Ano ang Ibig Sabihin ng Small Claims Court?

Dear Atty. Acosta,

 

GUSTO KO pong maghain ng reklamo sa korte upang masi-ngil ko ang mga may utang sa akin. May nakapagsabi sa akin na sa small claims court lamang daw ito. Ano po ang ibig sabihin nito?                                                                                 

 

Ms. Perlie

 

Dear Ms. Perlie,

 

ANG MGA small claims court ay itinalaga upang mabawasan ang bilang ng mga kasong dinidinig ng mga regular na hukuman. Ang mga usapin kung saan ang kabuuan ng pinag-uusapang halaga maliban sa interest at cost ng pagdedemanda, ay hindi lalampas sa isang daang libong piso (P100,000) ay nasasaklawan ng ating mga small claims court.

Nagtalaga ang ating Kataas-taasang Hukuman ng alituntunin at proseso na susundin sa mga usapin sa small claims court. Ito ay makikita sa SC En Banc Resolution No. A.M. No. 08-8-7-SC na may petsa na October 27, 2009.

Ayon sa Section 4 nito, ang mga alituntuning ito ang kailangang sundin ng Metropolitan Trial Courts, Municipal Trial Courts in Cities, Municipal Trial Courts at Municipal Circuit Trial Courts sa mga kaso na purong sibil lamang kung saan ang hinihingi ng nagdedemanda ay ang pagbabayad lamang sa kanya ng pera o ang sibil na aspeto ng isang kriminal na kaso na nauna nang inihain bago sa kriminal na aksyon o inireserba ang paghain nito ng naghain ng kriminal na aksyon alinsunod sa Rule 111 ng Revised Rules of Criminal Procedure.

Ang mga halagang hinihingi na ito ay maaaring magmula sa: a) perang dapat bayaran alinsunod sa Contract of Lease, Contract of Loan, Contract of Services, Contract of Sale o Contract of Mortgage; b) damages na natamo ng isang nagrereklamo dahil sa fault o negligence, quasi-contract o contract; c) pagpapatupad ng isang kasunduan sa baranggay o ibang arbitrasyon kung saan ang pinag-uusapan ay may perang kasama.

Upang makapaghain ng reklamo rito, kailangan lamang magsumite ng isang beripikadong Statement of Claim at Certificate of Non-Forum Shopping kalakip ang dalawang sertipikadong kopya ng dokumento na pinagbabasehan ng kanyang hinihinging halaga (Section 5, SC En Banc Resolution No. A.M. No. 08-8-7 dated October 27, 2009). Mayroong mga form na kailangan lamang punan ng nagrereklamo.

Ipinagbabawal din ang representasyon ng isang abogado sa magkabilang panig maliban na lamang kung ang mismong nagrereklamo o inirereklamo ay isang abogado. Gayunpaman, kung ang alinman sa partido ng kaso ay walang kakayahan na maayos na maipresenta ang kanyang posisyon at kinakailangan nito ang tulong ng iba, maaaring magtalaga ang hukuman ng ibang tao na hindi abogado upang tumulong sa partidong nangangailangan nito, kung nais ito ng huli.

Layon ng small claims court na mas mapabilis ang pagtugon sa mga suliraning kanilang nasasaklawan. Dahi dito, higit na payak at mas madali ang proseso na sinusunod dito.

Nawa ay nasagot namin nang lubusan ang iyong katanu-ngan.

Atorni First
By Atty. Persida Acosta

Related Post

loading...

8 thoughts on “Ano ang Ibig Sabihin ng Small Claims Court?

  1. Saan po ba pwede maghain ng small claim court? Gusto ko po kasi mabayaran pa ng nangutang sakin ung utang nyang 10,000. Kalahating taon napo kasi puro pangako lang, kung di npo talaga mababayaran tulungan nyo po ako kung paano ko makakapagsampa ng kaso para maipakulong sya.

  2. hello po, sangguni ku lng po nagharap na kami isang beses sa brgy. peru ff months po nag chat at saka nag utos sya nang tao na may hearing na daw kami sa court ksi may CFA na sya, hindi kami sumipot sa first hearing kasi sa chat at sa inutusannyang tao magkaiba na address binigay nla. at nag sampa sya nang small claim sa akin. ask ku lng ok lng ba yun na walang notice sa court regarding sa hearing? ok lng po ba na e chat o e utos lng nag complainant ang schedule of hearing?? at pwedi ba akung makulong sa kaso nang small claim?? salamat po ng marami. sana masagut.

  3. atty.naisasangguni ko po sana ung problema ko sa small amount case na inihain ng cashwagon sa akin. Nakapagbayad na po ako ng kalahati sa lahat na tubo na ginawa nila. 7300.00 ang unang text nila. sa ngayon tapos na daw ung palugit nila at nagbayad po ako ng 3700 sa kanila db po 7300 dapat po 3600 na lang ngayon po sinisingil nila ako ng 4100.00. Nagtext po ako na kung pwede sa first week po ako magbabayad. Ayaw po pumayag. ano po gagawin ko atty.?

  4. Ako po nireklamo sa barangay pero di ako sumipot pero sumulat ako na un complainat ay wala ako transaction sa kanya dhil sa mrs. Nya nman ako umutang at un mr. Nya n ngcomplaint s akin ay wala sa personal knowledge tungkol sa agreement nmin ng mrs. Nya, utang ko po 20 thousand pero nkbyad n ako sa kanya ng mhigit 40thoisand pero cnicngil p rin ako, over interest n po kc capital plus interest kya lumobo ng husto. Pls. Tulong po, tnx

  5. Hi gudmorning po..mtnong ko lng po sna kung pwede pa po bng mgrklmo kpg sa unang beses na pgrreklmo nya ay ndismiss na po ang kso na isinmpa nung una..kc po gsto po ulit mgsmpa ng kso sa mama ko small claim dw po.,kc po hnd po nkbyad c mama sa nhiram nyng pera,nung nkraan po mgbbyd po sna c mama kso ayw pong tnggpin,lumki po ng lumki utng ni mama dhil po sa tubo ng ngpautng sa knya.,ngyn po mgrreklmo dw po ulit ung ngpautng ky mama..sna po mkakuh po ako ng sgot sa inyo..maraming slamt po.

  6. Hello po,sangguni ko po ang problema ko.ako po ay ofw.nag loan po ako sa isang lending.nabayaran ko na po ang capital at tubo.ngayon po sinisingil po ako sa penalty.tinatakot po ako na hindi nako makakaalis pag diko bayaran ang penalty.ano po gagawin ko.need your help.salamat po

  7. Hello po. Ask ko lang po if pwede ko ba ireklamo sa barangay ang kapatid ko sa ginawa nyang paninirang puri sa akin sa facebook. Nag away kasi kmi. Sa halip na mag usap ng maayos, nagpost na ng nagpost sa fb regarding sa akin lahat lahat na favorable sa side nya angvmga kwento. Di ko na sana patulan, kaso andun ang buo kong pangalan sa posts nya. Di ko na din sinasagot post nya trying to manahimik at wag na pansinin. Kaso the more na nananhimik ako, di xa tumitigil. Sabi ko, pag d xa tumigil ipapabarangay ko sya. Sinagot nya ako na pablackmail din. Me utang kc ako sa homecredit at hindi regular ang pagbabayad ko. Yon ang pambablack nya sa akin na kesyo pagpinabarangay ko daw sya, ituturo daw nya ako sa kakilala nilang me posisyon sa homecredit. Kc sinasabi nya nagtatago daw ako, ahente po ako ng sasakyan yon ng source of living namin ng pmilya ko, so hindi ako pde magtago paano ako makakabenta ng sasakyan kung nagtatago ako. Kailangan ko nga ng exposure ng name at contacts ko para madami inquiries.
    Pwede ko ba ipabarangaykahit kapatid ko sya. Tatanggapin ba ng barangay yon,?

Leave a Reply

Your email address will not be published.

This site uses Akismet to reduce spam. Learn how your comment data is processed.