Ex-Sex Bomb Aifa Medina, todo-deny na may anak siya kay JC de Vera!

BONGGA ANG NAKARAANG 60th Anniversary ng GMA-7, kung saan dumating halos lahat ng kanilang mga artista. Nakita namin kung gaano ka-intact ang mga artist ng nasabing TV network na talaga namang bongga ang lahat ng production numbers na kanilang ginawa.

Isa sa mga nakausap namin sa nasabing anibersaryo ay ang mag-boyfriend na sina Mark Herras at Ynna Asistio,kung saan ay umamin ang dalawa na kahit walang okasyon ay nagbibigayan sila ng regalo sa isa’t isa.

“Binigyan niya ako ng relo, kulay pink. Cute siya, Juicy Couture ang tatak,” pahayag ni Ynna na nagsabi pa sa Pinoy Parazzi na madalas siyang dinadalaw ng aktor sa kanilang bahay sa White Plains. “Barkada kami, hindi lang siya ang madalas sa amin, kundi maging ‘yung iba pa naming friends.”

Samantala, kung pink watch ang regalo ni Mark kay Ynna, black watch naman ang ibinigay ni Ynna kay Mark. “Parang chocolate ang tatak, maganda bagay sa akin,” ani Mark na umaming for the past two years and four months na relasyon nila ni Ynna, lalong lumalalim ang pagmamahal niya sa aktres.

DUMATING NA NG bansa si Bella Flores, at inamin niya sa atin na etching lang lahat ang mga sinabi niyang magpapakasal siya sa isang Japanese millionare. “Etching lang ‘yun, hindi totoo ‘yun. Alam n’yo naman, gimikera ako,” tumatawang panimula ni Bella Flores nang magkita kami sa mini-presscon ng bagong album ni Imelda Papin (na kung saan ay magkakaroon ng bagong concert si Imelda kasama si Mommy Dionisia na gagawin sa Aliw Theater sa October ).

Ayon kay Bella, almost three years din siyang nawala sa bansa at wala siyang ginawa sa Amerika kundi ang magpakasaya at mag-bingo nang mag-bingo. “Kaya ako bumalik sa Pilipinas, dahil nami-miss ko ang umarte.”

Trivia: Si Bella Flores ang unang kontrabida na gumanap na tiyahin ni Vilma Santos sa pelikulang Trudis Liit noon na ni-remake ngayon ng GMA-7. “Sana nga kunin nila (GMA-7) ako para may raket naman ako.”

FAIRYTALE WEDDING ANG pangarap ni Say Alonzo para sa magaganap na kasal nila ng kanyang non-showbiz boyfriend. Ayon kay Say, sobrang saya siya kay Ryan na isang salon and spa product distriburor.

“Actually, after two years, last Monday lang ako muling umapak sa bakuran ng Dos. Masaya naman ako dahil maayos naman ang ginawa kong pag-alis nu’n. Kasi feeling ko, kaya ako umalis ay wala naman akong project na ginagawa sa kanila.”

Inamin ni Say na napaiyak siya nang makita niya ang sarili sa isang tarpuline na nakapalibot sa Siyete. “Iba kasi ang feeling, hindi ito nangyari sa akin nu’ng nasa Dos pa ako. Nabigyan nila ako rito ng importansiya. Kaya nga lahat ng role na ibinibigay nila sa akin ay talagang pinagbubuti ko.

Sinabi pa ni Say na malapit na ang kanyang kasal, pero never siyang haharap sa altar nang buntis.

IMBIYERNANG-IMBIYERNA ANG DATING Sex Bomb dancer na si Aifa Medina sa balitang may anak na sila ni JC de Vera. Usap-usapan kasi na may anak sila ng aktor na siyang dahilan kung bakit ilang buwan din siyang nawala noon sa grupo ng Sex Bomb. “Kahit mamatay ako ngayong oras na ito, hindi ako nagbuntis at lalong wala akong anak. Maski tingnan pa ninyo ang tiyan ko, wala akong kamot!” Tumitiling sabi ni Aifa.

Ang tsika kasi ay nagkaroon sila ng anak ni JC, kung saan ang bata ay nasa pangangalaga ngayon ng pamilya ng aktres. “Kung totoong may anak ako, hindi ko ikakaila iyon. Wala akong anak. Inaamin kong matagal din kaming nagkarelasyon ni JC, pero wala kaming anak.”

Sabi ni Aifa, naghiwalay sila ni JC kasi si JC at si Rhian Ramos noon ay magkarelasyon, samantalang siya naman ay nagmahal ng isang non-showbiz guy.

More Luck
by Morly Alinio

Previous articleSino’ng nagsabing bading si Papa P? Sabunutan natin!
Next articleGretchen Barretto, ayaw pag-usapan ang tungkol kay Claudine?!

No posts to display