Claudine Barretto, bitter-bitteran kay Judy Ann Santos?!

OLA CHIKKA! HINDI ko maintindihan kung bakit pati itong si Claudine Barretto ay bitter na rin sa issue tungkol kay Judy Ann Santos at Sen. Jamby Madrigal. Nakita ng aking parazzi girl sa internet ang post ni Claudine na halos ipunto niya na kung walang Judai, walang Jamby! Bakit ba ipinagpipilitan ng mga tao na dahil kay Judai lamang nanalo ang senadora, eh, nag-effort din naman si Sen. Jamby, at in the first place, bayad itong si Judai kaya tumigil-tigil sila. Magreklamo sila kung hindi sila binayaran, ‘di ba? Naku ha!

Gaya nga ng sinabi ko sa aking proprama sa radyo ay talaga namang first choice ng senadora itong si Claudine ngunit dahil sa beauty ko, hindi natuloy ang pag-endorse ni Claudine para kay Sen. Jamby. Hindi naman talaga pang-masa ang beauty ni Claudine, hanggang pang middle class lamang. Hindi tulad ng kay Judai na kahit na siguro ang nasa ilalim ng lupa ay mapapahanga niya. Kaya ayun, si Judai ang kinuha.

Dahil ba naagawan ng proyekto si Claudine noong nakaraang eleksiyon at sumama ang loob sa senadora sa hindi pagkuha sa kanya, kaya ngayon ay nakikisawsaw itong dating prinsesa ng Dos?! Or tanggap na niyang hindi niya matatalo si Judai, kung noon sa showbiz maging sa pulitika lost pa rin ang beauty niya?!

Ay, naku Claudine! Don’t worry, dahil kung sakaling magbago ang isip nitong si Sen. Jamby at muling kumuha ng artista malay mo, ikaw naman ngayon ang kunin niya! Ha-ha!

ENOUGH OF THIS hatred issue na nga. Ikinatutuwa kong ibalita sa inyo na sa kabila ng mga problema at kabaliwan ng mga tao sa ngayon, may naiiwan pa ring kabaitan sa kanilang mga puso kaya naman nararapat lamang siguro na sila ay ating pasalamatan, ‘di ba?!

Noong martes ay amin ngang naka-chikahan itong si Dr. Philip Cruz na isang napakagaling na doktor at mula sa kanya ay napag-alaman namin na may ilang artista rin ang kusang tumutulong sa mga ospital sa Pilipinas tulad na lamang doon sa Philippine General Hospital – tulad nina Kris Aquino, Ricky Davao, Aiza Seguerra at marami pang iba.

Simpleng pasasalamat lamang ngunit sana ay mas marami pang mabuting loob ang tumulong sa mga nangangailangan. Bonggacious!

BLIND ITEM: PITIK-BULAG! Sino siya?! Sino itong dating sexy actress na matapos makulong ng anim na buwan ay muli nang nakalaya?!

Yah, you heard me right, nakulong lang naman siya… nakulong sa rehabilitation sa Pampanga hindi sa presinto, ah! Matapos ngang mahuling gumagamit ng bawal na gamot, anim na buwan na ang nakararaan, muli nang nagbabagong-buhay itong sexy actress, kahit anong bisyo ay wala na sa kanyang buhay – alak, yosi, lalaki, lahat exit na!! Taray, ‘di ba?!

Sino itong sexy actress na nakalaya na mula sa drug rehabilitation? P. M. ang initials, kung hindi n’yo mahulaan, hanapin n’yo na lamang ang sagot sa radyo. ‘Yun na!

Para sa mas maiinit  pa na chika at makatotohanang balitaktakan pakinggan n’yo po kami sa DWBL 1242 khz kasama ang sosyalera kong co-host na si Michelle Junia every Monday to Friday mula 8 hanggang 9 ng umaga at sa RHTV / DZRH tuwing linggo 2:30 to 3:30 pm. This is your Tita Swarding saying thank you very much and God Bless!

Ooola Chika
E-mail: [email protected]
by Tita Swarding

Previous articleJanna Dominguez, lumipat na sa Siyete dahil kay Anjo Yllana?!
Next articleRegine Velasquez at Ogie Alcasid, napigilan ng Siyete na lumipat sa Singko!

No posts to display