Itinanggi ang pagpunta sa simbahan sa Taal Luis Manzano, wala pa raw planong magpakasal

NATAWA SI Luis Manzano nang mausisa namin ang tungkol sa napapabalitang plano na ni-lang pakasal ni Jennylyn Mercado.  Ikinagulat daw niya ito pati ‘yong tsismis na nagpunta siya sa office doon sa Basilica of St. Martin de Tours sa Taal, Batangas para mag-inquire ng tungkol sa pagpapa-book ng wedding.

“Siguro kamukha ko lang,” ana’ng actor-TV host. “No’ng nabasa ko nga ‘yon, sabi ko… sino ‘yon? Kung kamukha ko man siya, ang suwerteng nilalang no’n!” pabiro pang nasabi ng aktor.

“Wala kahit anong katotohanan behind it. Nothing at all talaga. Ni hindi ko ma-explain. Hindi ko alam kung papano ipapaliwanag kasi ang labo, e. There’s nothing behind it.

“So, ewan ko. Siguro kamukha ko lang ‘yong sinasabing nakita nila roon. Iyon lang ang only explanation na naiisip ko… kamukha.”

Hindi pa rin daw nila napag-uusapan ni Jennylyn ang pagpapakasal. But if ever, will he consider na sa Batangas nga ito gana-pin?

“Oo naman. Batangas is very close to my family. Do’n nga ikinasal din si Mommy.”

Sa  Lipa Cathedral noon ikinasal sina Batangas Governor Vilma Santos at Senator Ralph Recto. Sila naman ni Jennylyn, posible nga raw na sa Basilica of St. Martin de Tours sa Taal gaya ng nagiging usap-usapan lately.

Bukod kasi sa tourist attraction ito sa Batangas, makasaysayan din ang nasabing simbahan which is said to be the largest in the church in the Philippines, and second largest in Asia. Matatandaang dito rin ikinasal noon sina Ogie Alcasid at ang first wife nito na si Michelle Van Eimeren.

“Long long way to go. Hindi pa talaga. But, well in any relationship naman, you’re hoping na it’s the end product. You work on it for keeps. Pero long way to go pa nga. Very very long way.”

LAST SUNDAY (April 22) ang birthday ni Regine Velasquez. Nagkaroon siya ng celebration sa Party Pilipinas. Kasunod nito ay isang simpleng salu-salo sa bahay nina ni Ogie Alcasid kasama ang kanilang pamilya.

“Birthday wish ko? Pumayat ako!” natawanag sabi sa amin ni Regine, “‘yon lang. Wala na akong ibang wish. Ibinigay na lahat sa akin. Wish ko na lang, pumayat ako.

“Uhm… right now, I just started ano, e… I just started ‘yong aking diet. Kasi nga, five months na si Nathan so nagda-diet na ako nang konti. Before itong nag-diet ako, I’m breastfeeding… fulltime. Eh, ngayon, five months na siya. So nagsu-solid food na. Tapos meron na siyang supplements so, puwede na. Konti-konti.”

Does it mean, babalik na siya sa pagiging active sa kanyang career soon?

“As mush as possible sana, ayokong bumalik muna na medyo hindi pa ako comfortable sa sarili kong skin. So, ayoko naman na kapag lumalabas ako ng TV, parang nai-insecure ako. Parang masyadong mabagal! I will work hard first to lose all the weight that I’ve gain during my pregnancy. Tapos hopefully, mabilis lang. Siyempre I have to take time, kasi I carried the baby for nine months. Hindi naman gano’n kadali iyon.

“At saka siyempre, hindi na rin ako gano’n kabata. Matanda na rin. So, I have to be a little more patient with my body and with myself. Sana people will be patient with me also,” nasabi pa ng Songbird.

Rubbing Elbows
by Ruben Marasigan

Previous articleCharacter actor Leon Miguel, proud Pinoy actor sa Tribeca Filmfest sa New York!
Next articleBea Alonzo, makikipagpukpukan na rin sa pagpapa-sexy!

No posts to display