Ipinagluluto pa raw ng Korean dish si P-Noy Grace Lee, nagbababad sa Malacañang?!

ANG DAMI kong nasagap na tsismis pero wala namang may nagkumpirma, ha? Ayaw pa kasi nilang magsalita tungkol dito dahil medyo delikado ang isyu.

Isa na rito ang ‘yung sinasabing sexy actress na nagdadalang-tao raw. Pinakiusapan kasi akong huwag munang sabihin kung sino ito, kaya abangan n’yo na lang sa Startalk.

Obviously Kapuso artist ito dahil sa amin magpapa-interview, eh. Pero parang gusto na raw nitong sexy actress na magpahinga na muna kaya gusto naman niya itong pagbubuntis niya.

Inaayos na raw ang pag-alis na niya sa drama series na sinasalihan nito at ia-announce nila sa Startalk.

Ang kuwentong nakarating sa amin, ‘yung male singer na matagal nang nali-link kay sexy actress ang ama nang ipinagbubuntis nito.

Tinawagan nga ng Startalk reporter namin ang manager nitong male singer, nagulat siya dahil hindi naman daw niya alam.

Mas nagwu-worry nga raw siya sa kalagayan ng sexy actress dahil may career pa naman ito at siyempre siya ang babae. Wala naman daw mawawala sa alaga niyang singer dahil lalaki naman daw ito. Kaya mas concern pa nila ang sa sexy actress.

Medyo emotional nga raw itong sexy actress dahil sa kalagayan niya ngayon. Iyakin pa naman ito, kaya malamang na crayola ever kung matutuloy ang interview sa kanya ng Startalk. Abangan n’yo na lang!

NARINIG KO ring madalas na raw ngayon sa Bahay Pangarap ng Malacañang si Grace Lee?

Pagkatapos daw nitong mag-resign sa radio program niya, madalas daw ito sa Bahay Pangarap at nagbabasa raw ng libro? Mahilig kasi sila ni Pres. Noynoy Aquino magbasa, at sila nga ang magkasamang bumibili ng libro.

Ang tsika pang nakarating sa akin, nagluluto pa raw roon si Grace ng Korean dish dahil mahilig diyan si P-Noy.

Kung totoo nga ‘yan, mukhang sila na nga.

Ayaw na rin ni P-Noy na pag-usapan pa ang tungkol kay Grace, at ganu’n din ang huli. Kapag nai-interview si Grace, nakikiusap na raw itong wala nang P-Noy questions. Gusto na niyang manahimik na lang, kaya nga si Kris Aquino ay hindi na rin nagkukomento dahil may something special na nga sigurong namamagitan.

Magkakaalaman din naman ‘yan, eh. Siguro naghahanap lang sila ng tamang panahon, aamin din ang mga ‘yan.

SHOWING NA pala ang The Witness na produced ng isang Indonesian production na kung saan partnership ito sa GMA Films. Lead actress dito si Gwen Zamora kasama ang kilalang Indonesian actor.

Nauna munang mag-showing dito sa atin, at bandang last week of April sa Indonesia naman, kaya pupunta roon si Gwen para mag-promote din.

Ang balita pa, may kasunod na pelikula pa raw na pagsasamahan ng GMA Films at ng Skylar Productions ng Indonesia.

Ang susunod daw nilang gagawin ay si Rhian Ramos naman ang makakasama. Kaya tuluy-tuloy na raw ang mga projects na ipa-partner nila sa Indonesia.

Mga Mata ni Lolita
by Lolit Solis

Previous articleChristian Bautista, aminadong in love!
Next articleAgot Isidro, nakatikim ng masakit na salita sa twitter!

No posts to display