Gretchen Barretto, sinabihan ng laos at wala nang career si Claudine?!

WAR PA RIN pala hanggang ngayon sina Gretchen at Claudine Barretto.

Nakarating na kasi kay Gretchen ang one-liner ni Claudine nang mainterbyu siya sa airport pagdating niya mula sa US kamakailan.

Halatang imbiyerna si Claudine nang tanungin siya ng TV reporter kung ano na ang estado nila ng kanyang ate. Ang pananaray ni Claudine sa reporter ay “Bad trip-in ba ako?”

Aware na raw si Greta sa inasal ng kanyang kapatid kaya naman tila nagpatutsada ito. Naringgan kasi si Greta ng ganito minsan sa pakikipagtsikahan niya sa ilang kaibigan.

“’Wag na nating siyang patulan dahil tila laos na siya, wala siyang career at wala siyang teleserye,” diumano’y sabi ni La Greta.

Si Claudine kaya ang pinatututsadahan ni Gretchen dito?

Anyway, isa raw sa tsutsugihin sa Siyete ang weekly drama show ni Claudine na hindi nagre-rate.

NATAWA KAMI AT hindi kami makapaniwala sa tsikang nakarating sa amin na P10,000 weekly lamang daw ang tinatanggap na talent fee ni Mo Twister sa GMA-7 for hosting Showbiz Central.

Talagang hindi kami makapaniwala sa liit ng talent fee ng tactless na TV host. True ba ito?

Ang tsika pa sa amin, ito raw ang matinding dahilan kung bakit nilayasan ni Mo ang Siyete.

Magaling na host si Mo Twister at kayang-kaya niyang gawing interesting ang Paparazzi at Juicy sa tuwing siya ang nagho-host. Maanghang kasi siyang magsalita at wala siyang takot magsabi ng kanyang niloloob. Saludo kami sa kanyang pagiging vocal. He is an asset sa anumang show na kanyang kinabibilangan.

TRUE KAYANG MALABO nang magkabalikan sina Kris Aquino at James Yap?

Hindi na raw feel bigyan ng chance ni Kris ang kanyang dyowa sa ginawa nitong pagkakamali this time. Iyon nga raw ang dahilan kung bakit nilayasan na niya ang kanyang dyowa.

May nakausap raw na confidante si Kris at sinabi raw nitong ayaw na niyang balikan si James.

Nakipag-usap na si James sa mga kapatid ni Kris. Maging ang manager na si Dondon Monteverde ay payag mamagitan sa kanila huwag lamang silang maghiwalay. Si Dondon ang naging tulay upang magkakilala ang dalawa.

LUMAYAS SI SHIVAKER sa Tweetbiz dahil gusto raw nitong mag-concentrate sa kanyang radio show at sa Diz Iz It.

Hello?! Matsutsugi na ang Diz Iz It, ‘no! Dahil hindi ito nagre-rate.

Baka hindi lang niya feel ang Tweetbiz dahil hindi nga naman bagay sa kanya na kalalaking tao ay nagtsitsismis siya. Isa pa, hindi naman nagre-rate ang Tweetbiz at wala yatang nanonood dito. Mas may laman pa ang Paparazzi at Juicy sa Tweetbiz, ‘no!

Lex Chika
by Alex Valentine Brosas

Previous articleGuji Lorenzana, pag-amin na lang ni Kaye Abad ang hinihintay
Next articleRobin Padilla at Mariel Rodriguez, ‘di na nakapagtataka ‘pag sila na!

No posts to display