Karapatan ng Ama sa Ilehitimong Anak

 

Dear Atty. Acosta,

MAY NAANAKANG 19 anyos ang aking anak. Sa ngayon ay ayaw pa ng anak ko na pakasalan siya. Ang anak ko ay isang seaman at mula nang mabuntis niya ang nasabing babae ay nagsimula na siyang magbigay ng sustento rito. Hanggang manganak ang babae ay ang anak ko pa rin ang sumagot sa gastos at lahat ng pangangailangan ng mag-ina ay kanyang ibinibigay. Nakapirma sa birth certificate ng bata ang anak ko bilang ama nito. Sa ngayon ay nakasakay sa barko ang aking anak at naiwan sa amin ang kanyang mag-ina, subalit sila ay umalis sa aming poder at bumalik sa kanyang magulang. Ano po ba ang karapatan ng anak ko sa kanyang anak kahit hindi siya kasal sa nanay ng bata? Ano ang dapat naming gawin para protektahan ito?

Edna

 

Dear Edna,         

ANG PAGPIRMA ng iyong anak sa Birth Certificate ng bata ay nagpapakita na ito ay kanyang kinikilala bilang isang anak at maaaring magamit ang apelyido ng ama ng bata. Dahil dito, ang bata ay mayroong karapatang humingi ng suporta sa kanya. Ang pagkilala ring ito ang nagbibigay ng obligasyon sa iyong anak na bigyan ng suporta ang bata alinsunod sa probisyon ng Article 194 at 195 ng Family Code of the Philippines.

Sapagkat hindi kasal ang iyong anak at ang ina ng bata, ang bata ay isang ilehitimong anak. Sa ganitong pagkakataon, sinasaad ng Family Code na ang pagtataglay ng parental authority sa bata ay nasa kanyang ina lamang. (Article 176, Family Code of the Philippines) Kung kaya ang kustodiya o ang pagkukupkop at pag-aalaga sa bata ay mapupunta sa kanyang ina. Ganu’n pa man, hindi ito nangangahulugang walang karapatan sa bata ang iyong anak. Siya ay may karapatang bisitahin ito sa oras at araw na napagkasunduan o itinakda ng korte. Ang karapatang ito ay napapaloob sa sinasaad ng Saligang Batas patungkol sa institusyon ng pamilya na kung saan kinikilala ang likas at natural na karapatan ng mga magulang sa kanilang mga anak. Sa kabila ng hindi pagkakasundo o pagkawala ng matamis na pagtitinginan ng kanilang mga magulang, ang ugnayan at pagmamahalan ng anak at magulang ay hindi nagbabago. Kung kaya hindi maaaring tanggalin ito ng batas o ng hukuman, maliban na lamang kung mayroong mabigat na kadahilanan na makakasama sa paglaki o kapakanan ng bata. (Joey D. Briones vs. Maricel P. Miguel, G.R. No. 156343, October 18, 2004, 440 SCRA 455)

Sa ngayon ay hindi ninyo maaaring ipilit sa ina ng bata ang karapatang ito sapagkat tanging ang iyong anak lamang ang may karapatang gawin ito. Sa sandaling siya ay bumalik na rito sa Pilipinas, maaari niyang dalawin ang kanyang anak at kung ito ay ipagkakait sa kanya, maaari siyang dumulog sa korte para mabigyan siya ng pagkakataong makita ang kanyang anak.

Nawa ay naliwanagan kayo sa aming pagtugon sa inyong mga katanungan.

 

Halinang manood ng “PUBLIC ATORNI: ASUNTO O AREGLO” tuwing LUNES, 9:20 pm sa AksyonTV. 

 

 

Atorni First
By Atty. Persida Acosta

Related Post

31 thoughts on “Karapatan ng Ama sa Ilehitimong Anak

  1. Dear Maam,

    Ako po si cheng taga mindanao cagayan de ro city.MAy kapatid kc akong lalaki ngyun naanakan nya ung gf nya,Nung una ok pa sila .NUng nanganak ung babae pumnta ng bohol at dun bininyagan ang bata kaso hindi nkaapelyido sa kapatid ko.Mga ilang buwang nkalipas d na nagkaintindihan tong kaptod ko at ung babae,naghiwalay sila.NAlaman nlng ng kapatid may iba itong lalaki.MAam Ang gusto kulang malaman kung may karaptan kami sa bata .kasi alam namin below 7 yo.nasa poder tlga yan ng ina kaso nasa knya nga peru andun sa bohol sa mga kamag anak nya.NGyun nalaman namin buntis n xa sa ibang lalaki.at ikakasal sya dun.ang gusto nmin malaman kung pede b naming kunin ung bata kahit below 7yo.kahit hindi sila kasal ng kaptid ko?willing namn po kaming gumasto sa bata sa pag papaaral.

    Salamat po
    God bless

  2. Paano naman po ung sakaso ng kapatid kong lalaki ayaw sia pabisatahin ng babae para makita ang 3 anak nila.nagkaroon noon ng kasunduan sa piskalya na magbibigay ang kapatid ko ng 12k sa mga bata kada buwan.nakakapagbigay naman nung una ang kapatid kung lalaki ayon sa napagkasundunan pero nung nawalan ng trabaho ang kapatid ko 4k na lang binibigay ayaw tangapin ng babae at hindi na pinakita ng tuluyan ang mga bata sa kapatid ko.basehan ba ang pagbibigay ng maliit na susutento para hindi na ipakita ang mga bata paano kung wala naman kakayahan ang kapatid ko maibigay ang ganung kalaking pera.dhil sa ngayon sa construction na lang sia nagtatrabaho.sana ay masagot po ninyo.

  3. Nais ko lang pong maliwanagan. yung kapatid ko nagasawa ng seaman tapos nagkaanak sila ng 2 isa pong 6yrs old at isa pong turning 3 this year.. kasal po sila pero ung una lang anak tanggap nya nung una, di nya sinuportahan ung 2 since manganak kapatid ko sa pangalawa.. a year saka nya tinanggap bata so 1year+ walang suporta bata saka nung nagkasakit ung bunso humingi ng tulong sa paospital tapos sagot nya sa kapatid sa poder mo nagkasakit ikaw gumastos sa pagamot nya.. di po nagbigay kahit konti.. di ba po abandonment na yun.. tapos last year pag uwe nya sa ph nagkasundo sila na maghati sa gastos sa mga bata.. pero after 2 months ng sustento nabawasan sa napagkasunduan… ibabalik lang daw pag sustento pag nasunod na fr. friday to sunday bata sa kanila.. so di po nasunod kasi may class ung panganay natigil na din sustento.. minsan meron pero panggatas lang tapos wala na panggatos sa daily..

    tapos last din po namatay erpat ng mister ng kapatid ko.. humingi ng panggatas kapatid ko pero di nagbigay kasi namatayan daw sila.. tama po ba yun pag namatayan di na kakain mga bata..

    tapos by january this year nag balik barko sya..

    Simula jan. – april walang sustento tapos may may padalang 2k … tapos this month na lang ulit ung 2k… kaya po napilitan sis ko na magabroad para matugunan pangangailangan ng bata.. biglang uwe ng asawa nya gustong bawiin custody sa amin.. may karapatan po ba xa kunin ung mga bata after sa mga ginawa nya? kasi sya daw nandito kaya sya may karapatan?

  4. Magtatanong lng po kc po hiwalay n po kmi ng dati kong asawa at ung aking anak ay nasa kanyang pangangalaga at mayroon n po kming napagkasunduan sa barangay na puede kong makuha ang aking anak 3x sa isang buwan pero ito po ay nasusunod at nasabi din po dun sa kasunduan na magbibigay po me ng suporta kapag nakukuha ko ang aking anak kaso minsan ay di po ipinahiram po sa akin ang aking anak at dun po d rin pa ako nagsuporta dahil d ko nga po nakuha anak ko puede po nya akong kasuhan agad at anu nmn po ung magagawa ko kung di nmn cia tumutupad sa pinagkasunduan sa barangay.

  5. Good morning po
    Hingi po ako payo.Naghiwalay kami ng asawa dahil nahuli ko sya lumalandi sa isang lalaki sa messenger at ilan beses na nya ginawa yun po.Pinatawad ko sya dahil ayaw ko masira pamilya ko..pero itong huli sobra na kaya nakipaghiwalay na ako po nasa kanya ang bata kasi yun ang batas wala pa kasi 7yrs old ang dalawa kung anak.
    Ngaun nalaman ko umalis sya sa bahay namin sa tarlac at nagtrabaho sa manila daw yun sabi nya sa mga taga dun sa kanila sa tarlac..iniwan nya mga anak namin sa ina nya at sa kinakasama nito..pag gusto ko makausap ayaw nila ipakausap sa kin mga anak ko…pwede ko ba makuha kustudiya ng dalawa kung anak sa ina at kinakasama ng ina nya…kasi hindi naman pala yung dati kung asawa ang nag aalaga sa mga anak ko..iniwan nya para magtrabaho at pinaalaga lang din niya …pwede ko ba kunin mga bata hindi ba ako lalabag sa republic act. 9262….ano pwede kung gawin sana mtulungan nyo ako at mapayuhan para sa tamang gagawin ko gusto ko na makasama anak ko

  6. Hi po,gusto ko lang pong malaman kung may karapatan po ba akong manghingi ng sustento na dapat sa mga anak ko sa kanilang ama kahit ito ay may asawa na at kasal pa?

  7. Dear atty. Acosta

    Ako po ay bata po 14 yrs old tanong ko lg po kong pwede po ba na kahit na sa side na ako ng mama ko pwede pa rin po ba mg bigay ang papa ko ng sustento kahit na lumayas ako na hndi nagpaalam sa kanya? Gsto ko lg ksi mg ka ayos side ni mama chaka papa e ksi puro away. Slmat po.

  8. mam, may kapatid poh ako na babae, nabuntisan poh siya ng bf niya, ngayong pag ka lowal poh ng bata ang pumirma poh sa birth certificate po ay ang aking ama, dala nia poh aplyedo namin, tanong ko pohmay habol ba sa sustento ang kapatid ko sa lalaking nakabuntis sa kanya?

  9. Dear Atty.Acosta

    Good morning po,nagpapasalamat po ako na nakita ko po tong website na to.

    ako po ay kasal nagkaroon po ng dalawang anak na babae(10) at lalaki(13).nag abroad po yung asawa ko at ako po ay nagasawa ng iba.admit ko po na kasalanan ko ang nangyari ngayun ayaw po niya akong patawarin kasi nga nag kaanak po ako sa ibang lalaki.gusto ko po makasama mga anak ko.bago po pala sa nag abroad nagkaroon po siya ng babae that time hindi pa po kami kasal at nagkaanak po sila,naka apelyedo po sa kanya.

    pinag usapan namin sa barangay for security sa anak kung babae bawal siya matulog dun sa tinirhan ko ,pero yung lalki pwede pumunta sa akin anytime.every day off ko sinusundo ko anak ko para makasama lamang,yung mga biyenan ko ayaw nila na hinahatid ko ng mga 9:00 pm ng gabi nagagalit humantong sa time na tinatakot nila ako pa kulong daw ako,wala naman kaming napag usapan na oras para ihatid yung bata.basta maihatid ko yung batang babae at hindi matulog doon sa bahay na tinutuluyan ko kung saan kasama ko yong lalaki na kung saan naanakan ako.

    Masakit po sa akin na kung di ko day off dko makasama anak ko,pwede po ba na isang buwan sa kanila at sa akin din,or mamili yung mga bata?

    Sana Atty.mpayuan mo ako kung ano dapat gawin!

    GOB BLESS YOU PO!

  10. Good day atty. Acosta,

    Magtatanong lang sana ako at hihingi ng advise:
    May Karapatan ba akong habulin ang aking anak sa ibang babae? ako po ay may asawa at kasal…subalit nagkaroon akong relasyon sa ibang babae at nagkaroon ng isang anak na babae subalit ibang lalaki ang ginamit na apelyido pero nakakasiguro akong anak ko yon at umiiwas lang sya sa kahihiyankasi po sya ay dalaga…ano po bang dapat kong gawin kung idadaan ko to sa legal..Hinihingi kong ipa dna suabalit nalng subalit ayaw nila… sa ngayon 2 years oldna ang bata…..Humihingi po ako sainyong ng mga legal advise…
    Salamat po

    ed

  11. Magandang gbi po..anu po ba pwede kong gwin para makasama ko ang anak ko na nilalyo sakin ng aking kinakasama..hindi po kmi kasal…oumayo mo sila dhil nag away po kmi..ano po ggwin ko para khit papano mksama at mkita ko po ang aking anak..

  12. Hello po atorni.meron po akong pamangkin na lalaki,dati syang may kinakasama at meron silang dalawang anak na below 8 years old.nagkahiwalay npo cla at may kinakasama na yung babae at may anak narin xa sa bago nyang kinakasama yung pamangkin ko single parin.ang problema po ginagamit ng babae ang mga bata laban sa tatay at pmilya.sobrang hirap po pakiusapan n mahiram ang mga bata.nagbibigay nmn ng pera pmankin ko kda sweldo.naawa po ako ay sa mga bata sobra apektado sa pagdadamot ng nanay nila na ipahiram cla sa papa nila.madalas xa umiiyak lalo n s school at mga teacher ang gumagawa ng paraan n mabisita xa ng papa nya.minsan nsa sasakyan n cla ng papa at mga bta biglang pabababain ng nanay mga bta khit magiyakan p clng lhat s sama ng loob.wala clng mggwa kundi bumalik s loob ng bhay.kwawa mga bta at lgi sinasabi sa mga teacher miss n miss n nila papa nila.parusa s buong side ng papa nila at lalo n s mga bata ang gingwa ng mama nila dahil alm daw nya ang krapatan nya.dba po my krptan din papa nila?ano po b dpat gawin

  13. Good day po atty.
    May kinksama po ako may 1 anak kmi n lalaki at ako po ay buntis. pero di po kmi kasal.nahuli ko po kse sya na may kalandian sa chat at balak pa nila mgkita. Ano po b ang karapstan ko bilng nanay ng ank nya sa mga gingawang kalokohan ng aking kinakasama?

  14. Magandang araw po, hndi po kasal magulang k0 at naghwalay sila .2years old plang po ako hndi ko na nkita ama ko ngayon 24 na ako may karapatan pa po b ako maghabol sa ama ko.,kahit pinanghahawakan ko lang po ay baptismal na anak nya ko.. epilyedo po kce ng ama ko ang baptismal ko at ang birthcertificate ko po sa mama ko .late register po ako eh. Nagkata0n po hwlay cla kaya walang pipirma na ama kya epilydo ng mama ko po gamit ko.

  15. Hi Atty Acosta,

    Mapapasakin ba ang aking anak, kung nakipaghiwalay ako dahil sa kalokohan ng ina sa abroad?..

    Nasa Pinas po kami ng tatlong taon ko baby, nakakavisit po kami ng mahabang araw kung saan yung ina ni baby nagwowork. Isang besea po ng pagbisita nmin, napag alamn ko po na gumawa sya ng kataksilan (meron po ako matibay n ibidensya).. Mahal na mahal ko po anak ko, meron po ba ako laban n mapasakin siya?

    Salamat ng marami atty. Umaasa po ako sa inyong matibay na payo.

    Regards,
    John.S.

  16. Atty. Paano po kung pilit inilalayo ng ina ang bata dahil sa kabila ng pagsusustento namin ay pilit itong nagtratrabaho sa isang KTV, at ayaw ipahiram man lang ang bata sa aking anak.
    Nakapirma ang anak ko sa BC. Ng bata.
    Ano po ba dapat naming gawin. Sana po ay matulungan nyo kami.
    Lubos na gumagalang,
    Carlota B. Valera

  17. Paano po kung yung babae ay hindi nagsasabi tungkol sa family background niya o wala pong alam ung lalake kung nasaan at kung anung pamilya meron yung babae, mapupunta po kaya sa lalaki yung anak nila?

  18. Need help po kailangan ba talaga kami ang oobliga sa aming amang nagkasakit? Kasal sila ng mama ko peru hiwalay na sila sa loob ng 24 years sa kadahilanan sa pananakit nya sa mama ko at pinili nya ang bagong live in nya at ibang anak sa ibang babae… ni piso hindi kami sinusuportahan ng papa ko financial at iba pa yung tipong walang pakialam samin… mama ko lang nagpalaki sa Amin 4 Kami lahat…. at yung kapatid ng papa ko Alam lahat at malaking insulto sa mama ko kasi gusto nila ang bagong pamilya ng papa ko
    Peru this 2017 gusto nila kami mag alaga dahil ama daw namin parang unfair naman po kailangan ko lang ng help if pwede ba kaming humindi?? Wala naman po kaming ma trabho Para sa mga gamot nya… Hindi q lng gusto ang mga sinasabi ng ante ko parang kami pa ang mali… thanks po sa makakasagot sakin

  19. Anak ko babae legal edad nag karon nang anak sa lalaking may asawa kasal , piro hindi sila nag sama may karapatan po ba na suportahan ama ang bata at pwedi ba na kasuhan ang anak ko dahil nag karon cya nang anak sa lalaki na may asawa

  20. Helo po gus mrning,wnt q lng po e ask yung problema ng kaibgan ko ,ksal po xia pero nka apelyido po s knya ang knyang anak,ngayon Po d po sya bnbgyan ng krapatan n bisitahin ang knyang anak,anu po gagawin nya.tnx po

  21. Dear atty. Acosta,

    Goodmorning po.. ako po si Regielyn,19 yrs. OLd.. ang anak ko po ay 5buwan na ngayong araw na to.. tanung ko Lng po kung pede ko po bang hindian ang asawa ko sa paghiram ng anak ko.. hiwaLay po kasi kame at mayron na syang gf.. naging siLa po nung pinagtabuyan sya ng tatay ko nung naLamang piniLit Lng ako kaya ako nabuntis.. madaming beses na pong may nangyayari samen ngunit sa pagkakataong ngkita kami ay ayokong may mangyari samen dahiL magta-trabaho na po ako. SimuLa po nung pinagtabuyan sya samen Lahat po ng bisyo ginawa nya.. at sinisisi nya po yon sa amin.. waLa po sya sa tabi ko’t waLang suporta habang nagbubuntis ako.. nung nanganak po ako sya po yung tnawagan ng kptid ko. Pumunta nman po siLa ng pmiLya nya.. siLa po nagbayad ng Lahat ng bayarin sa Lying-in.. pang apat na araw pagkapanganak ko po sumama po ako sa bahay niLa kasama ang baby nmin.. dun ko po ndiskubre na nagkagf pLa hbang buntis ako.. tas pnapiLi ko po sya kung kame o yung gf nya.. ang sabi nya yung baby ko Lng daw. Sinuyo ko po’t binaba ang sriLi ko para bumaLik sya saken para po mkumpLeto pamiLya namin ngunit ayaw nya na po tLaga.. ang desisyon ko po. DaLawin nLng nya ang anak nmin ngunit hindi na pedeng iuwe sa bahay niLa dhiL dun narin ntutuLog ang babae nya.. pakituLungan nman po ako sa mga desisyon ko.. saLamat po and godbLess..

  22. E paano naman po kung.. nagsusustento po naman kami.. subalit aayaw pong pahiram ang bata sa ama.. , para ipasyal o alagaan man lamang sa maghapon..

  23. hi atty.ittanong ko lang po kinuha po kc ng tatay ng anak ko ang aming anak ako po e ksalukuyang nsa ibang bansa upang magtrabho para sa aking anak.dahil hindi naman ito kayaag sustentuhan ng kanyang ama nitong may2 nbalitaan kopo na kinuha at itanago ng ama nito ang aking anak anu po bang krptan ko at dpat kong gwin

  24. dear atty. acosta

    meron po akong isang anak na babae 3yro at kasal sa asawa, ng kamiy nag kahiwalay, ako po ay kanyang dinedemanda na walang sinusuporta sa bata pero meron po akong sinusuporta pero kulang sa hinihingi niyang P10,000 libo buwan buwan, pero minsan din po wala ako maibigay dahil bakante po ako sa trabaho isa lng po ako constraction worker. tapos hindi niya po sinusunod ang mga kasunduan sa MSWDO na kada weekend sakin po ang bata. at kung anu anu pa po ang kanyang mga inaakusa sa akin.. anu po ba pwedi kong gawin..?? sana po matulungan nio ako ..

    1. Dear , Atto. Acosta

      May naakan po yung pinsan ko 18 years old po sya yun po naanakan nya may boyfriend po tapos nakapamanhikan na po kame okay na nman po napag usapan kaya lang po nung nalaman po ng boyfriend nya binabawe po sya e yung babae naman po pumayag tapos papanagutan nya daw po yung magiging baby kahit hinde kanya tapos nung lumabas na po ang bata sa kanila po ini apelido tapos ngayon po nalaki na yung bata parang di na po nila inaaruga nung boyfriend kase po nakikita nya hinde nya talagang anak tapos ngayon po nag kakausap na po ulit ung pinsan ko at yung babae papano po kaya magkameron ng karapatan yung pinsan ko ? Thankyou po

  25. anu po ang dapat ko gawin nag asawa po ako hindi kami kasal pero inuwi nya ako sa kanya mga magulang ng 17 years old at sa edad na 18 nag silang ako ng batang lalaki.pag kalipas ng isang taon umalis ang ama ng anak ko para magtrabaho sa netherland.lumakad po ang mga araw bwan at taon na hindi umuuwi sa dahilan na wala pa daw siya ligal na papel dun.sept.2003 po nagbday ang anak ko at october 2003 pa po umalis 10 taon na po mula nuon hindi namin siya nakita pati na rin ng anak ko.nag antay po ako sa pangako na babalik at magpapakasalan pero umasa lang po ako sa wala.hindi naman po niya ako kami ng anak ko pinabayaan dahil nasa poder kami ng anak ko ng 9 years.pero nung nagbago ang ugali ng biyanan ko bumukod na kami ng anak ko dahil may mga bagay na hindi namin pagkasunduan nagcclos sa pera at sa maraming bagay napagod po ako.ngayun po na umalis kmi ay tinipid ako ng ama ng anak ko sa private po nag aaral at umuupa na kami ng bahay binibigyan nya ako ng 7k inilatag ko nmn po sa kanya lahat ng pangangailangan ng anak nya hindi nya maunawaan.anu po ba ang dapat ko gawin?

  26. Hi po,ikukunsulta ko lamang po ang kaso ng kapatid ko. Hiwalay n po cya ng ka-live-in nya,may anak po sila,my kso po n domestic violence ung lalake dhl mnsan n nya cnktan ang kptd ko.sa ngaun po hiwalay sila,Apelyido ng lalake ang gamit ng bata at d maikakaila n d nya ito ank dhl mgkmukha sila.Wlng work ung lalake at naasa s suporta ng mgulng n ns ibng bansa preho.My karapatan bng humingi ng sustento ang bata sa grnd prents nya?Hindi po nmin pnpygn n kunin nya ang bata o ipasyl,pede nmn po dlawin s bhy,nttkot po kc km n bk hnd n iblik ang bata o ky ay sktan.pede po b nl ksuhan ang kptd ko dhl hnd nya ipinhihiram ang bata?

  27. my asawa po ako n una at hindi nagsuporta s amin ng anak ko po.at ngaun po my kinasama po ako ng 6yrs. at nagkaanak po kmi ng 2 at nung malaman nya po n kasal ako s una hiniwalayan nya po ako at nais ko po sana humingi ng sustento mula s ama ng 2 bata.ano po b ang dapat kong gawin at my karapatan po ba ako na humingi ng sustento para sa mga bata.ano po ba ang dapat kong gawin.salamat po.

    1. Magandang hapon po.. Itatanong ko lng po sana kung pwede ko po ba gamitin ang surname ng aking live in partner sa as ng mgiging anak kahit po sya ay namatay na po.. Buntis po kc ako at ang akin pong live in partner ay namatay po dahil sa aksidente. Nung sya po ay mabubuhay pa ang kan apilyedo po ang nais nyang ipagamit.. Sana po ay masagot nyo po ang aking katanungan. Maraming salamat po

Leave a Reply

Your email address will not be published.

This site uses Akismet to reduce spam. Learn how your comment data is processed.