Female Bagets na produkto ng reality search, six figures ang presyo ng short time!

SIGURO NGA, SIGN of the times na ang talamak na pagbebenta ng “short time happiness” (panandaliang- aliw) sa showbiz.

Lately kasi, puro male bagets ang nababalitaan naming nagbebenta ng “short time happiness” sa mga parokyano. Pero nitong mga huling araw, nakatatanggap kami ng text at ino-offer sa amin ang isang female bagets na produkto ng isang reality search.

Pero sa true lang, parang may ginto sa kanyang katawan dahil six figures ang halaga ng kanyang short time happiness.

“Sulit naman ‘yung performance nito, brod, kaya ganu’n ang presyo. ‘Saka hindi naman niya ito ginagawa lagi. Paminsan-minsan lang,” sabi pa ng kanyang ahente.

Ganu’n?

Ang masasabi lang namin, mala-prinsesa ang beauty ng female bagets na ito kaya kung pipilitin pa kami ng kanyang ahente, e, malamang na makapag-cash advance kami ng todo-todo sa mga raket namin… joke!

APEKTADO BA SI Geneva Cruz sa paghihiwalay nila ni KC Montero?

May nakapagsabi kasi sa amin na ang taray-taray raw ni Geneva nang nag-perform ito sa isang concert sa Calapan, Mindoro nitong nakaraang linggo.

Bukod sa bilang ang kanyang mga pinapakawalang smiles kapag nasa harap ng stage, e, parang wala siyang kagana-gana kung magsalita. Parang wala siya sa kanyang concert dahil parang nasa bahay lang daw siya na nagtataray at wala sa mood.

Siyempre,  dahil artista at sikat, e, hindi maaalis na matuwa sa kanya ang mga taga-Calapan at maglambing ng picture taking at autograph signing. Pero sa halip na pagbigyan ang mga fans, e, nagsungit pa raw at nagtaray ang singer na ito.

Sinabihan daw niya ang mga bouncer na nakapaligid sa kanya na isara ang pinto ng kanyang dressing room para hindi na makapasok ang mga fans na humihingi ng kanyang autograph.

Ewan kung totoo dahil pati nga raw ang pulitikong nag-invite sa kanya sa lugar na ‘yon, e, na-turn off sa inasal ni Geneva.

Kung iintindihin natin siya, siguro nga, affected siya nang todo sa hiwalayan blues nilang dalawa ni KC dahil hindi rin naman biro ang lalim ng kanilang pinagsamahan. Kaya hayun, hindi niya naiwasan ang magtaray.

Kaya lang, sana, e, hindi niya dinadala sa trabaho ang kanyang personal problem dahil pati ang mga fans na walang kamalay-malay, e, natatarayan at napapagalitan ng mga inutusan niyang bouncer.

NAGSISIMULA NANG UMERE ang ibang mga bagong programa sa TV5. ‘Yung ibang mga ni-reformat na show, e, ume-ere na rin gaya ng Juicy.

Kaya lang, sabi ng iba, e, bakit parang hindi pa rin ganu’n kalakas ang arrive? Parang wala pa ring dating?

Sa Huwebes ang kanilang grand launching sa World Trade Center. Ipakikilala ang mga bagong programa na ihahain nila sa mga televiewers.

Pati ang mga bold moves ng TV5 management, e, ia-announce na rin sa Huwebes, kaya pagkatapos ng event na ‘yon, siguro nga, e, mararamdaman na rin nang matindi sa industriya ang presensiya ng Ka-Shake Mo network.

We can still remember nu’ng ini-launch ang TV5 a couple of years ago with the Malaysian group, namigay ng mamahaling sapatos si Gretchen Barretto sa movie press.

Pero ngayong walang show sa TV5 si Gretchen, sino kaya ang mag-a-ala Greta at mamimigay ng mamahaling gamit for good luck? Hmmm….

For reaction, please e-mail [email protected]

Sour-MINT
by Joey Sarmiento

Previous articlePinoy Parazzi Vol. III Issue #272: March 24, 2010
Next articlePhoto Oops: Pagalingan?!

No posts to display