TULUYAN NA NGANG lumipat sa Kapatid network ang dating Starstruck avenger-turned-soap opera actress na si Nadine Samonte. Marami ang nakapuna na hindi na siya masyadong binibigyan ng magandang exposure ng kanyang home network kaya ito lumipat. Nakatakda nang magbida si Nadine sa kanyang unang teleserye sa TV5, kung saan makakasama niya ang nagbabalik-showbiz na si Leandro Muñoz. May mga naka-line up din itong TV guestings at movie projects. Dahil sa pagbibigay-importansiya ng TV5 sa bago nilang bituin, marami ang nagsasabing threatened na raw ang tinaguriang ‘Prinsesa ng TV5’ na si Alex Gonzaga. Baka nga naman maetsa-puwera na ang beauty ng utol ni Toni Gonzaga lalo pa’t over-exposed na ito sa Singko. Time to lie low na ba muna, ‘teh? Ipahiram mo muna kay Nadine ang korona!
IWA MOTO, TULUY-TULOY ANG PAG-E-EMOTE SA TWITTER!
Kung si Rhian Ramos ay tila okay na pagtapos ng kanyang Twitter war sa ex-boyfriend na si Mo Twister, mukhang salu-ngat naman ang nangyayari sa kapwa niya Kapuso star na si Iwa Moto. Naging negative ang dating ni Iwa sa media matapos nitong basagin ang kotse ni Mickey Ablan, ang kanyang ex-boyfriend nang dukutin nito ang kanyang cellphone sa set. Sunud-sunod pa rin ang Twitter status updates ng dalaga na halatang hindi maka-move on sa kinahinatnan ng kanilang relasyon. May tsikang ang sexy starlet na si Janna Dominguez na raw ang bagong girlfriend ni Mickey Ablan. Dapat siguro’y turuan mismo ng GMA Artist Center ang kanilang primera kontrabida ng ‘anger management’. Unsolicited advice lang po!
TAMBALANG MANNY AT MARIAN, BUBUWAGIN NA!
Tuluyan na ngang mawawala sa ere ang Show Me The Manny, na pinagbibidahan ng Pambansang Kamao na si Manny Pacquiao at Primetime Queen na si Marian Rivera. Ikinalungkot ng mga cast and crew ng programa ang nasabing balita. Hu-ling taping day na ng tropa noong Martes. Halatang very close na sa isa’t isa ang mga kasama sa programa na dalawang taon din ang itinagal sa ere. Ayon sa aming impormante, magkakaroon pa rin ng bagong sitcom ang Siyete at karamihan pa rin ng cast members nito ay mga SMTM stars din. Marami naman ang nagwi-wish na sana’y ang Andres de Saya nina Cesar Montano at Iza Calzado ang ipalit sa iiwanang timeslot nito.
Show Twitz
Pinoy Parazzi News Service
