NAGKAROON NG BONGGANG launching ng bagong CD album si Dingdong Dantes na pinamagatang The Dingdong Dantes Experience ng Universal Records.
Apat na music video ang nakapaloob dito na dinirek ng mga kilalang MTV directors na sina Louie Ignacio, Rico Gutierrez, Adrian Calumpang at Treb Monteros.
Medyo sexy ang dating ng ibang MTV na ginawa ni Dingdong pero bitin pa rin ang mga bading dahil mas gusto sana nila lumabas lalo ang kaseksihan ng aktor na naturingan naman itong One of the Sexiest Men in the World.
Doon sa launching na ginanap sa Circa bar sa Eastwood, si Marian Rivera pa rin ang inurirat nang husto kaysa kay Dingdong dahil obviously, aminado na sila sa kanilang relasyon.
Hindi na nila itinatanggi at sabi nga ni Marian, sana pang-habambuhay na ang relasyon nila. Sey naman ni Dingdong, si Marian na ang ultimate love niya.
Agree nga siya sa kuwento ng iba na paborito si Marian ng pamilya ni Dingdong pero mas mabuting sila na lang daw sana ang magsabi niyan dahil hindi pa naman niya ito naitatanong sa magulang niya. Pero nakikita raw nilang nagustuhan nila si Marian at natutuwa siya dahil tanggap nga ito ng pamilya.
Sa susunod na buwan ay magkasunod ang birthday nila ni Marian pero wala pa raw silang napag-usapan kung ano ang balak nila sa espesyal na araw na iyun.
Meron na raw siyang inihandang regalo para sa birthday ni Marian pero wala pa raw siyang ideya kung ano naman ang ibibigay ng dalaga. Matagal na raw niyang pinaghandaan ang ireregalo kay Marian at isang mamahaling bagay raw ito na isusuot ng aktres. Pero tinitiyak niyang hindi ito singsing o mamahaling alahas.
Ang isa pa lang daw sa plano niya ay ang itatayong foundation na hindi pa niya muna puwedeng sabihin sa ngayon. Basta matagal na raw niyang pinaplano ito na sana mabuo na at balak niyang i-launch ito sa kanyang kaarawan.
Kahapon naman ay nag-pictorial na si Marian para sa Darna dahil malapit na itong magsimula.
Wala pa rin daw siyang plano kung ano ang gagawin niya sa kanyang kaarawan, pero meron na rin daw siyang pinaghahandaan para sa kaarawan ni Dingdong.
NASULAT NA KAMAKAILAN lang ang tungkol sa isang guwapong young
actor na mukhang may matinding karamdaman, at ngayon nga raw ay patuloy ang blood transfusion dito.
Tinanong namin ang nagsulat ng blind item na ito kung sino itong young actor, nabigla kami nang sinabi niya sa amin dahil napansin nga naming pumapayat itong guwapong young actor.
Wala kaming pagkakataong itanong ito sa young actor dahil baka wrong timing lang. Hindi rin namin matanong sa kanyang manager at baka talakan kami.
Pero marami na ang nakapansin na pumapayat ito pero mukhang okay pa rin naman.
Sana nga magawan pa ng paraan at hindi na lumala ang sakit niya dahil sayang naman at napakabata pa ng aktor na ito.
Kahit medyo may kasupladuhan at halos hindi kami mabati ng young actor na ito, hangad pa rin namin ang paggaling niya at sana nga huwag nang lumala ang kung anong sakit meron siya.
by Gorgy’s Park
