Anne Curtis, nagbahagi ng bonus sa charity!

KINAKABAHAN NA SI Vice Ganda, dahil malapit na ang October 26 showing ng Praybeyt Benjamin. Kinakabahan siya, kasi, galing ang Star Cinema at Viva Films sa posibleng maka-P220M gross na No Other Woman, eh.

“Juice ko, ang pangarap ko na nga lang ngayon, kahit man lang malampasan ang Petrang Kabayo gross last year, na (I think) naka-P132M.

“Eh, pinagsanib na pwersa pa rin ito ng Viva at Star, kaya nakakanerbiyos. Ang taas ng expectation sa movie na ‘to ng madlang pipol, kaya sana, tulungan nila akong ma-meet,”  sey pa ni Vice.

Sa lahat ng sinehang pinaglalabasan ng No Other Woman, in fairness, ipinalalabas ang trailer ng Praybeyt Benjamin at halos iisa lang ang reaksiyon. Natatawa sila, kaya excited din silang mapanood ito.

Nakausap nga namin si Roxy Liquigan, ang AdProm ng Star Cinema at sinabi nito sa aming, “Sobrang nakakatawa ‘to, Ogs. Napanood na namin ‘yung movie. Mas maganda ‘to sa Petrang Kabayo, promise!”

Eh, kilala namin ang kumare naming ito. ‘Pag pangit talaga ‘yung napapanood niya, sasabihin din niya sa amin, “Hindi ako puwedeng magsinungaling

sa ‘yo, mare, alam mo ‘yan!”

FEELING NAMIN, MALAKI ang chance ni Anne Curtis (hindi namin alam kung) maging Best Actress o Best Supporting Actress, dahil sa makatotohanan niyang pagganap bilang “kabit” sa No Other Woman.

Actually, habang pinanonood nga namin ang pelikulang ito, hindi namin naramdamang siya si Anne Curtis, kungdi “kabit” talaga ang tatak niya sa amin. That means very effective lang talaga ang portrayal ni Anne.

At bongga nga ang kanilang bonus na tinanggap, tig-P1M sila nina Derek Ramsay, Cristine Reyes at Direk Ruel Bayani (na sana pati production staff at crew din na naging bahagi sa pagbuo ng pelikula).

Sey ni Anne sa amin, “Actually, ‘yung 20% sa bonus na tinanggap ko, I’ll give it to charity, because what more can I ask for, ‘di ba? I’m just sharing my blessings!”

How nice of Anne, ‘di ba?

BLIND ITEM: NAKAKALOKAH ang mga turn of events. Unang lumabas ay bininyagan ang anak sa iba ng isang kilalang personalidad. Idinenay ng nanay ng bata na anak ‘yon ng naturang personalidad. ‘Yun daw laging kasa-kasama ni Mr. P ang siya raw ama ng bata.

Hinihiling ng iba na magpakita naman ‘yung tatay talaga ng bata kung totoong hindi ito anak ni Mr. P. Pero wala namang maipakita. Kahit nga yata picture ng ama ng bata.

Ang latest naman na nakarating sa amin, totoong hindi anak ‘yon ni Mr. P at ang nakakalokah pa, hindi rin ‘yon anak ng natu-rang babae.

Sasambulat din ang katotohanan. Para raw itong isang teleserye, promise.

So, kaninong anak ‘yon?

‘Wag n’yo sa aking ibintang ‘yan, ha? Apat na po ang anak kong babae, hahahaha!

P’WEDE N’YO NA po kaming mapanood nang live sa facebook mula Lunes hanggang Biyernes, 4-5:30pm sa www.facebook.com/vibestayo. Magchikahan tayo, mag-chat kayo sa amin at babasahin din namin nang live, promise. 

Paki-like na rin ang fanpage ng vibes tayo, dahil in the first place, vibes naman tayo lahat, ‘di ba?

Oh My G!
by Ogie Diaz

Previous articleKaya pala loaded ng commercial ang show Nora Aunor, ‘di na raw mabenta?!
Next articleJohn Lloyd Cruz, may kakaibang gagawin sa pelikula nila ni Angel Locsin?

No posts to display