Jennylyn Mercado at Luis Manzano, nanganganib mag-break!

BAKIT PARANG lumala na itong isyu ng hiwalayan nina Paolo Contis at Lian Paz?

Ang latest na nabalitaan ko, nanganganib na mag-break sina Jennylyn Mercado at Luis Manzano dahil sa pagkadawit ng aktres kay Paolo.

Parang OA naman yata kung totoo nga ‘yun.

Una, wala naman talagang kinalaman si Jennylyn sa isyu ng mag-asawa kaya hindi na sana pinalaki ‘yan.

Ang dinig ko nga, kinausap daw ni Luis si Lian para alamin ang tungkol diyan. Itinanggi naman ni Lian ‘yun dahil wala naman talagang isyu riyan kay Jennylyn.

Unfair naman na dinamay pa ito sa problema ng mag-asawa.

Nakausap ko si Paolo nu’ng Sabado, at marami siyang kinuwento sa akin at naniwala naman ako sa mga sinabi niya.

Wala si Jennylyn sa pinag-usapan namin kaya tapusin na ‘yan, ‘no!

Sana magkaayos na nga sila ni Luis dahil ang cheap naman kung mag-break nga sila dahil lang diyan.

Kaya nga siguro hindi na sumipot si Jennylyn sa presscon ng Belo Medical Grouo ni Dra. Vicki Belo dahil iniiwasan na lang niyang sagutin ang isyung ‘yan.

Hay, naku! Pinapalala lang ang mga ganu’ng ka-cheapang isyu.

Pagdating naman kina Paolo at Lian, ang dinig ko, hindi pa sila nag-uusap at ewan ko kung maayos pa ‘yan.

Patuloy naman daw ang suportang binibigay ni Paolo sa dalawang anak nila, kaya okay na muna ‘yun.

Sa totoo lang, hindi ko nga alam kung saan naka-tira ‘yang alaga kong ‘yan. Hinahayaan na muna na-ming mag-isa siya. Mabuting ayusin daw muna niya ang pinagdadaanan niyang problema.

ANG ISA pang dapat tapusin ay itong isyu ni Bea Binene na baka umabot na nga sa demandahan.

Pinag-iisipan daw nilang sampahan ng reklamo si Atty. Ferdie Topacio sa pangingialam daw nito sa isyung kinasangkutan ng young actress sa radio DJ na si Papa Dan.

Parang pilit na sinisiksik daw ni Atty. Topacio ang sarili niya para makialam sa isyu nina Bea at Papa Dan.

Isinampa ang kasong Child Abuse sa CIDG na hindi naman tinanggap dahil walang pirma ni Bea.

Ngayon, kumalat na ang isyu at hindi na makontrol. Gusto lang naman daw nilang protektahan si Bea dahil menor de edad pa ito.

Kaya gusto na raw nilang kasuhan si Atty. Topacio.

Sa totoo lang, gustung-gusto nga ni Atty. Topacio na kasuhan siya, para lumaki lalo ito.

Sabi nga niya, ituloy daw ang pagdemanda para lumabas ang buong katotohanan.

Ayan! Lalo n’yo siya tuloy na pinapaingay. Type na type ‘yan ni Atty. Topacio.

Kaya sana, quiet lang alang-alang sa katahimikan ni Bea.

Mga Mata ni Lolita
by Lolit Solis

Previous articleErich Gonzales, ang suwerte kay Mario Maurer
Next articleKC Concepcion, nahanap na ang true love sa French suitor?!

No posts to display