POSIBLENG MAGKAKABALIKAN naman daw sina Dennis Trillo at Cristine Reyes, ha?
May komunikasyon pa rin pala silang dalawa dahil close pa rin si Cristine sa pamilya ni Dennis.
Nu’ng na-interview nga ito ng Startalk, inamin naman ni Cristine na si Dennis ang isa sa hindi niya makakalimutan dahil na-touch daw ang heart nito.
Bongga, ‘di ba? Akala ko kung ano na ‘yung na-touch. Bata pa raw sila, at ayaw raw niyang isara ang ideyang hindi na sila magkakabalikan. Malay raw natin!
Pero itong si Cristine pala ay nanonood ng My Husband’s Lover at kinikilig siya kina Dennis at Tom Rodriguez.
Nag-text nga raw siya kay Dennis, at pinuri niya ito dahil sa magandang drama series nila na pinapanood pa nga niya minsan.
Mga Mata ni Lolita
by Lolit Solis
