Anne Curtis, Nagpaalam sa Showtime!

NAGPAALAM SI Anne Curtis na pansamantala siyang mawawala sa It’s Showtime. 

But the things is, hindi naman klaro kung bakit pansamantalang mawawala ang beauty ng hitad. Hindi kasi niya ini-specify kung ano ang kanyang gagawin sa buong isang buwan.

Marami tuloy ang naghinala na baka umapir siya sa America’s Next Top Model where she was featured as a model for Francis Libiran.

Pero mukhang hindi naman ito ang katotohanan.

“To clear it with all of my leaving has nothing to do with Asia’s or Americas Next Top Model. Something different.“ tweet ni Anne.

So what could it be kaya?

Anyway, ayaw pa ring sabihin ni Anne ang rason why she will be away for one month.

“It’s something I’ve always wanted to experience. Thank you Lord for giving me this opportunity!” sabi niya.

Hindi kaya magku-cruise lang si Anne kasama ang dyowa niyang si Erwan Heussaff  kaya siya mawawala ng isang buwan?

NANINIWALA SI Nadine Samonte sa second chances kaya naman pinagbigyan niya ang non-showbiz boyfriend niyang si Emerson Chua nang balikan siya nito.

“Six years na kami nang maghiwalay kami,” tsika ni Nadine sa presscon ng extension ng Valiente.

Ang paliwanag ni Nadine, “mga issues na hindi napagkakasunduan minsan” ang naging dahilan ng kanilang break-up.

Pero tumagal lamang ng two months ang kanilang hiwalayan dahil sinuyo siya muli ng binatang businessman.

Pero ang sabi ni Nadine, wala nang third time para sa kanila ni Emerson.

“Kasi sa akin second chances okay pa, eh. ‘Pag third pa rin ‘eto na naman ang nangyari, nu’ng second, tapos ano na naman ang mangyayari sa fourth. ‘Pag nagkahiwalay kami after ng second chance, parang feeling ko totally wala na,” esplika niya.

Sabi pa ng dalagang Kapatid star, may mga pagbabago sa kanila ni Emerson ngayon.

“Hindi na katulad dati na parang boyfriend-girlfriend relationship. Ngayon may halong best friend na, barkada na lang, minsan adviser, minsan boyfriend mo, ‘yung ganoon.”

Aminado naman si Nadine na nagkaroon sila ng relasyon ni Leandro Muñoz pero hindi ito nagtagal.

“Inamin ko naman. Aminado naman ako. Siguro wala pa kaming one month,” pag-amin ng dalaga.

Kasama ni Nadine si Lorna Tolentino sa Valiente at ang description niya sa beteranang aktres ay , “Maganda siya. Ang ganda niya. Very approachable siya.”

BLIND ITEM: Naku, hindi naman pala kataka-taka na itong isang beking staff ng isang network ay super sipsip sa isang actor na kanyang pinagtatanggol to the max.

When this beki was just starting ay faney pala ito ng isang love team noong 80’s. Talagang wala siyang sawa sa kapupunta sa taping, shooting at kung anu-ano pang activities ng kanyang iniidolo.

Not surprisingly, nakapasok siya sa showbiz. Siyempre, nagkaroon siya ng connection, ‘no.

Kaya lang, parang hindi na nakaalis sa kanyang fan mentality ang gay staff na ito ng network. Up until now kasi ay fan na fan pa rin ang kanyang drama. He has not evolved at parang lalo pang naging fan ng isang actor to the point na super tanggol siya sa mga friends niyang tumutuligsa sa kanyang idolo.

Naku, hindi kaya in the end ay isipin na salot siya ng mga kaaway ng kanyang iniidolo? What do you think?

 
Lex Chika
by Alex Valentine Brosas

Previous articleJessica Sanchez, pinag-aagawan na ng 3 malalaking network sa bansa!
Next articlePinoy Parazzi Vol 5 Issue 69 May 25 – 27, 2012 Out Now!

No posts to display