BLIND ITEM: SUPER imbiyerna na pala ang isang kilalang negosyante sa isang aktor na may pagkakautang sa kanya ng mahigit isang milyon.
Hindi na kasi nagpapakita o nagpaparamdam man lang ang aktor sa sikat na negosyante matapos na ito ay mangutang. Nagpadala na ng demand letter ang abogado ng negosyante, pero deadma pa rin ang aktor pati na rin ang kanyang ina na kasama niyang nangutang.
With this, magsasampa na raw ng demanda ang negosyante laban sa aktor at sa ina nito. Sa korte na lang daw niya dadalhin ang problema niya sa aktor.
Inactive na ang aktor sa showbiz, wala na siyang project sa pelikula at maging sa telebisyon. Matagal na siyang wala sa eksena at hindi namin alam kung ano ang kanyang pinagkakaabalahan ngayon.
Noong unang mangutang ng P300,000 ang aktor sa negosyante ay magaling naman itong magbayad at on time. Walang naging problema ang kanyang inutangan kaya naman hindi nagdalawang-isip ang businesswoman na pautangin siyang muli.
Isa sa mga araw na ito ay lalabas na ang pangalan ng aktor kapag isinampa na ng negosyante ang demanda laban sa kanya.
HINDI NA KAMI nagtaka na si Melai Cantiveros, ang Kengkay ng GenSan, ang itinanghal na Big Winner sa Pinoy Big Brother Double Up Big Night.
Obvious naman kasing siya ang magiging Big Winner. Tinalbugan ni Melai ang apat pa n’yang katunggali na sina Paul Jake Castillo, Jason Francisco, Johan Santos, and Steve Jumalon.
Ang hindi lang namin ini-expect ay ang pag-third big placer ng dyowa ni Melai na si Jason Franciso. Ang feeling kasi namin, magiging second big placer siya kay Melai.
Anyway, deserving naman si Melai na magwagi. Sa simula’t simula pa lang naman ay siya na talaga ang nagpasaya at nagpasikat sa Bahay ni Kuya. Naaaliw sa kanya ang lahat ng televiewers at natural na natural siyang kung kumilos sa PBB house.
Ang balita namin, gagawan kaagad ng Star Cinema ng movie itong si Melai kasama ang Concert Comedy Queen na si Ai-Ai delas Alas.
BLIND ITEM: AWA ang naramdaman namin nang may magtsika sa amin na parang nawawala na sa sarili ang isang actress-politician na hindi na ngayon nakapuwesto.
Ang tsika sa amin, patambay-tambay na lang daw ito sa opisina ng isang dating aktor na ngayon ay isa nang matagumpay na politician. Ang nakaaawa rito ay parang luka-luka na ang aktres, parati siyang may dalang pusa at mukha siyang mabaho. Pinandidirihan nga raw ito kapag nasa tanggapan siya ng actor-politician para humingi ng tulong.
Sayang ang aktres na ito na magaling pa naman. Nasayang lang ang kanyang buhay dahil sa kanyang bisyo. Ngayon nga raw, pakalat-kalat na lang sa daan ang aktres at halos mukha nang pulubi.
Lex Chika
by Alex Valentine Brosas
