AFTER NG matagumpay na concert ni Ms. Token Lizares sa Teatrino, Greenhills ay in-announce nito ang pagkakaroon ng album bago matapos ang taon na katulad ng nasimulan nito, ang benta ng kanyang album ay itutulong niya muli sa kanyang mga foundation.
Bukod nga sa paggawa ng album at sa pagkakaroon ng charity concert, gusto rin daw ng Charity Diva na mag-undergo ng acting workshop. Matagal na raw kasing gustong maging comedienne ni Ms. Token, gusto raw nitong laging masaya at nagpapasaya ng tao.
Kaya naman bilib na bilib at saludo siya sa lahat ng komedyante dahil binibigyan nila ng kulay at kasiyahan ang mga taong nanonood sa kanilang palabas at ang mundo nga ng pagpapatawa ang isa sa mundong gustong pasukin ni Token bukod sa kanyang husay sa pag-awit.
John’s Point
by John Fontanilla
