Ai-Ai delas Alas, pinuntirya’t pinaglaruan ang ‘bird’ ni Edward Mendez

HINDI KO alam kung saan kinukuha ni Ai-Ai delas Alas ang kanyang lakas, physically at emotionally.

Kung titingnan mo siya, para wala siyang dinadalang problema gayong ang sarili niyang buhay ay windang pa rin dahil sa nakaraang insidente na naganap sa kanila ng asawa na si Jed Salang.

Biruan nga ng mga beki, kung tayong mga Katoliko ay may Mother of Perpetual Help na hinihingan ng tulong sa panahon ng kagipitan at pangangailangan; siya naman ang Ina ng Bugbog, Kaladkad at Torture ng mga kababaihan na sinasaktan ng kanilang mga mister or partner.

Pero parang wala lang. After all the physical pain at trauma na naranasan niya, tila back to her feet ang Comedy Queen na humarap sa media kamakailan para sa launch ng pelikula niyang Kung Fu Divas.

Sa pagpasok pa lang ni Ai-Ai, laugh trip na ang mga press sa kanya. Papaano ba naman, ang kanyang outfit, parang costume sa isang children’s party habang si Marian Rivera na kasama niya sa pelikula ay naka smart casual dress na super sexy.

Kung sabagay, kahit ano mang isuot ni Ai-Ai she can can get away with it. Cute naman ang kanyang porma. Parang Super Hero na talbog si Wonder Woman o si Darna.

Laugh trip ang press kay Ai-Ai lalo na ang pangkaraniwang mga tao na sumusubaybay sa kanya.

Lahat, kahit ano, idinaraan niya sa pagpapatawa. Mula sa “petchay” na diskusyon nila ni Marian sa isang eksena, I’m sure matatawa ka.

Kung may “petchay” na for sure ay may double meaning sa mga malisyong kaisipan ng mga manonood ng pelikula nila ni Yan Yan (palayaw ni Marian), I’m sure mas mawiwindang ka kay Ai-Ai na pinaglaruan ang “bird” ng hunk na si Edward Mendez.

Hagalpakan nang tawa ang press nang maging puntirya ni Ai-Ai ang “kuwan” ni Edward na sa ilang eksena sa pelikula ay may super presentation (sa lenguwahe ng mga bekis) ang “bird” ni Edward.

“Papaano ba naman hindi kami mako-conscious at mapansin ang bird niya eh, ‘andu’n kami sa ibaba sa pagitan ng mga binti niya na nakaluhod sa eksena.”

Kaya nga si Marian, laugh na lang sa kalokahan ng co-star niya na hindi makapag-comment tungkol sa bird ni Edward, dahil nga naman very off kung may maikukuwento pa siya dahil girlfriend nga naman siya ni Dingdong Dantes.

Sayang, walang nag-follow-up question tungkol sa bird ni Edward kay Ai-Ai kung sa pagkagulat ng komedyante sa “kuwan” ng hunk ay kung naka-Sleepy Bird or Angry Bird mode ito.

AYAW MAG-COMMENT ng magandang si Jasmine Curtis-Smith kung sila na nga ba ng guwapong si Sam Concepcion.

Interesting couple ang dalawa lalo na’t agaw-atensyon ang singer-actor ng mga kababaihan at mga beki ngayon na naghanda ito na mapaganda ang katawan dahil for the first time ay rarampa siya sa Cosmo Bachelor’s Bash na tinaguriang “pinasosyal” na gaybar show.

“We’re just friends,” sabi ni Jasmine sa amin sa special screening ng Cine Filipino movie niya na “Puti” directed by TVC Director Mike Alcarazen.

“But I’m a one woman-man,” pahabol niya na ang sub-text ay sila na nga ni Jasmine.

Happy kami sa baguhan dahil dahan-dahan, she’s making a mark in showbiz after winning Best Supporting Actress in the recent Cine Malaya Film Festival for her performance in Transit.

Slowly but surely, nagkakaroon na siya ng sariling imahe. Hindi na kailangan ikabit ang pangalan ng kapatid niyang si Anne Curtis dahil mas naunahan na yata niya ang kanyang Ate Anne ngayon pa na ang pelikula niya na Transit ay official entry ng Pilipinas para makapasok sa Oscars.

Sa December, baka mag-solo living na si Jasmine and have her own crib. Sa ngayon she lives with her sister.

Reyted K
By RK VillaCorta

Previous articleButch Francisco, nakaiirita ang pagtatanggol kay Rosanna Roces!
Next articleMarian Rivera, ayaw makasosyo si Dingdong Dantes

No posts to display