Dating misis, pinaniwala ni aktor na ligal ang kanilang diborsiyo!

BLIND ITEM: MAY pagkamaselan ang aming paksa ngayon, even the characters involved, hence, we are exercising editorial prudence.

Galit na galit ang dating misis ng isang aktor na pinaniwala umano siyang sa legal na proseso dumaan ang kanilang paghihiwalay. Taong 2009 noong makatagpo na rin ang babae ng bagong pinakasalan sa ibang bansa, bagay na matagal-tagal ding inilihim ng kanyang ex-husband sa showbiz.

Diumano, mga pekeng dokumento ang pinapirma ng aktor sa kanyang dating kinasama upang gawing “pormal” ang kanilang separasyon. Ang kaso, kailan lang natuklasan ng babae ang panloloko umanong ‘yon ng aktor.

Kung tutuusin, dumagdag na lang ang usaping ito sa kasalukuyang problemang dapat harapin ng aktor na may kinalaman sa pangangalaga ng kanilang mga anak. Apat na supling ang naging bunga ng kanilang pagsasamang umabot din ng dalawampung taon, tatlo rito ay nasa bansa ngayon, at dalawa sa tatlong ito’y nagmamarka na rin ang mga pangalan sa telebisiyon.

Upon discovery of the fake divorce papers, kinumpronta ng babae ang aktor sa telepono. Ano raw ba ang kanyang (babae) dapat gawin para gawing ganap nang legal ang kanilang paghihiwalay? May suhestiyon ang aktor: umuwi raw ng bansa ang kanyang ex-wife at pumunta sa isang malayong lalawigan dahil doon lang daw maaaring idulog ang ganoong kaso.

Lalo pa raw nainis ang misis dahil ang nasabing lugar na binanggit ng kanyang ex-husband ay may mga kaganapang nagbabanta sa kaligtasan ng tao.

Hanggang dito na lang po ang kuwento.

NAGMISTULANG PIYESTA ANG first taping day ng mini-series na Lady Dada, kung saan bida ang expectant father in real life na si Ryan Agoncillo. This is Ryan’s second regular exposure on TV5, the first being the top-rating Talentadong Pinoy.

May fiesta ambience in the sense na sinorpresa ng misis ni Ryan na si Judy Ann Santos ang cast na binubuo rin nina Mylene Dizon, Keempee de Leon, Ryan Eigenmann, Edgar Allan Guzman at QC Councilor Roderick Paulate. Masaya ring naki-jam ang direktor nilang si Bb. Joyce Bernal.

Smooth naman ang taping kung saan isa sa mga dapat abangan ay ang production number nina Ryan Agoncillo at Keempee, something that will surely bring the house down.

As previously written, nagkaroon ng konting hitches bago nasimulan ang taping ng Lady Dada dahil hindi pa naka-cast finally kung sino ang magiging love interest dito ni Ryan.

PARA HINDI MASABIHANG lumabag sa tinatawag na breach of trust ay ibinlind item ng kasamang Gorgy Rula sa Tweetbiz noong nakaraang linggo ang dating sexy actress na ngayo’y tatlong buwan nang buntis sa isang lalaki na sa ibang larangan nalilinya. Ganito katipid ang pagkakakuwento ni Gorgy sa kanyang segment, na kahit anong udyok naming magbigay ng karagdagang clue ay tumanggi siya. Nangako raw kasi si Gorgy sa aktres na ‘yon na hanggang doon lang muna.

Araw ng Lunes ‘yon, Huwebes nang muli kaming magkita sa taping ng Tweetbiz, that same day rin ay pinangalanan sa isang tabloid ang aktres na ‘yon: si Ynez Veneracion. At ang nakabuntis sa kanya: si Toto Mangudadatu ng Mindanao.

Early on, nakadalawang beses na naming nai-phone patch interview is Ynez, sumentro ‘yon sa kanyang umano’y kaugnayan sa nasabing personalidad. Wala raw silang relasyon, ani Ynez. Tinulungan lang daw niya ito noong kampanya para sa May 2010 elections.

Sabado, sa isa pang tabloid ay itinanggi ni Ynez sa ka-chat niyang reporter sa Facebook ang tungkol sa kanyang pagdadalantao, gayong Lunes bago ‘yon ay kausap nga niya si Gorgy sa telepono at ipinagtapat nga nito ang kanyang kalagayan.

Isa si Ynez sa mangilan-ngilang nagpapaseksi noon na kilala bilang prangka kapag kausap. Pero malaki ang kaibahan ng pagiging diretso at ng pagiging totoo. Dapat pa nga niyang ipagmalaki na anim na buwan mula ngayon ay makatatanggap siya ng regalo mula sa itaas, biyayang hindi niya dapat ipagsinungaling kung ang inaalala niya ay ang epekto nito sa kanyang career.

‘Yun ay kung meron pa.

Pepperoni
by Ronnie Carrasco III

Previous articleFanny Serrano, idinepensa ang sarili sa gay love scenes
Next articleParang ulam na masarap tingnan pero kulang sa lasa: Show ni KC Concepcion, sisibakin na rin?

No posts to display