Hayden Kho, nambastos ng female host sa NU Rock Awards?!

MAY MGA ILANG nag-react du’n sa pag-present ni Hayden Kho sa NU Rock Awards nu’ng nakaraang linggo na kung saan siya pa naman ang presentor para sa Best Video.

Siyempre, iba ang crowd nu’n dahil mga rock fanatics ang nandu’n kaya napaglaruan nila nang husto si Hayden.

Pag-akyat pa lang daw niya ng stage, nagsigawan daw ang mga tao ng “Idol! Idol!” Sinakyan naman daw ni Hayden ang ginawa ng crowd, nakipagbiruan pa raw siya sa host na niyaya raw niya ito na gumawa sila ng video, sabay hubad ng jacket niya.

Siyempre, nahiya naman ‘yung DJ na host nila dahil babae ‘yun, napaatras daw ‘yun at natawa na lang. Ginawang malaking katatawanan na lang dahil hindi na siniseryoso ni Hayden ang isyu ng sex video na nakakabit pa rin sa kanya.

Sabi nga raw nito sa kanyang Twitter account, nasa proseso raw siya ngayon ng moving on at sinabi nga niyang “I finally found myself, and I feel, really, really cool…”

Kaya lang doon sa NU Rock Awards, may ilang kababaihang nag-react na sana hindi ganu’n ang ipinakita niya na parang ini-enjoy pa nito ang eskandalong kinasangkutan niya.

Bukod pa riyan, babae ang kaharap niya, parang nakababastos pa rin ang dating.

Pero siguro gusto lang talagang ipakita ni Hayden na nakapag-move on na siya at kaya na niyang harapin itong kahihiyang pinasok niya.

Hindi nga raw madali sa kanya ang makabalik. Pero ngayon, nararamdaman daw niyang tanggap na siya ng mga tao dahil maganda raw ang feedback sa sinimulan niyang negosyo, itong Hayden na perfume na kalu-launch lang.

Siyempre nandiyan ang suporta ni Dra. Vicki Belo kaya madali naman sa kanya at nabigyan siya ng tamang chance.

‘Di ba ang laki ng billboard niya sa EDSA ng Hayden perfume niya? Kaya ewan ko lang kung ano ang reaksyon diyan ni Joel Cruz ng Afficionado Germany Perfume dahil naka-kumpetensiya pa niya ngayon.

Bongga ‘yan, magpapatalbugan sila ng pabango nila. Tingnan na lang natin!

AYAW NANG PALAKIHIN pa ni Rhian Ramos ang inilabas ng Tweetbiz na nakunan silang magka-holding hands ni DJ Mo Twister na naglalakad sa Eastwood. Basta ang sey lang niya, nanliligaw pa lang sa kanya si Mo kaya hayaan na natin.

Medyo naalarma lang dito ang GMA Artists Center dahil may Ilumina pa si Rhian at maganda pa naman ang samahan nila ngayon sa taping ni Aljur Abrenica kaya baka makaapekto pa ito.

Hindi naman nagsasalita pa si DJ Mo tungkol diyan, dahil tingin ko naman iba talaga ang tama nito kay Rhian. Kaya kahit anong laglag sa kanya ng mga co-host niya sa Juicy at Paparazzi, quite lang talaga siya. Siguro darating din ang araw, magkakaaminan din sila.

Tingin ko naman, matured na ang mga fans nila na kailangan naman nilang tanggapin kung sino talaga ang love ni Rhian.

Kung si DJ Mo talaga ang itinitibok ng puso niya, wala na tayong magagawa, basta gawin lang niya ang trabaho niya sa GMA-7. At tuloy pa rin ang kaso ni DJ Mo sa GMA-7. ‘Yun na!

Mga Mata ni Lolita
by Lolit Solis

Previous articleKilalanin si Djanin Cruz!
Next articleKris Aquino, dapat nang rendahan ang sobrang kadaldalan!

No posts to display