Christian Bautista, susubukang makapasok sa London music scene

Chirstian-BautistaNAKADALAWANG AWARD na napanalunan si Christian Bautista sa katatapos na 7th PMPC Star Awards For Music. Ito ay ang Male Pop Artist of the Year para sa kanyang album na Soundtrack under Universal Records, at ang Music Video of the Year para naman sa kanta niyang The Way We Are, kung saan nakasama niya si Rachel Ann Go at idinirek nilang dalawa ng brother niyang Joshua Bautista.

“It’s really a real treat!” nangiting sagot ni Christian nang matanong kung ano ang kanyang feeling sa dalawang award na napanalunan. “And parang mas lalakas ang loob ko pa to be better as a performer and as a singer. Alam mo ‘yon? Every year dapat lagi kang may bago na inilalabas eh, to challenge yourself.”

Plano raw niyang magkaroon ng celebration o party kaugnay nito.

“Oo. Celebration dapat! Siguro mga a week after. Siyempre… preparation para rito!” tawa niya.

“Early Christmas gift ko na ring itinuturing ang dalawang awards na ito. May Christmas gift na kaagad sa akin, kaya I’m so happy. Thank you sa PMPC. Thank you!”

Kababalik lang ni Christian mula sa UK, kung saan aniya ay meron siyang ginawang special project. Ano nga bang proyekto ito?

“Meron akong project sa London na single na iri-release ko ro’n. Kaya ako parang sikretong pumunta roon. Nag-shoot ako ng music video roon. Nag-photo shoot, pero hindi ko muna sinasabi. Iri-release ko siya sa London ng December 14.

“Ang title no’ng song… Who Is She To Me. It’s a song that talks about a new love brewing and blossoming into something that changes everything into someone’s life. This is my first single to debut in the UK. It was written by Michael Shepstone of The Rockes and Clive Lukover of BBC1 and produced by Christian de Walden who has produced hits for Engelbert Humperdinck among others.”

The said song was musically arranged by Randy Kerber who earned an Oscar nomination for Best Original Score for the movie Color Purple and nominated for a Grammy for his arrangement of Over The Rainbow for Barbra Streisand and was sound engineered by Christian Robles.

Ang music video naman nito ay idinerehe ni Leon Mitchell and was shot entirely in London.

“It will be available soon on your favorite music video channels aand YouTube. You can check out the teaser by following this link:https//Youtu.be/OSSRfowk-pA,”excited na sabi pa niya.

“I don’t know what’s gonna happen. Pero gusto ko talaga maka-break do’n. So. whatever happens whether good or bad, at least nag-try ako.”

Bakit isang single o song lang, hindi pa niya binuong isang album? “Ngayon kasi, kapag napansin mo ‘yong mga music… single muna, tapos, single, tapos single, tapos album.”

May plano na bang bagong collaboration nila ni Jessica Sanchez? “Wala pa.”

Any acting project or teleserye for him sa GMA 7 coming up? “Baka next year na lahat.  Kasi katatapos lang ng My Mother’s Secret at saka ‘yong hosting ko sa To The Top eh, so next year na ulit.”

Kung sa bagay, fully booked ang schedule niya sa kanyang mga commitments abroad. “Hanggang January. Pero rito ako mag-spend ng Christmas at New Year with my family sa Cavite.

Malapit na ang Pasko. Loveless pa rin siya? “Secret!” sabay ngiti niya.

Parang meron na siyang bagong special someone ulit? “Ano lang… basta private na lang ang tungkol diyan. Private na lang,” muling nangiting pag-iwas ni Christian.

May Christmas wish ba siyang gustong hilingin for this year? “Sana mawala na ‘yong tanim-bala sa airport natin. Hindi lang ako ang mabiktima no’n, lahat!

“At sakaling mangyari rin iyon sa akin, lalaban ako. Ipu-prove ko na biktima ako at wala akong dalang bala. Kaya kada alis ko going abroad, nag-iingat ako. Nira-wrap ko ‘yong bag ko ng plastic.

“Sana wala nang mangyari na gano’n. Kasi may mga kibigan ako, takot na takot at napa-praning. Eh, ang gawin na lang… i-video mo ‘yong bag mo habang nira-wrap mo ng plastic at bago mo i-seal. Tapos sabihin mo sa lahat ng tao, mag-i-airport ako, wala akong bala, ganyan.”

Rubbing Elbows
by Ruben Marasigan

Related Post

loading...

One thought on “Christian Bautista, susubukang makapasok sa London music scene

Leave a Reply

Your email address will not be published.