FEELING NAMIN, ISA sa mga araw na ito ay magkakapatawaran sina Annabelle Rama at Wilma Galvante. Malambot din naman ang puso ni Bisaya, alam namin.
“Alam mo, Ogie, mabait si Richard, ‘yang anak ko. Kasi, sabi niya sa ‘kin, ‘Mom, ‘wag ka nang gumawa ng rally sa harap ng GMA-7 to call for Tita Wilma’s resignation. ‘Wag na. Magtatrabaho na lang ako!”
Kaya nga biglang bawi si Tita Annabelle ng, “Sorry sa mga gustong sumama sa rally sa akin sa harap ng GMA-7, dahil hindi na po tuloy ang rally. Pinakiusapan ako ng anak kong si Richard na ‘wag na,” sey ni Tita Annabelle sa radio program naming “Wow! Ang Showbiiiz!” kahapon (11-12nn over dwiz 882 sa inyong AM station everyday).
“Alam mo naman ‘yang si Richard, nagmana sa tatay niya. Mabait din kasi si Eduardo. Ang nagmana sa akin, si Ruffa at si Raymond!”
So, hindi ba nagmana sa kanya si Richard. “Hindi. Hindi siya nagmana sa akin!”
Matagal nang hindi nagkasama at sa May 15 ay back-to-back concert pa sila, sina Sheryn Regis at Erik Santos sa “Big C As In Concert at Comedy” sa Metro Comedy Bar (West Avenue) together with Frenchie Dy at Vice Ganda.
Good songs, good voices at tamang laugh trip ang gabing ito kung saan ang bawat manonood ay para na ring nakatulong sa mga breast cancer patients sa kanilang pagpapa-chemotherapy.
Tatlong taon na kaming nagla-line produce ng show para sa Kasuso Foundation, dahil ‘ika nga, ikaw ang walang kanser, ikaw ang mag-share ng talents, ng blessings sa mga may Big C.
Kaya thankful din kami sa Backroom, lalo na kay Kuya Boy, dahil hindi kami nahirapang makuha si Erik for this good cause. Si Sheryn naman, “Noon ko pa ginagawa ito, Tito Ogie, kaya excited na rin ako.”
Biritan to the max ang concert na ‘to na hinaluan pa ng isa pang singing champion na si Frenchie (thru her manager Dong Pilotos) at siyempre, si Vice Ganda na dalawang taon nang sinusuportahan ang foundation thru his participation.
For ticket reservation and sponsorship, you can contact 09228398878.
Oh My G!
by Ogie Diaz
