Ka-live-in ni Matt Evans, anak ni Coca Nicolas!

MARAMI KAMING nabasa sa mga comments sa isang entertainment website na sa unang tingin daw nila ay kamukha ni Angel Locsin ang ka-live in ni Matt Evans na si Jhonelline Hickins. ‘Yun din ang obserbasyon namin.

At nitong nakaraang Lunes, kung saan nagkaroon ng inquest proceedings sa Pasig Prosecutor’s Office, nagpakita naman ang dating sexy star na si Coca Nicolas. ‘Yun pala, anak niya itong si Jhonelline.

Hindi na kami magtataka kung isang araw ay mabalitaan na lang nating pumasok na sa showbiz itong si Jhonelline, dahil nasa dugo na nito ang pag-aartista. Sikat na sexy star dati ang kanyang ina.

 

ISA NA namang karangalan ang iniuwi ng Pinoy Filmaker na si Direk Adolf, Alix. Jr. dahil ang kanyang pelikulang Kalayaan (Wildlife) ay pinarangalang Best Asian Film sa 28th Warsaw Film Festival (October 12-21), sa Warsaw, Poland. Iginawad ang parangal nito kahapon, October 20 sa Multikino Cinema.

Ayon pa sa balitang ipinaabot through e-mail ni Direk Adolf sa amin last Sunday, October 21, ibinigay raw ng NETPAC (Network for the Promotion of Asian Cinema) Jury members Alberto Elena, a professor/critic from Spain, Jongsuk Thomas Nam, Artistic Director of the Puchon Fantastic Film Festival of Korea and Janusz Wróblewski, critic from Poland ang nasabing award sa ‘Kalayaan’ sa halos 250 pelikulang naglaban-laban.

Pinili raw ng jury ang kanyang pelikula dahil sa, “Director’s impressive vision of a dark journey into the bottom of human soul accompanied with outstanding cinematography along with brilliant depictive by its leading actor Ananda Everingham.”

Wala namang pagsidlan ang sayang naramdaman ni Direk Alix. Aniya, “I am very happy for this recognition for the film. When I decided to develop the film six years ago, I know it was a risk that will be worth taking. The soldiers’ lives on the island deserves to be shared on screen so people will understand their dilemma. So these rewards are like a pat on the back. It was also a good birthday present as I was in Poland during my birthday to present the film in a screening.”

Ang Kalayaan ay tumatalakay sa mga buhay ng mga Pilipinong sundalo na naka-destino sa Spratly Islands (Kalayaan). Bida sa pelikula sina Thai superstar Ananda Everingham of “Shutter”, Zanjoe Marudo, Luis Alandy at Rocky Salumbides.

Una itong ipinalabas last July sa Director’s Showcase section ng Cinemalaya Independent Film Festival 2012.

Nagwagi ito sa Cinemalaya ng tatlong awards – Best Production Design, Cinematography at Sound.

Ang Warsaw Film Festival ay isa sa thirteen (13) prestigious festivals na accredited ng FIAPF kasama na ang Cannes, Venice, Berlin at iba pa.

DALAWANG PELIKULA na ang pagtatampukan ng ating superstar na si Nora Aunor ngayong 2012 Metro Manila Film Festival dahil pumasok na sa official entries ng MMFF ang Thy Womb na siyang ipinalit sa nag-back out na ‘Mga Kuwento ni Lola Basyang’ ng Unitel Pictures.

Pormal nang inanunsiyo ng Metro Manila Development Authority (MMDA) through Chairman Francis Tolentino na pasok na nga ang Thy Womb sa official entries sa darating na filmfest.

Tatlo ang pinagpilian ng MMFF Committee na hahalili sa ‘Mga Kuwento ni Lola Basyang,’ at ito ay ang Tuhog ng Star Cinema, My Prince Charming ni Direk Adolf Alix, Jr. at Thy Womb ni Nora Aunor at Brilliante Mendoza.

Hindi raw matatapos sa nakatakdang oras ang Tuhog at My Prince Charming kaya raw pinaboran ng MMFF Special Committee ang Thy Womb na humakot na ng parangal sa Venice at iba pang international film festival. Pasok din ang pelikula sa Asia Pacific Screen Awards ng Australia.

Nagpadala naman ng mensahe si Direk Brilliante Mendoza sa amin through text at aniya, “I’m happy that I finally made it at MMFF after several try.

“I’m glad I’m given a chance to share my film with the Filipino audience during the most celebrated time of the year, the Christmas season.

“It’s also very timely that our fellow Christian Pinoy can have a peek of Muslim culture especially now that the government is exerting all efforts to give peace a chance in Mindanao.”
Sure na ‘to
By Arniel Serato

loading...

2 thoughts on “Ka-live-in ni Matt Evans, anak ni Coca Nicolas!

  1. Nu’ng una ay tinanggihan ng MMFF ang Thy Womb. Ngayon ay dalawa pa pala ang magiging entries ni Nora Aunor. Congratulation and good luck.

Leave a Reply

Your email address will not be published.