TIYAK NA MALULUNGKOT si Megastar Sharon Cuneta pagdating niya mula sa matagumpay na Megathirty US Concert Tour. June 14 diumano ang lastleg ng kanyang concert tour sa Houston, Texas at babalik na siya sa ‘Pinas for her other commitments.
Masayang-masaya pa naman siya nang umalis right after the very successful premier night of her movie Best Friends Forever with Ai-Ai delas Alas. Super-happy rin siya sa pagkakapanalo bilang Best Actress sa pelikula niyang Caregiver mula sa Star Awards ng PMPC. Kahit kasi wala siya rito para tanggapin ang kanyang award, nag-celebrate din ang mga Sharonians na siya ring sasalubong sa kanyang pagdating.
Ang pinag-iinitang intrigahin ay ang Sharon niya tuwing Linggo sa Kapamilya Station. Nanganaganib na raw tanggalin sa ere ang show ng Megastar. Malakas daw ang bulung-bulungan. May kakabit pang impormasyon na hindi nagugustuhan ng televiewers ang show dahil parati na lang daw mga impersonator ang guest. Ang cheap-cheap na raw ng dating. Maging si Sharon, hindi na raw masaya sa itinatakbo ng kanyang show. Hindi nga lang ito makapagreklamo.
Nang tanungin daw ang isang insider kung totoong papalitan na ito ng ibang show, ngumiti lang daw ang tinanong at dinedma ang intriga.
Mabilis namang sumagot si Krissy Baluyot, E.P. ng Sharon sa intriga. “We welcome suggestions from our televiewers, especially the Sharonians, but there wasn’t anything like this na natatanggap namin,” simple niyang pahayag.
“Paano maka-cancel ang show na laging nasa Top 10 hindi lamang sa Mega Manila, kundi sa entire nation. Rating-wise, ganu’n din kataas ang aming nakukuha. The element of comedy is also very much a part of our show, that’s the reason why maraming impersonators. They provide the fun, the laughter that Mega shares with them.
“Ayoko sanang isipin na may kinalaman ito sa pulitika. Since, we are in the Top 10, baka natatakot ang mga kalaban na makatutulong ito kay Sen. Kiko Pangilinan. Lagi na lang ganu’n, paulit-ulit na lang. Ang importante, hindi kami nagpapabaya sa aming tabaho. We are working so hard to make Sharon’s show worthy of its title. Shawie is no Megastar for nothing, kaya, masaya kami.”
Nakatakdang mag-taping si Mega sa June 22 for a new bunch of shows and news about her stint abroad. The PMPC officers will also present her Best Actress trophy.
DAGDAG NA BALITA tungkol pa rin kay Sharon, ang kaligayahang ipinadama niya kay KitKat sa isang guesting nito sa Sharon.
May nagbalita kay Sharon tungkol sa panlolokong ginawa sa kanya ng dating karelasyon. Nilayasan na ang komedyana, na-withdraw pa nito ang lahat ng naipon ni KitKat sa bangko.
Sa matinding awa, niregaluhan ni Sharon si KitKat ng isang tsekeng nagkakahalaga ng hinarbat sa kanya ng dating karelasyon. Kumpleto raw ang numbers, mula comma hanggang period. Hindi malaman ngayon ng komedyana kung paano magpapasalamat kay Mega. Gusto niyang iluhod ito sa Quiapo bilang pasasalamat sa hindi niya inaasahang suwerte. Marami na siyang nababalitaang kawang-gawa ng Megastar. Hindi niya akalain na isang araw, mabibigyan din siya ng kawang-gawa ng hinahangaan niyang Megastar.
Sapat na raw sa kanya ang paggi-guest sa Sharon show. Pero, ang makatanggap ng regalong hindi niya inaasahan, isang hindi na niya malilimot na karanasan.
BULL Chit!
by Chit Ramos
