Cristalle Henares, miyembro ng Azkals ang bagong BF!

DUMALO KAMI sa launching ng New You Solutions ng Belo Medical Group noong nakaraang Martes at masayang ibinalita ng mag-inang Vicki Belo at Cristalle Henares na ngayong 2012, kanilang pasimulan ang makabagong paraan sa pagpapapayat.

Napansin naming dumating din sa pagtitipon ang napapabalitang boyfriend diumano ni Cristalle na si Jason Sabio, ang miyembro ng Azkals na ayon pa kay Doctora Vicki, gustung-gusto niya dahil marespeto at nakakasundo niya sa maraming bagay lalo na pagdating sa mga usaping medikal. Parehong doctor pala ang mga magulang ni Jason kaya marami raw itong alam sa mga medical terms.

Kung sila na nga ni Cristalle, we’re very happy for her dahil naka-move on na siya mula sa break-up ng kanyang Lebanese boyfriend na naging seloso raw kaya niya kinalasan. Pak!

NGAYONG TAON, isi-celebrate ni Governor Vilma Santos ang kanyang ika-50 anibersaryo sa showbiz. Golden girl na ngang matatawag ang Star For All Season sa Philippine showbiz industry mula nang siya’y unang nagparanas ng kanyang galing sa pag-arte noong 1962.

Biro nga ni Ate Vi, ayan magkaalaman na nang edad pero hindi naman daw niya itinanggi na ganu’n na siya katagal talaga sa showbiz. Naman Ate Vi, kasi sa 50 years mo rito sa mundo ng showbiz, marami ka nang napatunayan at talaga namang hanggang ngayon, patuloy pa ring nagniningning ang iyong bituin.

May balak nga raw na isang proyekto ang ABS-CBN/Star Cinema na isang book launching tungkol sa buhay niya sa showbiz this year. Tiyak na kaabang-abang ang naturang libro tungkol kay Ate Vi dahil magsisilbi itong reference books sa future generations.

Congrats, Governor Vi!

NGAYONG LINGGO, sa ganap na ala-1:30 ng hapon, mapapanood na sa Paparazzi Showbiz Exposed ang inaabangang wedding special nina Congressman Roman Romulo at Councilor Shalani Soledad.

Panoorin ang buong detalye ng kasalan, mula sa preparasyon hanggang sa reception.

Pinaghandaan din ng staff ng show ang nasabing episode dahil may mga special segments pa tungkol sa kanilang love story, mga interviews ng kanilang mga mahal sa buhay at ang iba pang mga behind the scenes na talaga namang sa Paparazzi lang mapapanood. Ayan ha, tutok na sa TV5 ngayong Sunday, January 29, 1:30 ng hapon.
Sure na ‘to
By Arniel Serato

Previous articlePinoy Parazzi Vol 5 Issue 19 January 25 – 26, 2012 Out Now!
Next articleOyo Boy, ‘di nagugustuhan ang pakikipagrelasyon ni Vic sa sobrang batang babae!

No posts to display