Employer o Ahensya – Sino ang Mananagot?

 

NAKADALAWANG TAON din ako sa Saudi bilang worker sa isang construction site. Nang hindi ako pinasahod at ‘di ako nabigyan ng iba pang benefits, pag-uwi ko ay nagsampa ako ng kaso sa National Labor Relations Commission. Nanalo po ako sa arbiter. Nag-apela po ang mga kalaban ko sa NLRC.

Ayon naman po sa abogado ko at sa mga nakakausap ko, maganda raw ang laban ko sa kaso. Natatakot lang po ako na baka dahil sa tagal ng kaso ay magtago na ang agency ko o ‘di ko na mahagilap ang employer ko. Sino po ba sa kanila ang mananagot – ang employer o ang ahensya? — Danny ng Binangonan, Rizal

 

ISA PA ang lumiham sa akin at ganito naman ng tanong:

Gusto ko po sanang idemanda ang employer ko na pinagtrabahuhan ko sa Kuwait. Mahahabol ko pa po ba siya kung nasa Pilipinas na ako? Puwede ko po bang habulin ang ahensya ko? — Gani ng Morong, Rizal

 

PAREHONG MANANAGOT ang employer at ang agency. Kapwa sila may pananagutang magbayad.

Halimbawa, kahit pa ang idinemanda mo lang ay ang employer at siya’y ‘di mahagilap o ayaw magbayad, puwede mong habulin ang ahensya niya rito.

Kung sakali naman na ang kinasuhan mo ay ang ahensya rito at ‘di ka makasi-ngil, puwede mo namang tuntunin at habulin ang kanyang employer o principal.

Isinasaad kasi ng batas, lalo na ng RA 8042, na ang pananagutan ng employer at ahensya ay “joint and solidary” o iisa ang kanilang panagutan at ang sinuman sa kanila ay maaaring idemanda.

Layunin ng batas na makasingil agad ng danyos o monetary claim ang manggagawa.

 

LIBRENG PAYO! I-TEXT N’YO AT SASAGUTIN KO! PM <space> saklolaw <space> ang inyong katanungan at i-send sa 2948 (for Globe, Smart and Sun users). E-mail: omecandazo@yahoo.com.   

 

 

 

Ayuda sa OFW
By Ome Candazo

loading...

One thought on “Employer o Ahensya – Sino ang Mananagot?

  1. gud day po..tatanong qlng po kc dati po aq ngtratrabaho s isang pabrika,tapos po yung coop nmen cla yung nakipag ugnayan s bangko kya po kme nka utang,naka 1year dn po aq ng hulog tas bigla nlng dn po naputol yung hulog nmen s bangko,nun 2009 po ngresign n aq at naun po 2013 may bigla nlng tumawag sa amin a summit collection at kinukulit po aqng bayaran yung naiwan qng utang s bangko umabot n po iyon s halagang 280K tumubo n kc ng ganon kalaki dw..eh wla nmn po aq trabaho,tas po nki2pg ugnayan po aq naun s dati qng pinasukan ang sv s akin wag dw po aq mgbayd kc s mga agent lng dn dw po mapupunta un ano po b gagawin q kc po litong lito n po kc aq..more power po s inyo

Leave a Reply

Your email address will not be published.