HINDI TATAKBONG SENADOR: Dingdong Dantes, mas piniling alagaan ang buntis na si Marian!

Dingdong Dantes, Marian Rivera and daughter Zia

DALAWANG “pasabog” ang pinost ng GMA Primetime King na si Dingdong Dantes sa kanyang Facebook personal account noong September 25, 2018.

 
Una ay ang paglilinaw ni Dingdong na hindi siya tatakbo bilang senador sa 2019 elections, at ikalawa ay ang dahilan sa desisyon niyang ito — kumpirmadong BUNTIS ang maybahay niyang si Marian Rivera.
 
Umani ng super-daming likes, love, and positive comments ang post or “official statement” ni Dingdong — na nagsabing ang ikalawang pagbubuntis ni Marian na ipinagdarasal nilang mag-asawa, ang naging sagot ng “sign” na ipinagdarasal ni Dong upang gabayan siya sa kanyang political plans, kung meron man.
 
Sumasaludo kami kay Dingdong sa desisyon niyang ito, na gawing prioridad ang pag-aalaga sa kanyang pamilya, dahil siya nga rin ang nagsabing nasa posisyon man sa pamahalaan o wala, eh handa siyang tumulong sa ating mga kababayan, in anyway he can.
 
Knowing Dingdong, tutok ito bilang asawa kapag nagdadalantao ang misis na si Marian, tulad nung pinagbubuntis nito ang kanilang panganay na si Zia, na magiging “ate” na!
 
Narito po ang kabuuang Facebook post ni Dingdong:
 
“Marami ang nagtatanong kung tatakbo ako sa darating na eleksyon, at marami rin ang humihingi ng pormal na sagot. 
 
“Ang pagkakataong maglingkod bilang Commissioner-at-Large ng National Youth Commission, at tumulong sa pamamagitan ng YesPinoy Foundation at ng YesPH Community Development, ang ilan sa mga naging inspirasyon ko upang patuloy na magsilbi sa bayan. 
 

DANTES LEAGUE: Dingdong Dantes, Marian Rivera and Baby Zia

“Pero naniniwala ako na ang pagiging “public servant” ay isang mabigat na responsibilidad na dapat pinag-aaralan, pinaghahandaan at, higit sa lahat, ipinagdarasal.

“Kung gagawa ako ng malaking hakbang para sa darating na halalan, hindi lamang isang simpleng decision-making ang dapat kong pagdaanan. I should be able to discern His Will and seek guidance.

“And in the process of my discernment, I received His response in the most surprising and beautiful way.  With overflowing joy, Marian and I, are happy to share with everyone that we have been blessed with another child! 
 
“Natupad na rin ang matagal ng dasal naming mag-asawa, lalung- lalo na ni Zia. 

“At sa kabila ng buong suportang ibibigay sa akin ni Marian, ng buong pamilya, at mga kaibigan sa anumang magiging desisyon ko sa pagsabak sa pulitika, malinaw sa akin na sa panahong ito ay kailangan kong maging buo para sa aking pamilya. 

“My discernment revealed what is truly important in my life— panahon ito para suportahan ang pagdadalang-tao ng aking asawa.

“Life has presented me with two good aspirations, and I can always rationalize to weigh the pros and cons.  But I know that, at this point, I am being redirected to my reason of creation— my family. 
 
“My humble service to the public will continue and it could take a different form or level in the future; but first, I have to ensure that my home is protected and secured before I can take care of others. 

“Sa aking pamilya at mga kaibigan, thank you for always trusting my judgement and direction. Sa lahat ng nagmamahal sa amin nina Marian at Zia, na umaasang lumaki ang aming pamilya, thank you for your prayers.

“Sa lahat nang humihikayat sa aking lumaban sa darating na eleksyon, salamat sa inyong tiwala at suporta. 
 
“Ngayon, habang nag-aaral, naghahanda, at naglilingkod ako bilang isang volunteer at private citizen, umaasa akong patuloy pa rin ang ating pagtutulungan para sa ikabubuti ng ating bayan, sa anumang paraan— maliit man o malaki, may posisyon man o wala. 
 
“Nawa’y ang bawat kabataang kabahagi ng aming mga adbokasiya ay patuloy ding mangarap at maglingkod sa kanilang mga pamilya, paaralan at komunidad.

“And to all my fellow Filipinos, I am with you in believing that in times of uncertainty, God’s unfailing love will always reign supreme. Thank you and I humbly request for your continued prayers of protection and good health for my family, especially on Marian’s second pregnancy,” mahabang post ng guwapong aktor.

 
Ang attached photo rin ay naka-two fingers flash ang mag-anak, which means, on the way na sa sinapupunan ni Marian ang kanilang second baby ni Dong!
 
Aliw rin ang hashtags na pinost niya sa ending:  

#YesAnotherDantes
#BigSisZia
#4DnaKami
#YesSheIsBuntis
#Number2

 

Mellow Thoughts
by Mell Navarro

loading...

Leave a Reply

Your email address will not be published.

This site uses Akismet to reduce spam. Learn how your comment data is processed.