Ejay Falcon, enjoy sa Boracay kasama ang kalalakihan!

MARAMI ANG NAGTAAS ng kilay kay Ejay Falcon dahil enjoy na enjoy raw ito sa Boracay, kung saan ang kasama ay puro kalalakihan. Ayon sa aming source, nag-check-in daw ang aktor sa Discovery Shore, na isa sa pinakamahal na hotel sa Boracay.

“’Day, obvious na obvious na nagkukulay-green ang dugo niya roon, ‘noh! Naku, nakakaloka siya!” Tumatawang sabi ng aming mahaderang spy na nagsabi pa rin na tinangka nilang kausapin ang aktor subalit tumanggi itong magbigay komento. Sa halip, mas ginusto niyang “mag-enjoy” kasama ang kalalakihan.

Samantala, nakita rin ng ating spy si Iwa Moto sa Boracay, subalit hindi rin ito nagpa-interbyu, kung saan kasama niya ang non-showbiz boyfriend. Hindi na namin siya pinilit na kausapin dahil una at higit sa lahat ay hindi naman siya kasikatan, ‘noh!

Bukod kay Ejay Falcon at Iwa Moto, ang buong pamilya ni Sen. Bong Revilla ang namataan ng ating spy sa Boracay. Yearly nilang ginagawa ang magpunta sa Boracay at ang ganda nilang tingnan dahil noong Good Friday, sama-sama ang buo nilang pamilya na nagsiba sa church ng Boracay mismo.

Walang masyadong artista this year sa Boracay, unlike last year na talagang gumawa ng eksena sina Rochelle Pangilinan kasama ang Sex Bomb dancers at si Ethel Booba.

“Matamlay ang artista sa Boracay, sayang lang ang effort at pinamasahe namin,” tili ng isa naming kaibigan na matiyagang naghintay ng mga kaganapan sa Boracay na ang ending ay wala silang napala maliban sa nasunog ang kanilang balat. Ha-ha-ha!

WALANG BALAK HUMINGI ng paumanhin si Cristy Fermin sa mga bombang pinasabog niya laban kay Kris Aquino dahil una at higit sa lahat, hindi naman daw siya ang nagsimula ng gulo. Kung anuman daw ang mga binitiwan niyang salitang sa programang Juicy kamakailan, katotohanang lahat iyon, walang bawas at walang kulang.

Tungkol naman sa sinasabing “tampo” niya sa dati niyang bestfriend na si Boy Abunda, sinabi ni Ate Cristy na naging totoo lang daw siya sa kanyang sarili at hindi siya nagpapakontrobersiyal tulad ng akusasyon ng marami.

“Alam mo anak, hindi ko na kailangang magpakakontrobersiyal pa, dahil alam na naman ng buong bayan ang pagkatao ni Kris,” pahayag pa ni Ate Cristy.

Sa kabilang banda, binigyang-linaw rin ni Ate Cristy ang balitang siya ang dahilan ng posibleng pag-alis ni Alex Gonzaga sa Juicy.

“Hindi totoo iyan anak, dahil kung nanonood kayo ng Juicy ay mapapanood naman ninyo sina Alex at IC (Mendoza) sa kanilang programa. Wala akong inaagaw. Kumbaga ay isinahog lang ako ng channel 5 sa dati nang programa nila,” pakumbabang sabi pa ni Ate Cristy habang kausap namin siya sa programa namin sa DZRH noong Linggo.

Sa muling pagharap ni Ate Cristy sa telebisyon, sinabi niyang mas magiging maganda ang mga programa nila nina Boy Abunda, kung sila-sila ang maghaharap at magsasagupaan sa tsika.

More Luck
by Morly Alinio

Previous articleStars Candid: Kili-Kili ni Mama Pet!
Next articleClickadora: Angelica Panganiban, muntik mahubaran!

No posts to display