OLA CHIKKA! NOONG Sabado ay ginanap ang 24th Philippine Movie Press Club (PMPC) sa Resorts World Manila, Newport City sa Pasay. With a total of 53 awards, 28 ang naiuwi ng ABS-CBN habang 15 sa GMA, at ‘yung iba ay napunta sa TV5, Net 25, UNTV 37, QTV 11 at Studio 23.
Sa lahat ng awards, isa sa pinakamaraming nagtaas ng kilay ang pagkapanalo ng Kapuso star na si Dingdong Dantes bilang Best Drama Actor for TV. Pinataob niya ang acting skills nina Jericho Rosales, John Estrada & Sid Lucero (Dahil May Isang Ikaw), Coco Martin (Kung Tayo’y Magkakalayo), Gerald Anderson (Your Song: Isla) at Piolo Pascual (Lovers in Paris). Wala ngang sinabi ang ito sa Stairway to Heaven ni Dingdong, kaya siya ang nagwagi para sa kategoryang iyon.
Marami ang nagtaka kung bakit siya ang nanalo samantalang napakagaling nilang lahat at mga sikat na sikat pa. May mga nagpo-post sa Twitter sa tabloid sa internet na nagkukuwestiyon sa pagkapanalo ni Dingdong. Ngunit para sa akin, hindi natin basta-basta bale-walain ang kanyang talent pagdating sa pag-arte, dahil ilang teleserye at pelikula na ang kanyang pinagbidahan na talaga namang pumapalo sa rating.
Nitong nakaraan lang nabahiran ng bad image ang career ni Dingdong nang maging jowa itong napakaprangka niyang girlfriend na si Marian Rivera. Huwag na nating ibalik ang past ni Dingdong, pero marami talaga ang nagalit kay Marian matapos lumabas ang balitang siya ang pumalit kay Karylle na ex-girlfriend ni Dingdong.
No offense kay Marian pero tingnan n’yo naman, naging Best Drama Actor for TV siya sa teleserye niyang Stairway to Heaven kung saan si Rhian Ramos ang kanyang kapareha. Makes sense, ‘di ba?
Mukhang umuusbong ang career ni Dingdong nang wala sa piling ng kanyang jowa, dahil mayroon na naman siyang bagong teleserye sa Kapuso Network na pinamagatang I Heart You, Pare kasama ang Asia’s Song Bird na si Regine Velasquez. Mukhang mas marami pang awards ang maiuuwi ni Dingdong sa mga susunod na panahon. Kaya let’s wait and see na lang!
At hindi lang iyan! Si Dingdong ay isa rin sa mga nominees sa 15th Asian Television Awards sa kategoryang Best Performance by a Drama Actor. Bonggascious, ‘di ba! Hindi lang pang-‘Pinas ang karisma at talento niya, maging hanggang ibang bansa umaabot na rin. Go Dingdong! Make our country proud!
BLIND ITEM: PITIK-BULAG! Sino siya? Mahulaan n’yo kaya itong multi-talented male personality na hindi lang kilala sa kanyang talent kundi maging sa kanyang natatagong lihim ay nasisiwalat na rin?!
Ang chikka kasi ng aking parazzi girl, nakasama niya itong si male actor sa isang shooting at amoy na amoy niya ang hindi magandang amoy ni actor. As in sa kabila ng kanyang kaguwapuhan, nagtatago ang masangsang niyang amoy. Yuck! Turn off!
Ngunit hindi lang iyan, dahil habang tumatagal ay lumalala ang situwasyon ni aktor dahil hindi lang sa katawan, maging bibig niya ay hindi na rin kaakit-akit ang amoy! Shocks! May BO na, bad breath pa. Tsk tsk tsk!
Kilala n’yo na ba siya? MULTI-TALENTED ACTOR. Gets?!
Kung hindi n’yo pa rin mahulaan ay pakisubaybayan na lamang po sa aming programa ni Lady Camille sa DWSS 1494 kHz weekdays from 11:30 – 12:00 nn, upang makigulo at maging una sa mga chikka. At patuloy pa rin po akong subaybayan sa DZRH TV tuwing Linggo, 2:30 – 3:30 p.m. Thank you very much and God Bless us all!
Ooola Chika
E-mail: [email protected]
by Tita Swarding
