KUNG SINU-SINO NA ang sumasawsaw sa isyung break-up daw nina Pres. Noynoy Aquino at Shalani Soledad.
Nakiusap na si P-Noy na kung puwede, sa kanya na lang ang aspetong iyan kaya wala ring kumpirmasyon kung talagang break na nga ba sila at kung ano ang dahilan.
Nakipag-date noon sa Nuvo si Pres. Noynoy sa isang nagnga-ngalang Barbie Palagos, pero hanggang du’n lang daw ‘yun at sinabi nu’ng babaeng naka-date ni P-Noy na wala nang kasunod iyon.
Na-link din si P-Noy sa stylist niyang si Liz Uy pero wala siguro iyon.
Ingat na ingat nga si Kris Aquino na sagutin ang isyung iyan, dahil hindi raw niya puwedeng pakialaman ang lovelife ng kuya niya at bunso lang siya.
Dahil diyan sa isyung lovelife ng ating Pangulo, may mga naglabasan tuloy na ibang girls na na-link sa kanya noon.
Kung napanood n’yo ang Startalk nu’ng Sabado, isa sa na-link sa kanya noon ay si Maricel Morales na isa ring konsehal sa Angeles, Pampanga.
Nahiya si Maricel na pag-usapan iyon dahil wala naman daw talagang namagitan sa kanilang dalawa. Sobrang tagal na raw noon, kung saan nag-shooting daw sila sa Tarlac, doon daw nila nakilala si President Noynoy. Sobrang asikaso raw sila at lagi raw siyang kinukumusta kung okay sila. Kaya hindi naman daw niya masabi kung may balak ba siyang ligawan, dahil hindi naman daw nasundan iyong pagkikita nilang iyon. Basta napakabait lang daw sa kanya ni P-Noy at noon pa man ay nakikita na raw niya na magiging magaling na lider iyon. O, ‘di ba bongga? At gusto nga raw niyang ma-meet uli ito ngayon para malaman nito kung kilala pa ba siya.
Bukod kay Korina Sanchez, na-link noon si Pres. Noynoy sa dating sexy star na si Barbara Milano na isa na ring pulitiko.
Kaya lang hindi na ngayon active sa showbiz si Barbara kaya hindi na siya nagugulo at nagagamit sa isyu kay P-Noy.
Naku, huh! Sa mga sexy star talaga nali-link si Pres. Noynoy, ha?! Ang hilig sa mga sexy girls!
Si Shalani naman ay talagang consistent na nanahimik kaya lalong naging curious ang mga tao kung sino ba talaga siya.
Nagpa-interview yata kay Cristy Fermin ang ina ni Shalani at nagkaalaman na kung ano ang tunay niyang pagkatao.
Sabi nga nila, puwedeng isapelikula ang buhay ni Shalani kaya abangan natin dahil kakalkalin at kakalkalin pa ang kuwento ng buhay ni Shalani.
NALOKA NAMAN AKO dito sa alaga kong si Alfred Vargas dahil panay naman ang punta niya ng Italy para dalawin du’n ang dyowa niya, huh! Last week lang umalis na naman pala papuntang Florence, Italy kasama si Roderick Paulate para mag-represent ng Quezon City para sa sister cityhood sa Florence.
Pagkatapos niya roon ay tutuloy na raw siya sa Milan, Italy para dalawin ang kasintahan niya roon na si Yasmine Espiritu.
Hindi raw niya kasi mahindian kapag nakiusap itong dalawin siya roon.
Ikinakaloka ko pa, dahil ilang beses na akong tinawagan ng ABS-CBN 2, para i-guest at gusto na nilang kunin sa isang teleserye pero wala naman dito.
Kaya pagbalik niyan dito, pagsabihan ko na ‘yan na mag-ayos na siya para sa pagbabalik niya sa showbiz, ‘no!
Gusto ring bigyan ng programa ‘yan ng GMA-7 pero may alok din ang ABS-CBN 2, kaya abangan n’yo na lang ang pagbabalik ni Alfred sa showbiz at marami na rin naman ang naghihintay, huh!
Mga Mata ni Lolita
by Lolit Solis
