TOTOO NGA KAYANG minsan ay wala raw sa sarili si Cesca Litton sa talk show na kinabibilangan nito na E-Live? Balita namin, kapag turn na raw nito na chumika ay parang ‘di raw alam ng TV host ang kanyang gagawin at ‘di raw alive na alive ang dating nito, kumpara sa energy level ng mga co-host nitong sina Luis Manzano, Nikki Gil at Ogie Diaz.
Totoo rin kaya na minsan daw ay ipinakita pa ng staff ng E-Live sa ex-girlfriend ni Jericho Rosales ang text message mismo ng isang big boss ng ABS-CBN na tila hindi satisfied diumano sa hosting ng dalaga?
Sayang naman ang break na ibinigay ng ABS-CBN kay Cesca kung totoo nga talaga ang mga balitang ‘to. Malaki kaya ang kinalaman ng break-up nila ni Echo kung bakit may mga ganitong balita na lumalabas?
BAGO PA PUMUTOK ang balita na may mga death threats diumano kay Bea Alonzo, maging kay Gerald Anderson at pati na rin sa nanay nito, na galing daw sa ibang grupo ng fans ng young actor at rumored ex-girlfriend at ka-loveteam nito na si Kim Chiu na Kimerald, may nag-chika sa amin na may nakakita raw sa guwapong binata sa condominium ng una sa Eastwood sa Libis, Quezon City. So how true kaya ititch?
Sa nagdaang Star Magic ball naman daw ay agad to the rescue ang mga barkada ni Kim to comfort her, with matching hugs, matapos daw umalis ni Gerald sa party kasabay si Bea. Kahit daw sa huling show na pinagsamahan ng dalawa sa Amerika ay may nakakita na hindi raw sabay kumain ang mga ito sa isang restaurant.
Nawa’y hindi makaapekto sa pelikula nina Kim at Gerald na ‘Till My Heartaches End ang unos na pinagdaanan o pinagdadaanan nila. Kunsabagay, mukhang maganda naman ang movie nila para hindi kumita which is written and directed by Jose Javier Reyes, under Star Cinema.
MAG-O-OBER DA BAKOD na pala si Will Devaughn from ABS-CBN to GMA-7. Makakasama raw ito sa telenovelang Dwarfina nina Heart Evangelista at Dennis Trillo kung saan magiging leading man din ito ng dalaga. Today raw ang story conference nila.
APAT NA BUWANG buntis pala ulit ngayon ang partner ni Paolo Contis na si Lian Paz, na dating member ng EB Babes ng Eat… Bulaga! Wish nina Pao at Liz na sana ay boy naman ang kanilang susunod na angel after ng kanilang panganay na si Xonia na seven months old na at napakaganda. Congratulations again, Pao and Liz!
Ugaliin n’yo pong makinig sa Wow! Ang Show biz! over at DWIZ 882 Khz on AM band, from Monday to Friday, with Ogie Diaz, Ms. F a.k.a Fernan de Guzman, Eric Borromeo, Rommel Placente, and yours truly. Maraming Salamat Po!
Franz 2 U
by Francis Simeon
