Angelica Panganiban snubs issue of ‘vote-buying’ in Star Awards!

SA IPINAKIKITANG SAMPLE ng marami nating kababayan sa programang Showtime, nakakaaliw at nakakabaliw, may magagaling sa kanilang talent at meron din namang makaeksena lang. Pero ang importante, enjoy at hindi ka pikon. At ito ang isa sa mga dahilan kung bakit habang tumatagal ay lalong lumalakas ang nasabing programa.

Ang Talentadong Pinoy ng TV5, ang Showtime at Pilipinas Got Ta-lent ng Dos ay pampalipas oras-namin sa bahay dahil dito nakikita namin ang mga kakaibang  talento ng mga Pinoy na hindi mo aakalain na may ganu’n palang kakayahan ang lahing kayumanggi.

Si Ryan Agoncillo, nakakaaliw pero iba ‘yung hatid ni Vice Ganda, nakakaaliw na, nakakawindang pa. ‘Yun bang magtataka ka kung saang planeta niya nakukuha ang mga ibinibigay niyang komento sa mga contestant habang sina Kris Aquino at Ai-Ai delas Alas (sorry friend ha) ay parang iyon at iyon lang ang mga sinasabi nila sa mga contestant. In short, parang naggagayahan lang.

Isang grupo ng taga-Tondo na sumali kamakailan sa Showtime, natalo ang mga ito pero dumating sa aming lugar na tuwang-tuwa. At ang dahilan, naaliw raw sila sa pang-ookray ni Vice. ‘Yun bang totoo na, pero iisipin mong biro pa, pero tanggap mo. Ganun!

Kaya nga sa July 1 ay tiyak na isa kami sa makikipila para sa “Vice Ganda: Todong Sample sa Araneta” dahil alam naming may mga bagong eksena at pasabog na hindi puchi puchi ang aming mapapanood.

So, kita kitz na lang po tayo sa Araneta. Tsuk!

BLIND ITEM: HANGGANG ngayon, itinatanggi pa rin ni magandang TV host ang kanyang anak na ngayon ay nasa grade school na sa isang private school sa Parañaque. Kung minsan, isinasamang mamamasyal ni TV host ang kanyang anak, pero hindi puwedeng walang chaperon, dahil iwas ito na makitang magkasama silang dalawa ng anak.

Minsan daw ay nagtanong ang magandang bata sa kanyang lola, bakit daw parang ikinahihiya siya ng kanyang mommy, hindi ba raw siya pretty at bad girl ba raw siya? Hindi alam ang isasagot ng lola kaya niyakap na lang daw ang magandang bata, na anak ni TV host sa isang kilalang businessman.

Sa totoo lang, siguro dapat nang magising sa katotohanan ang TV host na ito na kailangan na niyang ipakita sa publiko at aminin na siya ay may maganda at ismarteng anak. Dahil una at higit sa lahat, hindi na naman siya youngstar at may image na pinangangalagaan.

“Ewan ko ba sa kanya, basta ako naawa ako sa bata sa tuwing makikita ko siya. Kasi kung anak ko lang ‘yang aktres na iyan, baka kinurot ko iyan at pinagsabihan nang bongga-bongga! Bakit niya ikinahihiya ang aking apo?!” Sey iyon ng isang taga-BF Homes na aming spy.

HINDI NA NATUTUWA si Angelica Panganiban sa walang tigil na balitang binili niya ang kanyang acting nomination sa Star Awards.

“Hay, naku! Mahal ko ang mga kaibigan natin sa press. Keber ko ba kung isipin nilang nagbayad ako. Birthday nu’ng tao at keri ko namang magbigay ng GC, so?” Pahayag iyon ni Angelica na obvious na nababanas na sa walang kamatayang isyu.

Ayon kay Angelica, kailanman mula pa sa kanyang pagkabata ay never siyang bumili ng acting award. Ang mga award na nakukuha raw niya ay bunga ng kanyang pagsisikap at hindi dahil sa bayad.

“Unfair iyon, Kuya Morly. Actually, napagkasunduan na ng PMPC na huwag nang palakihin at pag-usapan pa ang isyu dahil wala naman talaga. Tsaka bilang president, never na pumasok sa utak ko na samantalahin ko ang aking posisyon para sa ganyang mga bagay. Isa lang ang masasabi ko riyan, tapos na ang Star Award kagabi na ginawa sa Resorts World at masaya naman ang lahat,” paliwanag naman ng presidente ng PMPC na si Melba Llanera.

More Luck
by Morly Alinio

Previous articleAfter her succesful operation: Amy Austria promises to help the needy
Next articleBianca Manalo has no interest with John Prats!

No posts to display