‘Di Nakukuha ang Back Pay

Dear Atty. Acosta,

ITATANONG KO lang po kung tama na hanggang ngayon ay hindi pa po naibibigay ang back pay ng asawa ko ng kanyang agency. December pa po nag-resign ang asawa ko. May nakuha po ang aking asawa ngayong Mayo, pero hindi pa rin po lahat ng back pay niya. Pinapaasa na lamang po kami. Sana po ay matulungan ninyo kami. 

June

 

Dear June,

HINDI PO tama na hindi ibigay ng dating agency ng iyong asawa ang kanyang back pay. Ito ay sa kadahilanang pinagpaguran ito ng iyong asawa. Kung hanggang sa ngayon ay hindi pa rin ibinibigay ang back pay ng iyong asawa, maaari ninyong  idulog sa Department of Labor and Employment ang inyong hinaing kung ang kabuuang halaga ng back pay na hindi pa ibinibigay sa iyong asawa ay hindi lalampas sa Php 5,000.00.

Ito ay naaayon sa Article 129 ng Labor Code na nagsasaad na:

“ART. 129. RECOVERY OF WAGES, SIMPLE MONEY CLAIMS AND OTHER BENEFITS. – Upon complaint of any interested party, the regional director of the Department of Labor and Employment or any of the duly authorized hearing officers of the Department is empowered, through summary proceeding and after due notice, to hear and decide any matter involving the recovery of wages and other monetary claims and benefits, including legal interest, owing to an employee  or person employed in domestic or household service or househelper under this Code, arising from employer-employee relations: Provided, That such complaint does not include a claim for reinstatement; Provided, further, That the aggregate money claim of each employee or househelper does not exceed Five Thousand pesos (P5,000.00). x x x”

Sa kabilang banda, kung ang kabuuang halaga ng back pay ay lampas sa Php 5,000.00, dapat na ilapit ninyo ang inyong hinaing sa Labor Arbiter ng National Labor Relations Commission (NLRC).

Ito naman ay naaayon sa Article 217 ng Labor Code na nagsasaad na:

“ART. 217. JURISDICTION OF LABOR ARBITERS AND THE COMMISSION. – (a) Except as otherwise provided under this Code, the Labor Arbiters shall have original and exclusive jurisdiction to hear and decide within thirty (30) calendar days after the submission of the case by the parties for decision without extension, even in the absence of stenographic notes, the following cases involving all workers, whether agricultural or non-agricultural               x x x

6. Except claims for Employees Compensation, Social Security, Medicare and maternity benefits, all other claims, arising from employer-employee relations, including those of persons in domestic or household service, involving an amount exceeding five thousand pesos (P5,000.00) regardless of whether accompanied with a claim for reinstatement. x x x”

Malinaw sa mga nabanggit na probisyon ng batas na ang tamang ahensya ng gobyerno na siyang makakatulong sa inyong hinaing ay ang DOLE o ang Labor Arbiter ng NLRC.

Nawa ay nabigyang-kasagutan namin ang inyong katanungan.

 

Halinang manood ng “PUBLIC ATORNI: ASUNTO O AREGLO” tuwing LUNES, 9:20 pm sa AksyonTV.

 

Atorni First
By Atty. Persida Acosta

loading...

5 thoughts on “‘Di Nakukuha ang Back Pay

  1. DEAR ATTOURNEY,
    ITATANONG KO LANG DIN PO IF EVER NA NABIGAY NA PO YUNG LAST SALARY PO NG ASAWA KO HINDI PO BA MAY MAKUKUHA PA PO SYANG 13MONTH PAY? AT MAY CONCERN LANG DIN PO AKO REGARDING PO SA SSS NYA NA HINDI PO HINULUGAN NG DATI NYANG AGENCY NA DAPAT PO PWEDE NANG MAG LOAN ANG ASAWA KO, PERO AYAW PO NILA I-REIMBURSE SA ASAWA KO PARA KAMI NALANG PO SANA MAGAMIT NLANG PO YUNG PERA SA PANGANGAILANGAN N AMIN.
    MARAMING SALMAT PO. GOD BLESS PO.

  2. good day po attourney. gusto ko lang po sana malaman kung ano po ang dapat gawin dahil wala pong nakuhang back pay ang asawa ko sa dati po nyang agency dahil sabi po ng agency ay hindi daw po sila nagbabayad ng backpay sa empleyado kasi po wala daw po sila nun, pero may nakuha po sya na cash bond daw po na kinakaltas po sa asawa ko nun pero 1000 pesos lang po. pero po sa nabasa at pagkakaalam ko din po ay meron po talagang backpay na matatanggap ang asawa ko kasi po nung ako po ay nagwork din dati agency din po ako may backpay po ako dahil yun po ang nasa LABOR CODE tama po ba? please po sana po ay matulungan nyo po kami 1year & 11months po pala ang asawa ko kanyang pagtatrabaho. maraming salamat po. GOD BLESS PO.

  3. Good Pm Atty, Maaari po ba akong makahingi ng sample demand letter patungkol sa hindi pa nakukuhang backpay? seven months na po kasi at hanggang ngayon ay hindi pa naibibigay sa asawa ko yung backpay sa dating kumpanyang pinagtatrabahuan niya. Palagi po kameng bigo sa tuwing tatawag kame sa kanila dahil nauurong po lagi ang bigayan ng cheke kaya nagsumbong po kame sa DOLE. ang sabi, kailangan daw pong magbigay ng demand letter sa kumpanya at kung hindi pa raw po nagbayad ay puntahan na daw po namin ito sa dole branch at personal na maghain ng reklamo. Salamat po at aming hihintayin ang inyong response.

  4. Tanong ko lang po bkt po 7k Lang ang nkuha Kong backpay kasi 3years po ako sa agency nila
    Bkit po 7 k lng po nag resign po aq ng Nov 2015 at nagsmula po ako nung DEC 2012

  5. Dear Atty. Acosta

    Tanong ko lang po, Halimbawa na terminate sa trabaho ang isang empleyado na mahigit isang taon na sa kompanya, may makukuha ba itong back pay o kaya 13th pay?

    Salamat po.

Leave a Reply

Your email address will not be published.