi nagsasama ng misis ko so totally po siya na rin po nagsabi sa akin wala na kami..ang kinaguguluhan ko po ngayon eh gusto ko man magasawa muli kaya lang kasal p rin kami…pano kung maam hindi po sapat ang pera ko para idaan sa korte para lang mawala yun bisa para sa kasal namin sana po makapagreply kayo ng message sa email ko sana matulungan nyo po ako salamat po and god bless po…

Leave a Reply

Your email address will not be published.