Ipundar na Ari-Arian, Hinahabol ng Live-In Partner

Dear Atty.  Acosta,

NAIS KO lang po itanong kung kanino po ba mapupunta ang kotseng naipundar ko. Kasi po ay naghahabol ang dati kong live-in partner. Siya po ay matagal nang hiwalay sa kanyang asawa nang kami ay magkakilala. Wala po siyang trabaho at sa bahay lamang po siya palagi. Sa akin po lahat nanggagaling ang perang ginagastos namin sa pang araw-araw. Ano po ba ang karapatan niya sa kotse?

Gregorio

 

Dear Gregorio,

IPINAPALAGAY NG batas na ang ari-ariang naipundar sa panahon ng pagsasama ng dalawang tao bilang mag-asawa kahit hindi naman sila kasal ay pag-aari nilang dalawa. Subalit ang bahagi o parte sa ari-ariang ito ng isa’t isa ay nakabase o nakadepende sa isang kundisyon noong sila ay nagsasama pa. Ito ay kung sila ba ay maaaring magpakasal sa loob ng kanilang pagsasama nang walang legal na hadlang.

Ayon sa batas, kung walang legal na hadlang sa pagpapa-kasal ang dalawang taong magka-live-in, ang kanilang relasyon patungkol sa mga ari-ariang naipundar ninuman sa kanila ay itinuturing na pag-aaari nilang dalawa, kahit na walang naiambag o naibigay ang isa sa kanila para maipundar ito (Article 147 Family Code of the Philippines). Sa kabilang banda naman, kung mayroong legal na hadlang sa kanilang pagpapakasal habang sila ay nagsasama, itinuturing ng batas na eksklusibong pag-aari ng sinumang nagbigay ng halaga o gumugol sa pagbili o pagpundar ng ari-arian. Kung pareho nila itong naipundar, ang hatian ay nakadepende sa halaga ng naiambag nilang dalawa para mabili o mapundar ito (Article 148 Family Code of the Philippines).

Kaugnay nito, ang kotseng hinahabol ng dati mong ka-live in ay mapupunta sa iyo. Ito ay sapagkat ikaw lamang ang mag-isang nagtaguyod ng pambili o nagpundar  nito. Isa pa, siya ay kasal na sa ibang lalaki kung kaya hindi kayo maaaring magpakasal noong kayo ay nagsasama pa, dahil dito ang kaparte ninuman sa inyo ay nakabase sa halaga ng inyong naibigay para mabili ang nasabing sasakyan.

Nawa ay naliwanagan ka sa opinyong ito.

 

Halinang manood ng “PUBLIC ATORNI: ASUNTO O AREGLO” tuwing LUNES, 9:20 pm sa AksyonTV.   

Atorni First
By Atty. Persida Acosta

loading...

One thought on “Ipundar na Ari-Arian, Hinahabol ng Live-In Partner

  1. Good day po,ask ko lng po kong maari ba akong mawalan ng karapatan sa lupa ng boyfriend ko na tinayuan ko ng bahay ngunit may kasulatan kmi sa abogado at notaryado ito bago ako nagtayo ng bahay nagkasundo kami na nakasaad na both parties are paying the lot bali kami dalawa amg ngbabayad ng lupa at kami rin dalawa ang gumastos na pagpapatayo ng bahay,ngunit ang inaalala ko ay ang lupa na hinuhulugan ay isang association at siya lang ang member dito in short pangalan niya nakalagay at hindi sa akin dhil ang lupang ito ay urban poor at relocation ito sa lugar kong saan sila na dimolist,pero pagka dimolist kami ay ngsama at kami dalawa ang ngbabayad sa lupa at ang mga recibo ay nakapangalan sa aming dalawa ,pero nakapangalan niya ang lupa palatandaan na siya lamang ang member sa relocation at hindi ako kasali, at sa bahay naman na ipinatayo ko tinago ko lahat ng recibo ng nagastos ko.pls i need your advice attorney…nag alala ako masyado kc twing mag away kami ng bf ko sinasabi niya na ipa dimolist niya ang bahay kc nakapangalan naman daw sa kanya ang lupa.pwede po ba akong mawalan ng karapatan sa lupa kahit na nakapangalan sa kanya pero may mga recibo ako na kmi dalawa ngbabayad at may affidavit kami dito??

Leave a Reply

Your email address will not be published.