Anak sa Labas, Naghahabol ng Mana

Dear Atty. Acosta,

 

NAGKAROON PO ako ng relasyon sa isang lalaki na may asawa. Kinilala po niya ang bata, sinuportahan at pinag-aral. Makalipas ang 10 taon, namatay ang ama ng anak ko. Nalaman ng legal niyang pamilya, asawa at dalawang anak, ang tungkol sa relasyon namin. Galit na galit sa amin ang kanyang pamilya at hindi kami pinayagang makita man lamang ang kanyang labi. Ang tanong ko po, ngayong patay na ang ama ng aking anak, mayroon po ba siyang karapatang magmana sa kanyang ama kahit abot langit ang pagtanggi ng kanyang legal na pamilya na may mamanahin ang aking anak? Marami pong pag-aaring bahay at lupa ang kanyang ama, mga sasakyan, at mga kasangkapan. Sana masagot ninyo ako para naman malaman ko ang aking gagawin para na rin sa aking anak.

 

Nunila

 

Dear Nunila,

 

DAHIL WALA kang nabanggit sa iyong salaysay na last will and testament o huling habilin na isinagawa ng ama ng iyong anak, ipagpapalagay naming wala ngang ganitong dokumento. Ganoon din, malinaw sa iyong paglalahad na kinilala ang iyong anak ng kanyang ama. Kung magkaganun, bagama’t hindi lehitimo ang kanilang relasyon, siya ay anak ng huli. Dahil dito, mayroon siyang karapatang magmana sa kanyang ama sang-ayon na rin sa umiiral na batas, kahit na walang huling habilin o last will and testament ang kanyang ama na nagkakaloob ng pamana sa kanya.

Sang-ayon sa batas, ang mga sumusunod ay ang mga itinuturing na compulsory heirs o mga tagapagmanang itinatakda ng batas na hindi maaaring tanggalan o mawalan ng mana, maliban na lamang sa mga sinasaad ng batas:

“Art. 887. The following are compulsory heirs:

(1) Legitimate children and descendants, with respect to their legitimate parents and ascendants;

(2) In default of the foregoing, legitimate parents and ascendants, with respect to their legitimate children and descendants;

(3) The widow or widower;

(4) Acknowledged natural children, and natural children by legal fiction;

(5) Other illegitimate children referred to in Article 287.”

 

Ang mamanahin ng iyong anak ay kalahati ng mamanahin ng lehitimong anak (Article 176 of the Family Code as amended by Republic Act No. 9255).

Ganun pa man, kailangang hindi maapektuhan ang tinatawag na legitime ng mga compulsory heirs gaya ng lehitimong anak at asawa. Ang legitime ay bahagi ng ari-arian ng isang tao na inirereserba o pinoprotektahan ng batas para sa mga compulsory heirs (Article 886 of the New Civil Code of the Philippines).

Samakatwid, walang katotohanan ang sinasabi ng legal na pamilya ng ama ng iyong anak. May karapatan ang iyong anak na maghabol sa mga ari-ariang naiwan ng kanyang ama. Dahil sa malaki ang posibilidad na hindi makipagkasundo ang pamilya ng kanyang ama para sa paghahati ng naiwang ari-arian, maaari kayong dumulog sa korte para ito na ang magbahagi ng nasabing pamana sa mga tagapagmana ng ama ng iyong anak.

Atorni First
By Atty. Persida Acosta

loading...

4 thoughts on “Anak sa Labas, Naghahabol ng Mana

  1. Dear atty. Acosta
    Gusto ko lang pong humingi ng payo sa inyo kung ano po ba ang dapat kong gawin… ganito po yun, may kinakasama po ako dati at nagkaroon po kmi ng 3 na anak…. iniwan ko po ung kinakasama ko nung 2013 pa po dahil sa lagi kming nag aaway at para na rin magtrabaho, pati mga anak ko iniwan ko din sa knya…..
    Ngayon po ang problema ko, gusto ko po sanang kunin mga anak ko pra dito ko sila pag aralin pero ayaw po nilang ibigay sa akin kasi daw po iniwan ko ang mga anak ko at sila daw po ang nag alaga at nagpalaki sa mga bata….
    Ngayon nabalitaan ko na nakakulong ang tatay ng mga anak ko dahil daw sa droga, kaya nagtext ako sa kanila na kunin ko na ang mga bata para dito na sila sa akin pero ayaw ibigay ng lolo at lola nila (sa father side)
    Ang tanong ko po atty. Wala na po ba akong karapatan na kunin ang mga anak ko dahil iniwan ko sila ng 4 na taon? Ano po ba ang dapat kong gawin?

  2. Dear atty. Acosta
    Gusto ko lang pong humingi ng payo sa inyo kung ano po ba ang dapat kong gawin… ganito po yun, may kinakasama po ako dati at nagkaroon po kmi ng 3 na anak…. iniwan ko po ung kinakasama ko nung 2013 pa po dahil sa lagi kming nag aaway at para na rin magtrabaho, pati mga anak ko iniwan ko din sa knya…..
    Ngayon po ang problema ko, gusto ko po sanang kunin mga anak ko pra dito ko sila pag aralin pero ayaw po nilang ibigay sa akin kasi daw po iniwan ko ang mga anak ko at sila daw po ang nag alaga at nagpalaki sa mga bata….
    Ngayon nabalitaan ko na nakakulong ang tatay ng mga anak ko dahil daw sa droga, kaya nagtext ako sa kanila na kunin ko na ang mga bata para dito na sila sa akin pero ayaw ibigay ng lolo at lola nila (sa father side)
    Ang tanong ko po atty. Wala na po ba akong karapatan na kunin ang mga anak ko dahil iniwan ko sila ng 4 na taon? Ano po ba ang dapat kong gawin?

  3. Good day Atty: Acosta!
    Ask lang po ako ng advice in regards to this. Ang father ko po ay may asawa sa una {kasal} at silang mag-asawa ay may naipundar na bahay at lupa. Di nagtagal, namatay ang asawa niya. After that, naging magkasintahan ang aking ama at ina at sila ay nagpakasal din at nagkaroon din sila ng 4 anak. hindi rin nag-tagal namatay ang aking ama noong akoy nasa edad na 13 yrs old. Ang tanong ko lang po ay ganito, may karapatan po ba ang aking ina at kaming magkakapatid na 4 kung sakaling ibenta ito ng mga anak ng ama ko sa una niyang asawa? Please advice? Maraming salamat po.

  4. Hi Atty.
    Clarification lang po. Pag ba po kasal sa simbahan lang ang kasal ko nung 1987 at mag papa annul kami ng ex ko, kailangan po rin ba sa Civil. 11yrs napo kaming hiwalay at mga Adult na ang mga anak namin. Gusto lang po namin mag move on na kami at maayos ang buhay namin with our own Partners now. Church Annulment lang po ba ang dapat naming gawin?

Leave a Reply

Your email address will not be published.