MARAMING artista ang nagbakasyon para sa holiday break at ang ilan sa kanila ay nakipagsapalaran sa snow, nag-MMFF marathon kasama ang kanilang pamilya at meron din naman ilan na pumunta sa beach o luxury resorts para makapagrelax.
Isa na sa mga artistang binulabog ang internet ay ang My Korean Jagiya lead actress na si Heart Evangelista. Petmalu talaga ang mga larawan niya na nagpasilip sa kanyang alindog.
Kahit na siya’y turning 33 years old na sa darating na Valentine’s Day, alagang-alaga pa rin ang katawan ni Mrs. Escudero. Napaka-youthful ng aura niya at napakaclassy, as always. Siya ‘yung tipong kahit na magsuot ito ng seductive dresses ay hindi bastusin ang dating. Napaka-suwerte naman talaga ng kanyang mister, huh!
Anyway, matagal-tagal na rin natin hindi napapanood si Heart sa big screen. May plano ba ang Viva Films na gawing bida ulit ang isa sa tunay na toprating leading ladies ng GMA-7? Marami silang leading ladies na ginagawan ng romcoms lately and we would love to see Heart sizzle on the larger scale once more. Dali na bago pa ito pansamantalang tumigil sa showbiz para maging mamshie!
