Hulog sa housing loan, may refund?

Dear Atty. Acosta,

NAIS KO LAMANG pong magtanong kung puwede ko pang makuha iyong naihulog ko bilang equity sa pina-cancel kong housing loan. Nakawalong (8) buwan na po ako sa paghuhulog pero dahil sa financial problems ay minabuti ko nang ikansela kaysa mahirapan ako sa mga darating na panahon. Ang problema po, ang sabi ng developer ay hindi na raw maaaring maibalik sa akin iyong ibinayad ko na equity. Doon sa mga papeles na pinirmahan ko ay wala namang nakasaad na hindi maibabalik sa akin ang binayad ko kung sakaling aking ikansela ang pagbili. Subalit ayaw ng deve-loper na pagbigyan ang request ko para sa refund. Meron po ba tayong batas para rito? –Noel

 

Mahal kong Noel,

MAY BATAS NA tumutugon sa suliranin ng mga mamimili ng lupa at bahay o “real estate” sa pamamagitan ng “installment payment” o hulugan laban sa mga “developer” o nagtitinda ng lupa at bahay. Ang Republic Act No. 6552 (Realty Installment Buyer Protection Act) o mas kilala sa tawag na “The Maceda Law” ay isinabatas upang protektahan ang mga mamimiling  hindi nakapagbayad sa takdang oras laban sa mga hindi makataong kondisyon na inilalagay ng mga “developer” sa mga kontrata ng pagbili ng lupa at bahay.

Ayon sa Section 3 ng  R. A. 6552, kung ang mamimili ng lupa at bahay ay nakapagbayad na ng hindi bababa sa dalawang taon na “installments,” subalit hindi nakatupad sa pagbabayad ng mga sumunod na “installments” at ang kontrata ng bilihan ay nakansela, ang  mamimili ay may karapatan na makuha sa “developer” ang “cash surrender value” na nagkakahalaga ng 50% ng kabuuang hulog ng mamimili at karagdagang 5% kung nakapagbayad na ng lagpas 5 taon na “installments” ngunit hindi sosobra sa 90% ng kabuuang hulog ang maaaring maibalik sa mamimili.

Ayon sa iyong liham, ikaw ay nakapagbayad ng equity at 8 buwang hulog sa iyong housing loan. Samakatuwid, ang Section 3 ng R.A. 6552 ay hindi maaaring magamit bilang basehan upang ikaw ay makahingi sa “developer” ng refund sa kabuuang hulog mo.

Gayunpaman, ang Section 4 ng nasabing batas ay nagbibigay ng karapatan sa mamimili ng lupa at bahay  na nakapaghulog lamang ng hindi lalampas sa dalawang  taon na makapagbayad ng hulog na hindi pa nabayaran sa loob ng hindi hihigit sa 60 araw mula ng araw na dapat ay magbayad na. Ito ay ang “grace period.” Ito lamang ang karapatan ng isang mamimili na nakapaghulog ng hindi lalampas sa 2 taon at walang refund na nabanggit sa batas.

Maliban pa rito, wala kang nabanggit sa iyong liham kung may pagkakataon na ikaw ay hindi nakapaghulog sa iyong housing loan upang masakop ng R.A. 6552.

Sa isang banda, kung ang kontrata na inyong nilagdaan ng “developer” ay nagbibigay sa iyo ng karapatan na ikansela ang kontrata sa anumang dahilan o mag-“rescind,” maaaring may makuha kang refund ayon sa Article 1385 ng New Civil Code na nagsasaad na ang “rescission” ay nagbubunga ng obligasyon na ibalik ang mga bagay na sangkot sa kontrata pati na ang mga bunga at presyo o halaga nito kasama ang interes, subalit ang “rescission”  ay mangyayari lamang kung ang nanghihingi ng “rescission” ay may kakayahang ibalik ang nararapat niyang ibalik.

Sa pagkakataong wala sa inyong kontrata ang nasabing karapatan na magkansela o i-“rescind” ang  kontrata, ayon sa Article 1191 ng New Civil Code, ang pag-“rescind” ng kontrata ay nakapaloob sa “reciprocal obligations” kung ang isang partido sa kontrata ay hindi ginawa ang kanyang obligasyon. Ang kontratang pagbenta ng lupa at bahay ay isang halimbawa ng “reciprocal obligations.” Samakatuwid, noong ikaw ay pumasok sa kontratang housing loan, alam mong ikaw ay may obligasyon na magbayad ng karampatang buwanang hulog sa “developer.” Ang nasabing obligasyon ay hindi mo maaaring ipagsawalang-bahala sapagkat ang “developer” ay maaaring magtamo ng danyos sakaling hindi mo gagawin ang iyong obligasyon. Ayon pa sa Article 1191, ang partidong nagtamo ng danyos ang maaaring mag-“rescind” dahil sa tinamo niyang danyos at hindi ang partido na nagdulot ng danyos. Sa iyong kaso, ikaw ang kusang loob na humiling na ang kontrata ng housing loan ay makansela sapagkat ikaw ay nakakaranas ng “financial problems.” Ayon sa ating batas, ang nasabing dahilan ay hindi maituturing na legal na dahilan upang ikaw ay payagan na mag-“rescind” ng kontrata at mabigyan ng refund sapagkat walang nilalabag na obligasyon ang “developer.” Iba ang magiging sitwasyon kung ang dahilan ng pag-“rescind” ay dahil sa hindi pagsunod ng mga kondisyon ng “developer” sa kontrata.

Let us watch Atty. Persida Acosta at “PUBLIC ATORNI”, a reality mediation show every Thursday after Aksyon Journalismo at TV 5.

Atorni First
By Atorni Acosta

loading...

28 thoughts on “Hulog sa housing loan, may refund?

  1. Good day po. Ask ko lang po kung may ma retefund pa ba ako. Almost 3 1/2 years npo ako naghuhulog sa housing loan namin. Dahil sa financial problem ay hindi ko po siya matutuloy. Nagpunta po ako sa pag ibig ang sabi sa akin ay wala nko ma retefund.

  2. Good day po Atty. , nais ko lamang po malaman kung pwede ko pa pong ma refund ang 10k na pina reserved ko po sa condo na in avail po namen ng asawa ko, October 20, 2017 po nung sinabihan kami ng broker na magbigay na daw po kami ng 10k, since need na po namen ng may matitirhan ay agad po kami agad nag bigay ng 10k at sabi December 2017 ay makakalipat na kame, pero dumating po ang December at sinabi na 1st quarter daw po ng 2018, nagdaan po ang 2nd quarter hanggang ngayon po ay wala man lang po silang update pag ako po ang nag aupdate sabi tatawagan nalang daw po pero ako padin lagi ang nagpa follow up, nitong last February 2019 po nag request nalang po na pwede i refund nalang po yung 10k na binayad ko, kasi parang binigay ko lang sa kanila yung pera tapos wala naman silang ginagawa, tapos nag pagawa sila sakin ng letter for refund at email ko daw sa kanila, mga 2months po nag follow up wala padin daw yung refund, sabi ko naman po baka pwede inhouse nalang habang nag aantay sa pag ibig .. willing naman kami magbayad agad so pumayag naman po sila, pero wala padin po hanggang ngayon sabi i refund ko nalang uli yung pera kasi wala namang nangyayari. bigla pong sasabihin na forfeited na daw eh wala naman po silang ginagawa halos po ako ang nag pa follow up ni update po wala akong na received sa kanila. nais ko lamang po huminge ng adviced. salamat po ng madami. Jayson Asis

  3. Hai po gusto kolang sa ang mag pa advise Kong ano dapat Kong gawin. Kumuha po ako nang bahay sa Lancaster profriends. Ang nangyare po kc naka pag hulog napo ako nang 6months to pay po pero d pa po ako na aprobahan nang banko po, at na in house po ako so 3 months d po ako naka hulog ulit kc lumaki po nang lumaki ung bayaran ko kaya gusto ko po sa ang e cancelled ung bahay, kaso no refund napo ung pinag down ko at iba paying reservation fee ano pweding gawin?? Mababawi ko pa po ba pera ko??

    • Magandang araw po,
      Kumuha po ako ng lupa sa malapit sa lugar nmin 200 sqr meter 3,300 per sqr meter pinag down nya po ako ng 20% sa total price. Nag down po ako ng 210k tapos meron po binigay sa aking contrata na hulugan ko po raw ng 2 taon. Doon po sa dalawang taon hindi po ako nakahulog gusto ko na po sanang mag back out meron po ba akong makukuha sa binigay kong 210k? Ano po bang magandang gawin ko mam? Sana po matulungan nyo po ako sa aking problema.. Maraming maraming salamat po

  4. Hello po Atty. Acosta.
    Hihingi po sana ako ng tulong at legal na payo tungkol po sa aking problema.
    Kumuha po ako ng bahay sa Profriends. Ito po ay 2 years to pay lang na nagkakahalaga ng 2.4M. Samakatuwid 100k po per month. Nakakapitong hulog na po ako nung December. Pero po January at February hindi na ako nakapaghulog dahil po sa pinansyal na problema ng aking asawa. Wala na po kaming kakayahang hulugan ang bahay kaya po humihingi po ako saknila ng refund sa 725k na perang naihulog ko na. Maaari po ba nilang maibalik saakin ng buo ito? Ako po ay iniwasan na ng aking agent 3 buwan pag tapos ko magsimulang maghulog at ayaw po niya akong samahan sa trip for visit the site. Samakatuwid hindi pa po namin nakikita o nalalaman kung nsaan po ang mismong bahay na aming hinulugan. At hindi po nila saakin pinahawak ang kontrata ko basta na lang nilang pinapirmahan saakin lahat ng hindi ko nababasa. Sapagkat buong akala ko ay isosoli din nila iro agad saakin. Sana po ay malinawan ako sa isyung ito. Pinaghirapan po kasi ng asawa ko ang pera na yun at napakalaki pong halaga para saakin na mahirap lang. Salamat po.

    • Sis ako rin gusto ko narin sana e refund ung pera ko kc pinancial problema at may hindi po ako naiintidihan kaya gusto ko na Sana e cancelled ung unit kaso d rin nila binibigay ang kahilingan Kong ma bawi ulit yung 90k na na e down payment ko sa 6 months.

  5. hi po bandang hapon may tanong lng po ako ano po ba mgandang gwin ka take out lng po ng house ko nong sept nag start po ako ng payment nong oct ngaun po nag ka problema po ako aswa ko po nagkskit may anak kami at ako na kumakyod ngaun po 50/50 po nhihrpan ako kasi kulang na kinkita ko tpus ako lng lhat ang bhay ko ndi ko bnbyran mag 4months na sa pag ibig nong 2018 lng po ba take po na take out ngugulohan na po ako ano mganda gwin ayuko po sna bitwan ang bhay ko kasi yon lng inaashan ko na mdadatnan ko pag uwi pero sa gnitong sitwasyon nhihrpan po ako mamimli mawawla po ba ang bhay ko?

  6. Hi po attorney puwede b kami makahingi ng tulong sa inyo tungkol po sa problema ng subd. Meadowood executive residence sa bacoor cavite n marami ng galit dahil kami po ay nasa abroad d po namin alam ang buong pangyayari, pero sa problema po nmin sa subd. N to parang may lokohan po nagaganap ,d po namin alam kung saan kami hihingi ng saklolo para masecured yung binayad po nmin almost 5 years n po kami naghuhulog at nasa 4m plus n po naihulog namin kinakabahan po ako n baka isang araw eh bigla nlang po mawala yung developer ng subd. Anu po b mga documents n puwede nmin panghawakan para kami ay secure at anu ano po b hihingin namin documents para mayroon kaming laban once naglaho n po and developer ,marami n pong end of contract n bayad n until now walang title at contador ng electric and water paano po puwede gawin ng mga residente ng meadowood executive residence paki advice po maramiing salamat po

  7. gud day po mam atty.ako po ay kumuha ng bahay sa cavite sa isang subdivision.nag bayad n po ako ng reservation fee n 20,000 po.at babayaran nlng po ung equity.may extra po akong pera kaya binayaran kon po ang full equity po nung bahay.kaya ang approval nlng ng bangko ang hinihintay kopo para sa amortization.pero po ay nag karoon po ng problema sa amin.at kailangan po ng malaking halaga dahil sa financial problems sa aming pamilya ay ndi ko po maitutuloy ang pagbayad sa bahay kung ito man ay ma aprobahn ng bangko.tanung ko lng po mam atty.pwede ko bang ma refund ang equity n aking naibayad sa knila posa developer po mam.salamat po

  8. Good mrning attorney..magtatanung kang nakabili poh kami ng house and lot sa isang subdivation actually second owner na poh ako..nabayaran ko na pog ang buong amount..tanung ko lang poh pwede poh ba I pullout ang house and lot…

  9. gud day po mam atty.ako po ay kumuha ng bahay sa cavite sa isang subdivision.nag bayad n po ako ng reservation fee n 20,000 po.at babayaran nlng po ung equity.may extra po akong pera kaya binayaran kon po ang full equity po nung bahay.kaya ang approval nlng ng bangko ang hinihintay kopo para sa amortization.pero po ay nag karoon po ng problema sa amin.at kailangan po ng malaking halaga dahil sa financial problems sa aming pamilya ay ndi ko po maitutuloy ang pagbayad sa bahay kung ito man ay ma aprobahn ng bangko.tanung ko lng po mam atty.pwede ko bang ma refund ang equity n aking naibayad sa knila posa developer po mam.salamat po

  10. Nais ko Lamang po magtanong kumuha po kc ang momi ko ng bahay sa cale batangas ang offce po ay sa uae ofw po sya .. Ang bangyare po atty .. Sbe po ng agent resevation mna bago tripping nagbgay ang mommy ko ng reservation thern after 2minths nagtripping kmi nkita namen un lugar wla pang nakato na bahay kahit modeling house base sa contract tuturniver samen after 1yr .. Ng naka1yr napo nagask ang momi ko ang sbe 6months padw po naginsist ako sa momi ko na pntahan para mtgnan 1yr and 4months pumunta ko sa bahay na bnbli nya . Wla pa po nauumpisahan kht isa at ang sbe ng guard ilang taon pa ang aabutin bago mallipatan kaht magawa mn ang mga bahay kc wlang linya ng tu ig ilaw sa lugar na yun kc po lupang lupa pa , icinancel ng momi ko ang bahay naka 1yr and6months payment kmi na nagkakahalaga ng 266 thousand pesos at nd snbe ng agent smen na pag nadelay ng payment may penalty nagulat nalang kmi ng nadelay ng 1month my penalty n . Hndi nainform smen na ganon … Gsto namen marefund ang pera ayaw pmyag ng agent at ng mangement ang sbe nla itupoy nalang dw at syang ayaw na po namen ituloy dhl tmagal lang hndi natupad at nagkada gipit gipit kmi ng dahl sa hulog na dumating sa punto na ipnangungutabg lang para mhukugan para maturnover agad tapos ganon lang nangyare hnhnaoan kmi ng dhlan bket kailngan ikancel nagsend ako ng mga documents na hstory ng panganganak kobthis may2018 at hstory ng sakit bg kapatid ko.hndi dw sapat .. Ano po.pwede gwn ayaw po kmi balikan sa bnyad namen khit piso . Salamat po Izza

  11. Hello po paano po b ma refund ung hinulog sa pagibig housing 2months nlng po tpos na ung down payment tpos hindi pa po pweding tirahan un po ung kinaiinis ko ofw po ako at ang ginamit pong pag ibig ung sa bayaw ko po aswa po nang ate ko ngunit tnangal nlng po xa agad agad s traho e pera ko po ung hinulog sa bahay at pag ibig nang bayaw ko nkatira lng po p cla s baraks at nung tinanggal po xa s work nya eh force po clng pinaalis s baraks gusto ko pong manyari ung hinulugan kung bhay eh dun n po sana cla lumipat kaso po hindi pa po pweding tirahan after 3months pa daw po eh wlng wla po clng pera ngaun umaasa lng po cla s padala ko pra sa anak kya ko po naicpan e refund nlng ung hinulog kc kesa maboarding pa po sayang eh nman po bkit hindi pa pwedi tirahan 3 po anak ate ko at isa po ank k sna po matulungan nyo po ako. Slmat po

  12. Hello po Isa po akong ofw. hingi po ako tulong sainyo sa Hindi ma ka taong pag kansela nang aming kontrata sa kinuha ko pong bahay. Developer deca homes. Brgy Santiago gen trias cavite. Sa kadahilan Hindi po ako naka hulog dinatnan po kami nang notice.. cancellation of contract at ngayon po notice to vacate at one week lang po Ang palugid nila sa Amin na lahat po nang dumating na notice ay Hindi po sya notarial at Ang nag serve po sa Amin ay staff lang po nang deca homes developer 2yrs 10 months na po kami nag huhulog nang ammortization at dahil narin po sapag dating nang ma nga problema sa sunod sunod na pag kakasakit nang aking ma nga anak dag dag pa po ang maintenance na gamot nang misis ko.. pag iintay ko nang working visa ay umabot po nang 9 monts na Hindi po ako na Kaka hulog..Tama po ba na sundin ko Ang notice na binigay sa Amin na umalis na lamang sa kinuha Kong bahay?Wala na po ba ako habol sa refund.. na sakop po ba ako nang maceda law .under section R.A 6552.. marami pong salamat Sana po matulungan nio po ako…..

  13. Hello po atty..gusto ko pong malaman kung pwede ko po ba mrefund ang naihulog ko sa hinuhulugan kong bhay.nkpaghulog napo ako ng 14 months..15months mo mtatapos ko na ang downpayment ng bhay..hindi ko napo tinuloy hulugan dahil po yung pangako nila na uumpisahan n nila ang paggawa ng bahay kpag nkakalhati na kmi ng paghuhulog ng downpayment..umabot npo ang 14months pero wala pa pong bhay na itinatayo at hindi din alam ng mga taga office kung kailan uumpisahan.kaya po nagdesisyon akong hwag ko ng ituloy ang hulog.dahil hindi po nila tinupad ang napgkasunduan..pero sa pinirmahan po nmin sinasabi nilng no refund po at alam ko po yun..pero nkkdismaya naman po at wala png nauumpisahan.may pagasa pa po ba na mrefund ko ang naihulog ko?maraming salamat po sa inyong mgiging kasagutan.

  14. Dear atty.
    Ask ko lang po kung may legal basis na ipaupa sa iba nung naghuhulog sa mga housing installment kahit dipa sila fully paid sa developer. Magkakaproblema po ba kami if ever magbabayad kami sa kanya ng upa eh di pa po nia fully paid ung bahay. Kasi po iniisip ko lang what if di pala xia makabayad ng amortization nia pero pinapaupa nia at paalisin kami ng developer? May rights po ba xia gumawa ng contract na ipaupa ung bahay na dipa naman nia tapos bayaran sa developer. Thanks

  15. Dear atty acosta.
    Ask ko lang po kung panu yung nakabayad na ng full sa down payment sa bahay na kinuha ng pinsan ko bale 305,775 po ang binayad nya tapos po nakapag pay pa po sya ng 2 months amortization na 34,000 at ang total price po ng bahay ay 985,000 pero d na po nasundan dahil sa financial problem pede po ba sya makapg refund?? salamat po atty sana po mabgyan pansin nyo po ang liham ko na ito

  16. Good day po ask ko lang po kasi nakakaproblema po kmi sa kinuha nming house and lot.nag bayad po kmi ng full downpayment at sinabi po nila after 6 mos makakalipat na.isang taon na po pero kahit unit selection wala pa rin po.lagi po cla my panibagong requirements na hinihingi.gusto ko po irefund and full downpayment.ano po ba ang karapatan namin sa bagay na ito.ilang buwan po ba dapat mairefund ito.

  17. Gud day po atty.ask ko lng po ksi c nnay ko ay nkabili ng house and lot natapos nya po byaran ang one year full downpayment deposit at nka 81 months amortization po sya meron din po sya insurance na nbbayaran..kso po ang problema ung time na hinhnap ng nnay ko ung royal trust sa japan ay di nya na ito mlaman kung saan na at wla man lng abiso na wla na sila sa dting pinagbbayaran ng nnay kya tumagal na na hindi sya nkahulog upang mabyaran sila..nais na po ng nnay irefund ang binayad nya..kya lng ang tnong may pagasa po ba at paano..malaki na po ang naihuhulog ng nnay ko sa bhay at lupa. Halos three years na lng mattapos nya na ito byaran..anu po kya ang aksyon sa problema slmat po.

  18. Dear Atty. Acosta
    May housing loan po ang misis ko inabot po kami ng tatlong taon hulugan un thru pag-ibig kso po nagkaron ng problema sa pinansyal kasi po nawalan ako ng work ky 7 months na namin hindi nahuhulugan tapos my tumatawag po sa amin na law firm na sabi po na naforward na po sa isang attorney yung legal process ng cancellation of contract to sell/ foreclosure, my right po ba talaga ang law firm na icancel ung contract namin, ano po ba ang rights namin dito sa tinitirahan namin kasi po 7 months na namin hindi nababayaran, kasi sabi ng hipag ko hindi naman kami mapapalayas dito kasi sa contract daw 20 years mo pa pwedeng tirahan ang bahay bago ka paalisin ng pag-ibig kaya sabi niya na hindi raw kami kayang paalisin ng LAW FIRM na kumokontak sa amin, sana po masagot niyo po mga tanong ko, salamat po Atty. Acosta

  19. Dear attorney acosta.
    Good morning poh.. Nais ko lng poh sna humingi ng payo sa inyo about sa nabili naming lote.. Matagal na poh kameng bayad at ilang taon na din poh ang lumipas. Hanggang ngayon poh ay Deed of sale pa rin ang pinanghahawakan namin at wala pa poh ang mismong title.. Anu poh bang maganda gawin para mapadali ang pag process na ma release na ang title. Ilang taon na din poh kc kame pinapaasa ng developer sa pg release n hanggang ngayon poh ay wla pa rin.
    At isa ko pa pong nais ilapit sa inyo ay about naman poh sa pagpapasukat. Sino poh b ang dapat managot sa pagpapasukat ng lote ang buyer o ang developer???. Sana poh ay matugunan ninyo ang aking nais malaman. Maraming maraming salamat poh. -Margie-

  20. Dear Atty. Acosta,

    Gusto ko pong humingi ng payo tungkol sa house and lot n nbli ko at kasalukuyang hnhlugan ang dp. ng nagpareserve po ako, ang sinbi sa akin ay 24 months sa dp.. bago ako. mgbyad sa pagibig.. ngunit pinasok. po nila agad ang loan application ko at naaprubhan agad. sinabihan ako ng staff ng developer n may posibilidad na mgsbay ang dp at pagibig ko. snbi ko nmn na hndi ako ngmamadali lumipat. at snbi ko rin sa staff ng deceloper na mhhrapan akong pgsbayin. bukod dun, mayron pa akong 8 month sa dp ko. ano po kya ang tamang gawin sa sitwasyon na to.

  21. Good day po. Nais ko po lamang magtanong. kami po ay may kumuha rin ng housing loan–in house po. (8months) na po kame nagbabayad ng down payment suppose last month  po sana maatapos sa downpayment. Nagkaroon po ng sakit yung kapatid ko at hindi na niya mai- maintain ang pagbabayad dahil po ng uundergo po siya medication at nawalan rin siya ng trabaho. Sa kanya po nakapangalanga yung at bahay bale ako yung (SPA) n iya. Nais niya po gumawa ng kasulatan sa develepor yung kalagayan niya po. Kung sakali po ba gumawa kami ng voluntary surrender  letter may ma refund pa po ba kami?  Salamat po

  22. Good day  po. Nais ko po lamang magtanong po tungkol sa housing loan. (8months) na kame nagkabagbayad ng equity nmin. Last month po sana matatapos na kame sa aming equity. suppose itong month po sana yung first amortization namin. Ako lamang po yung (SPA) ng kapatid ko sa kanya po nakapangalan yung bahay at lupa. nagkaroon po siya ng sakit at samakatuwid hindi nya na kayang i maintain bayaran yung housing loan dahil ng uundergo ko siya ng medication. Gayon pa man nais nya lamang gumawa ng sulat na i voluntary surrender  na lamang yung bahay at lupa sa developer.  Tanong ko lang po possible po ba na makakuha kami ng refund sa dahilan ng kalagayan po ng kapatid ko. Maraming Salamat. 

  23. Pano pag yung pinareserve po na house and lot ay hindi pa umaabot ng isang linggo at ito ay kinasela na nung buyer,.. makukuha pa rin po ba nung buyer yung resrevation fee po nya?

    Meron kasi ako kakilala na nag cancel nung reservation nya, at kukunin na lang nya yung reservation fee.. according dun sa broker di na raw pwede i kansela yung bahay at lupa at di na rin pwede i refund yung reservation,. so and desisyon sana ng kaibigan ko eh ilipat yung reservation nya sa ibang option na lang ng bahay at lupa,.. para di mabigat ang pagbayad , but according sa broker magbabayad daw uli ng panibagong reservation fee para dun sa pagpapalipat, kasi di na raw pwede i refund yung na-ibayad na.

    Now to make it worst dahil sa ganung sitwasyon tuluyan ng kinasela ng kaibigan ko yung pagkuha nya ng bahay,. at di nga lang maganda nagbanta yung broker na irereklamo yung kaibigan ko sa HR (Human Resource) na pinagtatrabahuhan nya..

    Meron po ba karapatan ang kaibigan ko makuha yung Reservation Fee nya at idemanda itong broker dahil sa ganung klaseng pagbabanta?

    Maraming Salamat po..

  24. Good day po..ask ko lang po sana kung paano ang computation ng refund kapag ikaw ay nakapaghulog na ng lampas two years sa iyong amortization sa pag-ibig..kasi yong account ng pinsan ko ay ibabuy-back na ng developer dahil po sa kadahilanang hindi sya nakapagbayad ng amortization sa loob ng walong buwan..last year po ganun din po hindi rin po sya nakapagbayan sa loob ng six months pero yon namn po ay nabayaran sa saktong panahon ng grace period naibinibigay ng pag-ibig sa kanya…pero nitong latest po niya na arrears ay natapos nalang po ang grace period hindi parin po niya nabayaran.Sumulat po ang taga pag-ibig sa developer na for buy back ang account niya at gusto na po ng developer na ibuy back ito.Ang sabi po sa pag-ibig more or  less nasa 500,000 na po ang naibayad niya kasama ang penalty, interest at sa insurances,,Ngayon po sabi ng developer na ang ererefund nila ay yong principal amount lang hindi kasama ang interest, penalty at insurance dahil ang mga yon daw po ay hindi naman na punta sa developer..Tama po ba yon attorney..

Leave a Reply

Your email address will not be published.

This site uses Akismet to reduce spam. Learn how your comment data is processed.