OLA CHIKKA! HABANG tinitipa ko ang column na ito, nakatanggap ako ng isang tawag galing sa isang unknown number, kung saan babae ang tumatawag, at hindi ito nagpakilala.
Habang pinakikinggan ko ang boses ng hitad, halata sa boses nito na imbiyerna ito sa baguhang aktor na si Ejay Falcon. Habang nakikinig lang ako sa kanya, ayon sa tumatawag, idedemanda raw niya ang guwapong aktor, dahil iniwanan daw siya ng aktor matapos na mabuntis. Huh?! Kalerke talaga!
Kaya raw umiiwas si Ejay at hindi ito nagpapakita sa kanya. Ni tumawag ay hindi na raw ito nagpaparamdam, at hindi na nga raw umuuwi sa kanilang lugar sa Mindoro, kung saan taga-roon din daw ang nabuntis nitong babae. At handa raw itong maglabas ng ebidensiya. Kaloka, ha?!
Bigla na lang naputol ang aming usapan kaya tinext ko agad ang manager ni Ejay na si Benjie Olipio tungkol sa itinawag sa akin ng isang unknown caller. Naku, ha?! Nakakaloka! Pa’no kaya nalaman ng hitad na ‘yun ang number ko? ‘Yun na!
MUKHANG PINATATAOB ANG ratings ng Darna ni Marian Rivera at hindi na ito nagiging consistent sa palaging mataas na ratings. Dahil unti-unti ay pababa nang pababa ang nakukuha nitong ratings.
Pinataob na kasi ng The Last Prince nina Aljur Abrenica at Kris Bernal ang rating ng Darna ni Marian, kung saan pangalawa na lang ito. Dahil daw kasi ito sa istorya ng Darna na napakalabo, at hindi mo maintindihan kahit ang aking chikiting ay wa nood na rin. Hehehe! Dahil din sa mga character na pinatay at nabuhay pa. Nakakaloka, huh!
Bukod diyan, apektado rin daw ang serye dahil sa hindi magandang imahe na lumalabas sa bida nito na si Marian, na kesyo hindi na ito nagpapainterbyu sa mga reporter at umiiwas na ito.
Kung ano ‘yung ibinato sa kanya noon ay tila hindi ito nawawala sa katauhan niya. Lalo na ngayon, hindi na rin daw sila nagkakaintindihan ng manager nito, huh! ‘Yun na!
‘Wag n’yo pong kalimutang pakinggan ang aking programa sa dwbl 1242 khz everyday 8-9 A.M. at sa dzrh 666 khz every Sunday. At makikita n’yo rin ang beauty ko sa inyong telebisyon sa rhtv from 2:30-3:30 P.M. ‘Yun na!
Ooola Chika
E-mail: [email protected]
by Tita Swarding
