JPE, may special treatment ‘pag nakulong

INIHAYAG NI Sen. Antonio Trillanes IV na dahil na rin katandaan, hindi umano maaaring ilagay sa ordinaryong piitan si Senate Minority Leader Juan Ponce Enrile.

“I would like to believe that Senator Enrile by virtue of his advance age, hindi ‘yan pwede ilagay sa ordinaryong detention facility. He’s a 90-year-old man,” pahayag ni Trillanes.

Ayon sa senador, may pangangailangan umano ang mga “very” senior citizens na hindi kayang ibigay sa mga ordinaryong kulungan kaya’t hindi dapat makulong doon si Enrile.

“May needs ang mga very senior citizens na hindi mapo-provide sa ordinaryong detention facility. Alam n’yo napakainit d’yan, lalo na nga¬yong summer,” ayon pa sa mambabatas.

“P’wedeng ilagay sa detention facility na merong nursing care, na p’wedeng mag-attend sa kanyang medical needs,” pagdidiin pa ni Trillanes.

“Dapat may considerations tayo regarding the physical conditions of Senator Enrile, if it comes to that,” dagdag pa ng senador.

Pero nasa desisyon na umano ng Sandiganbayan kung dapat bigyan ng “special treatment” si JPE.

(PARAZZI REPORTORIAL TEAM)

loading...

Leave a Reply

Your email address will not be published.