SI POKWANG ANG inaasahan ng mga televiewers na magtutulay para sa pagkakasundo ng mga nakababata niyang “kapatid” sa Banana Split. Pero, sa tanda niyang iyon, mukhang siya pa ang nagpalala sa gusot na namamagitan ngayon kina Angelica Panganiban, RR Enriquez at Cristine Reyes.
“Kitang-kita po ang ebidensya nang nagsalita si Pokwang sa SNN. Hindi po totoong inalok niya si Cristine ng dala niyang pagkain, hindi niya niyaya si Cristine to join them. Sa umpisa pa lang, sila na talaga lagi nina Angel at RR,”pagtatapat ng isang malapit kay Cristine na naiyak sa sobrang galit kay Pokwang.
“Noong hindi pa nagre-reformat ang show at wala pa sa cast si Pokwang, okey naman po sila. Lagi pa nga po silang nakikitang magkakasama sa Grams (resto o Cibo saksi ang Bullchit). Masaya po sila at madalas mag-chikahan. Hindi ko po naman sinasabing si Pokwang ang may kasalanan. Ang inaasahan namin, eh, siya sana itong magta-try kahit paano na huwag nang lumaki ang gusot, dahil nga lubhang nakatatanda siya. Pero iyon, nakita ng televiewers ang katarayan niya at kawalan ng malasakit na magkasundo-sundo sila.
“Kung hindi nakiki-join si Cristine sa topic nila kay Katrina Halili, maliwanag naman po ang dahilan. Kaibigan niya si Katrina at naawa siya rito, nakikisimpatiya.
“Sa totoo lang po, ang tagal nang ini-interview si Cristine tungkol sa mga blind items, pero tumatanggi siya. Pinagtakpan sila ni Cristine dahil umaasa itong maayos pa nila ang gusot.
“Hindi po totoong hindi nag-effort si Cristine na makisama sa kanila. Dati, nagpupunta pa si Cristine sa dressing room ni RR. Noon pa, nabanggit na ni Cristine kay RR ang plano niyang paglipat sa kabila. Kaya, nagtaka rin po kami nang itanggi ito ni RR. Napaka-plastic po niya.
“Kung hindi po close si Cristine kay Angel noon, bakit nagkasundo pa silang sabay kumuha ng culinary arts. Ngayon, parang ang saya-saya pa nila sakaling matuloy ang pag-alis ni Cristine.
“Wala pong alok si Cristine sa kabila. Siya po mismo ang tumawag sa isang kaibigan niya roon, para malaman kung puwede pa siyang bumalik. Okey rin sa kanya kahit anong role ang ibigay, basta makaalis lang siya sa show. Kahit nga raw maging kontrabida siya ni Carla Abellena sa Rosalinda, ayos na sa kanya. Ganu’n po katindi ang sama ng loob niya.
“Nagpaalam naman po siya kay Direk Edgar Mortiz. Nag-try naman po itong pagkasunduin sila. Pati sa P.M. nila at staff, nagsabi rin siya. Ginawa niya ang dapat gawin. Inihanda na rin po niya ang sarili sa posibleng mangyari.
“Totoong tao po siya. Ano naman po ang laban niya sa tatlo, samantalang siya ay nag-iisa? Hindi po ba sa tono ng mga interviews nila sa SNN, eh, wala silang pakialam kung aalis si Cristine? Iyon po, umiiwas lang po siya sa gulo.
Hindi madaling gawin ang iniisip ni Cristine, pero, handa siyang makipasapalaran uli. Aware siya na may manager siya at ito ang mas nakaaalam at nakapagdedesisyon para sa kanya.
Actually, nagtataka rin siya kung bakit may nasusulat na pati manager niya, hindi niya nakakausap tungkol sa mga pangyayari. Open po ang communication nila, siyempre. Tahimik lang ito. Sa kanya po manggagaling at sa Viva Films kung ano ang mangyayari kay Cristine at sa kanyang career in the next few days.
Hindi na nga po alam ni Cristine kung ano pa po ang nababalita tungkol sa kanya ngayon. Pinagpapahinga siya ng dentista niya, apat na molars ang binuksan at tinahi sa kanya. Magang-maga po ang mga pisngi at mukha niya. Iyon din po ang advice namin sa kanya. Ipinauubaya na niya kay Tita Veronique niya at sa Viva Films ang desisyon.
BULL Chit!
by Chit Ramos
