‘Boss’ sa Bridge Project Scam ni GMA, Ihahayag ni Osmeña

PAPANGALANAN UMANO ngayong araw ni Sen. Serge Osmeña III ang utak ng nabunyag na umano’y maanomalyang public works projects na umabot ng P111 bilyon.

Una nang tinukoy ni Osmeña si Kasangga Party-List Rep. Teodoro Haresco na siyang may direktang kaugnayan sa mga proyekto na nag-ugat pa noong administrasyon ni dating Pangulong Fidel V. Ramos hanggang sa pamumuno ni dating Pangulong Gloria Macapagal-Arroyo.                                                                                                                               Sinabi ng senador na uungkatin sa gagawing pagsisiyasat ng Senate blue ribbon committe ang mga kontrata na pinalutang na isang “government-to-go-vernment transactions” para makaiwas sa bidding requirements ng batas.

Maliban sa overpriced ang nasabing mga proyekto, hindi rin aniya napakinabangan ng publiko.                                                                                                                                   “Iyong kay Ramos, ODA (Official Development Assistance) iyon. Iyong kay Erap, ODA iyon… When Gloria became president, hindi na ho ODA ito, wala nang grant, wala nang government-to-government relationship,” ani ng mambabatas.

Binanggit din ni Osmeña na habang nasa gobyerno, nanilbihan din si Haresco bilang special representative for promotions ng British bridge-building firm na Mabey & Johnson Ltd.                                                                                                                         Samantala, noong 2009, hinatulan ng Serious Fraud Office ng British government ang naturang kumpanya kaugnay sa akusasyong panunuhol ng ilang foreign politicians.

(PARAZZI REPORTORIAL TEAM)

Tags: ,
Balita

About the Author

has written 12690 stories on this site.

loading...

Leave a Reply

Your email address will not be published.