Andi Eigenmann, patatabain ni Jaclyn Jose ‘pag ‘di pinagpahinga?!

TAMA ANG GINAWA ni Willie Revillame. Nu’ng nagsalita siya sa harap ng maraming press, hindi niya siniraan ang ABS-CBN, ang istasyong nagpala sa kanya. Bagkus, isinalaysay lang niya ang totoong nangyari na kinausap siya para bumalik na sa Wowowee only to find out na papalitan na pala ito ng ibang show.

Ang kaso, ayaw siyang i-release ng Kapamilya network? So ang tanong: Kakagatin ba ni Willie ang alok ng istasyon na isang show kahit labag sa kalooban niya para matapos na lang ang kontrata?

O, kung hindi ba tatanggapin ‘yon ni Willie, tuloy pa rin ba ang pagpapasuweldo sa kanya ng ABS-CBN hanggang sa matapos ang kontrata sa September 2011?

O, ‘yung hinihingi niyang pakiusap na i-release na siya ngunit ayaw naman siyang payagan ay lalabanan na lang niya sa korte? Abangan ang susunod na kabanata.

MALAPIT NANG MATAPOS ang Agua Bendita. Ayon sa aming nakausap, malakas ang show na ito ni Andi Eigenmann. “Pero hindi na namin ma-stretch ang kuwento kaya ie-end na. At least, masarap mag-quit nang nasa top ka.”

Saka sabi pa, hindi na raw magagalit si Jaclyn Jose na kapag hindi pinagpahinga ang anak niya ay patatabain niya ito. Totoo ba ‘to, Ms. Jaclyn?

KILALA N’YO ‘YUNG parang sidekick ni John Lloyd Cruz sa pizza commercial nito? Oo, kapatid ito ni Jessa Zaragoza, si Lloyd.

Aside from Vice Ganda and Marissa Sanchez, alaga na rin namin ngayon si Lloyd. Nakakalokah pala ang tattoo sa katawan ng batang ito. Wala ka nang mapaglagyan sa dami. Pati likod niya, pinuno na niya.

“Kasi, nu’ng nag-Japan ako, nag-Hong Kong dahil me banda nga ako, akala ko, hindi na talaga ako mag-aartista, kaya nagpa-tattoo na ‘ko.

“Eh, biglang dumating ‘yung commercial ng pizza, kaya ‘eto na. Sabi ko sa ate ko, itutuluy-tuloy ko na ‘to.

“Sa totoo lang, gusto kong kumanta, gusto kong magka-album. Sobrang dream ko ‘yon, kaya sana, matupad!”

Pinanood namin ang ilang video ni Lloyd Z sa YouTube, at in fairness, kahit maraming tattoo ang mokong, daming girls ang gustong yakap-yakapin siya, huh!

‘Wag n’yong kalilimutang makinig sa “Wow! Ang Showbiiiz!” sa dwiz 882 sa inyong AM station at maririnig din sa www.dwiz882.com, 11-12nn kasama sina Francis Simeon, Rommel Placente at Ms. F.

‘Yan ay kung type n’yo lang maaliw, ha?

Oh My G!
by Ogie Diaz

Previous articleWillie, Ayaw Pakawalan ng Dos!
Next articleCristy Fermin, may utang kay Pokwang?!

No posts to display