Bb. Pilipinas organizer, palpak!

OLA CHIKKA! UMIINIT na naman ang aking ulo rito sa mga kapalpakan ng sistema ng ating bansa. Isa na rito ang pamamalakad sa pageant ng Bb. Pilipinas. Dapat palitan na ang mga organizer ng pageant na iyan dahil may mga nakakasaling hindi naman pala qualified, tapos kapag nagwagi na ay ide-dethrone.

Hindi ba nila alam kung gaano kalaking kahihiyan ang ipinagsasawalang-bahala nila?! Kung sila kaya ang makaramdam ng sobrang kaligayahan at sa isang iglap ay mawala dahil sa kasalanan na hindi naman siya ang gumawa? Pagkukulang na iyan ng mga organizer na dapat ay sinisiguro nilang walang anomalya ang mga contestants nila.

May mga balita pa na aabutin pa ng siyam-siyam bago makuha ng winner ang kanilang prize dahil ang tanging naiuuwi nila ay ang korona nila. Eh, anong gagawin nila sa korona?!

Hindi ba nila naiisip na hindi lang basta kagandahan ang ipinaglalaban sa beauty pageant lalo na ang Bb. Pilipnas dahil sila ang nagrerepresenta ng ating bansa lalo na at kapag lumaban na sila sa Ms. Universe. Hindi nila gayahin ang ibang mga bansa na mula pagkabata ay hinuhubog na nila kapag may nakita silang potential. Ganyan din dapat dito sa Pilipinas.

Hindi dapat balewalain ang isang beauty pageant, hindi nila dapat itulad sa showbizness na kapag laos ka na, wala ka nang dating. Oras na siguro para palitan ‘yang mga organizer nila dahil siguro sa sobrang tanda na ay lumalabo na ang mga mata at hindi na nakikita ang mga bagay na dapat bigyang importansiya! Naku, huh! Hindi dapat ganyan!

SA KABILANG BANDA ay dumako naman tayo rito sa Halalan 2010. Hanggang ngayon ay hindi pa rin natitigil ang balitang nilaglag na raw umano ng kampo ni Mike Defensor itong si Aiko Melendez. Pinabulaanan naman ng campaign manager at chief legal counsel ni Mike Defensor na si Atty. Vic Rodriguez ang isyung iyon.

Ayon kay Atty. Rodriguez, bilang campaign manager ni Mike ay may karapatan siyang magsalita at protektahan ang lahat ng kandidatong nasa kanilang partido at pinatunayan na walang katotohanan ang pagbabasura nila kay Aiko. Malamang daw ay pakana lamang ito ng kanilang kalaban upang buwagin ang kanilang samahan. Kaya ano mang intriga ang ibinabato kay Aiko, paniguradong paraan lamang nila ito para pabagsakin siya.

BLIND ITEM: PITIK-BULAG! Sino siya? Sino itong dating basketball player na talaga namang napakahusay sa paglalaro dahil maging sa totoong buhay ay ginagamit ang pagkabasketbolista! Bhuket?!

Napadpad kasi sa south ang aking parazzi girl at doon ay nakita niyang mala-happy family ang drama nila ngunit tanong n’yo kung ano ang kakaiba? Dahil happy family nga sila ngunit hindi naman niya ito tunay na anak. At itanong n’yo kung kanino? Ang totoong ama nito ay walang iba kundi ang napaka-yummy na hunk actor na sobrang puti na puwede sa drama at puwede rin sa comedy.

Ang taray naman nitong basketball player kung may award na best rebounder sa totoong buhay, tiyak winner na siya! Ha-ha! Sino itong dating basketball player?! Naku, ‘wag nang mag-clue dahil talagang given na! ‘Yun na!

Ooola Chika
E-mail: [email protected]
by Tita Swarding

Previous articleRuffa Gutierrez, hinahabol pa rin ng ex-husband
Next articlePremiere Shots: Ang Pag-ibig Nga Naman… (Christian Bautista)

No posts to display