Doktora, pinatay sa klinika

DALAWANG ANGGULO ang tinututukan ng mga awtoridad hinggil sa pagpatay sa isang doktora sa loob ng kanyang klinika sa Malaybalay City, Bukidnon noong nakaraang linggo.

Ayon kay Supt Oscar Jacildo, hepe ng Malaybalay City Police Office, sinabi nito na kabilang sa kanilang iniimbestigahan sa pagkamatay ni Dra. Bernadeth Tenorio-Gubaton ay ang isyu sa awayan ng ari-arian at love triangle.                                                                                                               Nag-uugat ang property dispute nang makipaghiwalay ito sa kanyang asawa, ani Jacildo.

Napag-alaman din ng opisyal na maaaring nagalit ang kampo ng kanyang dating asawa dahil nakapangalan na lahat ang kanilang mga conjugal properties sa naturang doktora.

Isa pang tinutukan nilang anggulo ang umano’y love triangle sapagkat sila’y hiwalay na, ay may ilan na umanong lalaki ang nanliligaw sa biktima.

Subalit agad nilinaw ng opisyal, wala namang naiulat na lalaki na kasalukuyang nakakasama ang doktora.                                                                                                                                         Base pa rin sa inisyal na pagsisiyasat ng mga awtoridad, isang gun-for-hire ang pumatay sa biktima.                                                                                                                                                 Ang nasabing suspek ay matunog sa nabanggit na trabaho sa ilang bahagi ng naturang lalawigan.

Samantala, inaabisuhan muna ng mga kinauukulan ang pamilya ng biktima na huwag magpapalabas ng anumang pahayag upang hindi maging komplikado ang takbo ng kanilang imbestigasyon.                                                                                                                                           Una rito, nagkunwaring pasyente ang nag-iisang gunman at nang makatiyempo ay binaril ang doktora dahilan para tamaan sa kamay subalit tumagos sa puso at baga nito ang bala na nagresulta sa kanyang agarang kamatayan. (PARAZZI REPORTORIAL TEAM)

Tags: ,
Balita

About the Author

has written 12690 stories on this site.

loading...

Leave a Reply

Your email address will not be published.