Cory movie, ipapaalam pa ni Vilma Santos sa taga-Batangas

OLACHIKKA………..BUONG-BUO na nga ang suporta ni Kris Aquino sa kanyang kapatid na senator na si Noynoy Aquino. Sa kabila ng ilang mga bumabatikos ay lantarang ibinunyag ni Kris kung ano ang kanyang saloobin at binawi na nga ni Kris ang kanyang naunang pahayag na hindi niya gustong mag-asawa ang kanyang kapatid na senator. Bagkus, 100 percent na gusto niya itong magkaroon ng pamilya. Kaya ayaw ng TV host na mag-asawa si Noynoy ay sa kadahilanang mahal na mahal ito ng kanyang anak na si Joshua. Yayo nga raw ni Joshua si Noynoy at ito nga ang humalili sa pagmamahal na ibinigay ng dating pangulong Cory kay Josh.

Ngayon na nagdeklara na ng kanyang pagtakbo sa mataas na posisyon si Noynoy, binawi na ni kristeta ang naunang pahayag. Sinabi rin niya na kung kailangang talagang may First Lady ay siya ang gagatos sa lahat ng kailangan sa kasal. At least, may yayo na si Joshua, may yaya pa. Ha! Ha! Ha! Kalerke, ha! Sa ngayon, lahat ng isinusuot ni Noynoy at kahit ang pagpapagupit ay si Kris ang lahat ng gumagawa. Kalerke, ha! Dahil lahat na nga ng tungkulin ni tita Cory ay si Kris ang nag-aasikaso at gumagawa. One hundred percent ang buong suporta ng buong pamilya. Hindi kaya mapapabayaan ni Kris ang kanyang pamilya? Ang tsika, gagamitan ng wig ang buhok ni Noynoy. Kalerke, ha!

NGUNIT SA KABILA ng lahat ng ito ay may mga tsika pa rin na naglabasan. Naloka nga ako dahil ayon sa nakarating sa akin, si Kris nga raw ang magpapabagsak sa pagtakbo ni Noynoy. Ganu’n? Naloka ako kaya ang tanong ko ay bakit?

Speaking of Tita Cory, tinanggap na nga ni Star for All Seasons Vilma Santos ang hamon na gaganap siya sa papel na Cory Aquino. Matagal daw na pinag-isipan ito ng actress. Ang nakakalerke ay magpapaalam daw muna siya sa mga taga-Batangas. Ano raw? Ang tanong, bakit kailangan pa niyang magpaalam sa mga kabalwarte niya? Kung ayaw ba ng mga taga-Batangas ay hindi rin ba tatanggapin ni Vilma ang proyekto? Kaloka, ha! At ang isa pa sa nakakaloka ay kung si Piolo Pascual daw ang gaganap na Ninoy, para raw mag-ina ang dalawa. Ha! Ha! Ha ! In fairness, Piolo Pascual ‘yan, ‘di ba? ‘Yun na!

Ooola Chika
E-mail: [email protected]
by Tita Swarding

Previous articlePremiere Shots: Kimmy at Dora, dinagsa ng stars
Next articleMommy Dionesia, deadma sa namatay na production staff – Ronnie Carrasco

No posts to display