Annulment ng pekeng kasal

Dear Atty. Acosta,

SUMULAT PO AKONG muli sa kadahilanang gusto ko pong maliwanagan kung bakit po kailangan pang ipa-annul ang isang pekeng kasal.

Ako po ay may kinasama nang sampung taon. Nagkaanak po kami ng dalawa. Sa kagustuhan ko pong maisunod sa apelyido ko ang aking mga anak, gumawa po kami ng isang pekeng marriage contract at iniba rin po namin ang aming taon ng kapanganakan. Noong ako po ay mamasukan sa isang trabaho, hiningian po ako ng authenticated na marriage contract kaya ang pineke naming marriage contract ay naparehistro sa NSO at mayroon nga pong record doon. Wala po talagang nangyaring seremonyas o anumang pagharap sa isang taong magkakasal sa amin at wala kaming marriage license.

Batay po sa mga nasubaybayan ko sa inyong kolum, kailangan pa rin po palang ipa-annul ang isang kasal kahit ito ay peke. Paano po ba ang proseso noon? Sa ngayon po kasi ay hiwalay na kami ng aking dating kinakasama at meron po akong bagong kinakasama. Meron po kaming anak. Maaari po ba akong kasuhan ng dati kong kinakasama kahit wala siyang pinanghahawakan na legal na dokumento? Nais ko pong maging maayos lahat bago po ako magpakasal muli.  Gusto ko rin pong malaman kung malaki po ba ang gagastusin sa pagpa-file ng petisyon para mapawalang bisa ang pekeng kasal? – Leopoldo

 

Dear Mr. Leopoldo ,

BAGAMAN MASALIMUOT ANG sitwasyong kinalalagyan mo ngayon, susubukan nating intindihin ang iyong suliranin at bigyang kasagutan ang iyong mga katanungan.

Una sa lahat, dapat mong malaman na ipinagpapalagay ng ating batas na ang lalaki at babae na kumikilos na parang mag-asawa ay pumasok sa isang kasal na naaayon sa batas. Ito ay ang tinatawag ng ating Revised Rules of Court na disputable presumption.

Sa iyong sitwasyon, kahit na inaamin mong pineke lamang ninyo ng iyong unang kinasama ang inyong marriage contract, hindi maipagkakailang kayo ay nagsama bilang mag-asawa. Sa katunayan, ayon sa iyo, kayo ay may anak na dalawa at ito ang naging dahilan ng pagkakaroon ninyo ng pekeng marriage contract para lamang maisunod mo sila sa iyong apelyido.   Samakatuwid, sa mata ng ating batas at lipunan kayo ay legal na mag-asawa ng una mong kinasama lalo na’t may marriage contract kayong nakarehistro sa National Statistics Office kahit ito man ay peke ayon sa iyo.

Ang kawalan ng isa sa mga essential at formal requisites ay magdudulot ng pagkawalang-bisa ng isang kasal.

Ayon sa iyo, walang seremonyas na naganap noong kayo ay ikasal at wala rin kayong marriage license na isinumite.  Dahil sa kawalan ng mga nabanggit, maihahanay ang inyong kasal sa marriage void ab initio. Subalit, tulad ng iyong nabanggit, kinakailangan munang ideklara ng hukuman na walang bisa na ang nasabing kasal bago kayo makapagpakasal muli. Hayagang ipinag-uutos ng Artikulo 40 ng ating Family Code na ang pagiging walang bisa ng isang kasal ay maaaring magamit upang makapagpakasal ng muli lamang kung may pinal na hatol na ang hukuman na ang kasal ay walang bisa.  Hindi natin maaaring ipagwalang bahala ang nasabing batas. Kaya naman, hindi ka pa maaaring magpakasal muli kung ang una mong kasal ay hindi pa napapawalang bisa.

Kaugnay nito, kinakailangan mong magsampa ng Petition for Declaration of Nullity of Marriage. Hihilingin at papatunayan mo sa hukuman na nararapat lamang na mapawalang bisa ang iyong kasal sapagkat walang seremonyang naganap at walang marriage license noong kayo ay ikasal. Ang mga posibleng gagastusin mo kapag ikaw ay nagsampa ng kaso ay ang filing fee at ang ibabayad mo sa iyong kukuning pribadong abogado. Ibig sabihin, ang halaga na iyong magagastos ay nakadepende sa usapan ninyo ng iyong pribadong abogado.

Tungkol naman sa iyong katanungan kung maaari ka bang sampahan ng kaso ng iyong unang kinakasama, ang matibay na kasong maaari niyang isampa sa iyo ay Action for Support para sa dalawa ninyong anak. Maaari rin siyang magsampa ng Violation of Republic Act No. 9262 o mas kilala sa Anti-Violence Against Women and Their Children Act of 2004 (VAWC) kung sa tingin niya ay nilabag mo ang nasabing batas. Ito ay nakadepende sa inyong sitwasyon ngayon.

Atorni First
By Atty. Persida Acosta

loading...

10 thoughts on “Annulment ng pekeng kasal

  1. Magandang araw po,ask kulang po ang dating kinakasama ko po may marriage contract po cya na hinawakan, na Hindi po kami kinasal at Wala pong nangyaring kasalan, at lalo na po wala po akung penelapan na papil, anong gawin ko po kasi kumoha po ako nang cenomar positive po, tapos po tningnan ko po ung marriage contract po namin, iba po ang perma sa marriage gawagawa Lang po nila ung perma, anong gawin ko po kasi may kinakasama na po ako ngaun, gusto ko po magpakasal kami please po anong gawin ko po,,,,

  2. Magandang araw po,, ask Kolang po ang dating kinakasama ko po may marriage contract po cya na hinawakan, Hindi po kami kasal, anong gawin ko po kasi may kinakasama na ako ngaun gusto ko po magpakasal kami, anong gawin ko po,,

  3. Atty tanong ko lng po ano po ang dapat nming gawin ng mr ko para maging legal ung kasal nmin noong december 22, 2001, 17 years old plng po ako noon.pwede po bang mag pakasal nlng kmi ulit ngayon na hindi n kailangan pang ipawalang bisa ung na una nming kasal?salamat po

  4. gud pm po maam, kinasal po ako sa edad na 16 years old pero pinalabas ng mga relatives ko para makasal ako dun sa lalaki na gusto nila para sa akin at nkasal nga po kami pero nagkahiwalay din at mayron po kaming isang anak ngaun po ano ang gagawin q para mapawalang bisa ang aming kasal? maam sana po maadvisan mo aq sa mga dapat kong gawin .. maraming salamat po..

  5. Good morning, atty! nagpagawa lang kami ng “AFFIDAVIT OF 5-YEAR COHABITATION” kahit hindi naman totoo na “live-in couples” kami para lang makasal sa judge sa butuan city noong 2004.i know na null & void eto at the very first place.hindi rin namin pinasubmit yung marriage cert sa nso kasi hindi pa talaga kami sure sa desisyon namin.so,for sure,makakakuha ako ng cenomar sa nso.now na gusto na naming maghiwalay,kelangan pa ba itong ipa-annul sa korte?what is there to annul when the marriage is void right at the beginning?hindi ba enough na katibayan yung cenomar na pwede na ulit ako magpakasal sa iba?kung kailangan man ipa-annul,do i need to go all the way to butuan city court where we got married?hindi ba pwede eto sa kahit saang korte?it was my estranged wife who decided that we separate but she doesn’t reply to my emails anymore & i don’t know her whereabouts.does she need to sign anything for the annulment process?how much would it cost to annul a fake marriage?please enlighten me so that i won’t be in trouble with the law the next time i decide to marry another girl for real..tnx very much!

  6. goodmorning…ask ko lng po pwede po ba ikasal kht na naikasal na,2 years ago po kc ikanasal ako s isang japanese pero sa papel lng po un d pu tlg kme mgjowa,infact wala po kme communication nun,bale ung frend ko po ang kumuha s knya at pra mging daan pra mkaalis ako ng bansa kung baga ung frend ko pu ung maggng manager ko at ung hapon na un eh bbyaran nya monthly meron komisyon,unfortunately d prin po ako nkkaalis until now dhil di po makontak ng frend ko ung hapon na yun,eh ngaun gusto po ako ipakasal ng parents ng kacntahan ko dhl buntis po ako sa ank nila eh di ko po msbe ung ctwasyon ko dhl bka kng anu icpn nila.maaari po ba na mgpakasal ako uli sa taong mhl ko at tunay na pgaasawa hndi lng sa papel,maari po ba un kung wla nmn mgrereklamo o mghahabol dhl cgurado nmn pong wla dhl di ko nmn po bf ung hapon,tska di na po nila mkontak un,

  7. gudpm po atty,,halos same po aq ng prob nila,,,ngpakasal po aq sa japan sa isang lalaking may asawa o kasal pa rin dto sa pinas,,hiwalay na po kami at nasa japan pa rin sya ngayon meron na namman syang kinaksamang ibang babae,,,wala po aq permanent job dto sa pinas ,,gusto q po sanang mapa null and void ang aming kasal….pede po ba aq lumapit sa PAO?thanks and more power po Godbless

  8. gud am po atty. itatanong ko lang po kung may bisa po ba  kasal namin kinasal po kame sa simbahan pero  ibang idad po ang ginamit ko kasi menorde edad pa ko nung mga oras na un ….ngayon po hiwalay na kame nagkarun po kame ng dalawang anak gusto po sana mapawalang bisa ang kasal namin pano po ba un?tnx po

  9. magandang araw po atty. ako po ay may asawa at dalawang anak pero di na po kami nag sasama ng aking asawa gawa po nang malaman ko na ang aming kasal ay wala pong lisensya at wryth of cohabitation lang po ang naka attached sa aming marriage contract. Valid po ba Atty. ang aming kasal kahit po mali ang aking address, peke po lahat ang pirma ng mga ninong at ninang at wala pong katotohanan na nagsama na po kami ng 5 years bago kami nagpakasal.

    Nais ko pong maliwanagan Atty. kung ano po ang dapt kong gagawin…salamat po Atty

Leave a Reply

Your email address will not be published.