JAMES REID
Real Name: Robert James Reid
Birth Date: May 11, 1993
Zodiac Sign: Taurus
Symbol: The Bull
Ruling Planet: Venus
Quality: Fixed
Element: Earth
Basic Trait: I Have
Closest Metal: Copper
Lucky Day: Friday
NADINE LUSTRE
Real Name: Nadine Alexis Paguia Lustre
Birth Date: October 31, 1993
Zodiac Sign: Scorpio
Symbol: The Scorpion
Ruling Planet: Pluto
Quality: Fixed
Element: Water
Basic Trait: I Desire
Closest Metal: Plutonium
Lucky Day: Tuesday
AMININ NA natin – isang malaking question mark sa moviegoers ang lead stars ng Diary ng Panget. Ito ang bagong pelikula mula sa Viva Films na hango sa best-selling teen novel series na sinulat ni HaveYouSeenThisGirl sa Wattapad. Maraming teenagers ang kinilig sa love story nina Cross at Eya, na gagampanan sa big screen ng Viva talents na sina James Reid at Nadine Lustre.
Sa totoo lang, hindi na maituturing na newbies sa showbiz ang dalawang bagets. Si James Reid ang Grand Winner sa Pinoy Big Brother Teen Edition III (kung saan din nanggaling sina Kim Chiu at Ejay Falcon). Imbes na karirin ang pagiging teen star, mas pinili nitong mag-concentrate sa music. Si Nadine Lustre naman ay miyembro ng teen singing group na Pop Girls. Lumabas din ito sa ilang programa ng TV5. Ka-join din sa cast ng pelikula sina Andre Paras at Yassi Pressman.
Bonggang pressure ang nadarama nina James at Nadine, pero may potential ang dalawa lalo na kung ang trailer ng pelikula ang pag-uusapan. Maaaring kuyugin sila ng loyal KathNiel fans ng Kapamilya network dahil malaki ang pagkakahawig nila, ‘huh!
Hindi kami sure kung taken na ba in real life sina James at Nadine, but what if they’re both single and ready to mingle? May chance din kaya tulad ng mga karakter na kanilang ginagampanan sa pelikula?
Malakas ang attraction sa pagitan ng Taurus at Scorpio. Sa katunayan nga, ito ang isa sa pinaka-intelihenteng pagsasama sa zodiac. Parehong may pagka-possessive ang dalawa, pero mas madaling magselos ang Scorpio. Mas demanding pagdating sa emotional attachment at intimacy ang Scorpio, na maaari nilang pag-awayan ng Taurus.
Isa rin sa negative traits na similar sa kanila ay ang pagiging mainitin ang ulo. Hirap ang dalawa na i-express ang kanilang nararamdaman kaya ang kadalasan na ending ay pagsabog. Boom! Kailangan nilang matutunang mag-open up sa isa’t isa. Open communication and understanding ang kailangan ng dalawa para maiwasan ang mga problema. Ayaw rin nila na sinasakal sila kaya nararapat lang na may ‘space’ sila kahit paano.
Para tumalab at tumagal ang pagsasamang ito, kailangang magsanib-puwersa ang dalawa para gumana ang kanilang tambalan. Dahil karamihan sa kanilang common traits ay ang ‘negative’, hindi pa rin maa-assure ng mga bituin na happily ever after ang ending nito. Minsan nga, kahit ang simpleng paglalandi sa iba ay puwede na nilang pag-awayan. Ma-overcome lang nila ito, puwedeng-puwede na!
Well, may pagkakahawig pala sa love story nina Cross at Eya kung sakaling karirin nina James at Nadine ang pag-ibig, eh! May potential, pero karir muna ang atupagin, ha? Rare sa showbiz na mabigyan ng teen movie ang mga wala pang napapatunayan sa TV ratings. Chance n’yo na ‘yan kaya karirin na muna ang trabaho bago pag-ibig!
Pares-Pares
By Madam Damin
