Ai-Ai delas Alas, insekyora kay Pokwang?!

OLA CHIKKA!! NATAWA naman ako nang mabasa ko ang isang blind item sa tabloid na dahil sa sobrang given na as in kahit bata yata mahuhulaan ay alam na alam na!

Based lang naman sa hula ko, ang tinutukoy sa istorya ay ang isyu tungkol dito sa Queen of All Media na si Kris Aquino at ang mga komedyanteng sina Ai-Ai delas Alas at Pokwang.

Kung matatandaan kasi, niregaluhan ni Tetay itong si Pokie ng customized pink van bilang pasasalamat sa pagsuporta sa kanyang kapatid na ating Presidente na ngayon.

Samantalang kay Ai-Ai, mga appliances daw umano. Siyempre, kitang-kita mo na ang diperensiya, ‘di ba? Ano nga ba naman ang appliances kumpara mo sa customized van?

Teka… malay mo complete appliance showcase pala! Ha-ha-ha!

Sa bagay, may karapatan nga namang magdamdam itong si Ai-Ai, hindi dahil sa naging materialistic siya at naipagkumpara pa niya ang regalo sa kanila. Malamang ang dahilan nito, ang friendship nila ni Tetay, at napakatagal na nilang close at hard support din naman siya sa brother ni friendship. Samantalang si Pokie, bago lang… tsk tsk tsk!

Inggitan portion ba ito? Kung totoo man ang chikkang ito ay talagang mapapa-ouch si Ai-Ai. Pa’no ‘yan hindi na dapat friendship ang tawagan nila, kundi… SHOWBIZ FRIENDSHIP na lang!

Ano mga kaparazzi? May dahilan na ba para masabihan si Ai-Ai na insekyora kay Pokwang? Hmmm…

BLIND ITEM: PITIK-BULAG! Sino siya? Mahulaan n’yo kaya itong young actress na sa kabila ng kanyang pagtuntong sa kasikatan ng kanyang career ay ganu’n din siya kabilis na-disappear?!

Tamah! Ilang mga palabas na rin ang kanyang pinagbidahan at talagang bumenta sa mga manonood. Malamang dahil sa kanyang karisma at chemistry nila ng kanyang ka-loveteam,at maraming kinilig sa kanila.

Ngunit kapansin-pansin ang biglang pagkawala ng young actress at maraming nagsabi na napag-iwanan na siya ng kanyang ka-loveteam na talagang nagiging in demand na ngayon.

Akala ng marami ay nagbabakasyon lamang siya dahil naging sobrang busy nga naman niya at ninais lamang na magpahinga.

Ngunit nawindang ako nang sabihin sa akin ng aking parazzi girl na nagtatrabaho sa isang talent agency na kaya wala raw sa eksena itong si young actress, dahil may sarili siyang eksena kung saang lupalop man siya ng mundo naroroon as… soon to be mom!

Tamah! ‘Yan ang nasagap kong chikka na nabuntis daw ito ng isang actor na mula sa isang artista search kaya biglang disappear ang drama niya. Hmmm… totoo kaya ito?

Eh, ‘di hintay tayo ng 9 months for confirmation! Ha-ha-ha!

Sino siya? Subaybayan na lamang sa aming programa sa DWSS 1494 kHz, weekdays, 11:30-12 nn, at makigulo at maging una sa chikka kasama ang aking mga parazzi girls na sina Lady Camille, Lady Ghaga and Lady Khianna. At patuloy pa rin po akong subaybayan sa DZRH TV tuwing Linggo, 2:30-3:30 pm. Thank you very much and God Bless us all!

Ooola Chika
E-mail: [email protected]
by Tita Swarding

Previous articleRichard Gutierrez at Solenn Heussaf, mag-dyowa na?!
Next articleLuis Manzano, posibleng kumalat ang ‘nota’ scene!

No posts to display